سبحااااااااااااااااان الله يافروالة...............قصتك عجيبة والله يسقي ظالمنا من الكاس نفسة عشر مرات.............من قلب؟؟؟
الله يجعلة تكفير لذنوبك!!!!
ليلااااس
•
اختي فراوله سبحان الله انسجمت مع قصتك مررررررررررره جعل ماجاك تكفير والله يكون بعونك ويرزقك الصبر والثبات بإنتظار تكملة قصتك لاتطولين علينا الله يكتب لنا جميعا كل خير
الصفحة الأخيرة
أنا اسفة جداً جداً على التأخير .. أرجو المعذرة
أولا أشكر كل من تفاعلت أو ردت على موضوعي
.................................
أكمل القصة :
كان يقول لي وأنا في السيارة راجعة لبيت أهلي ومحملة عفشي .. أنا مراح أيأس
من الزواج منك حتى لو كنتِ الثانية !! وكنت بيني وبين نفسي أسخر من كلامه
بس ماحبيت أجرحه ..
رجعت لبيت أهلي وكلي فرح ولا كأن صار لي شي .. وأهلي عل العكس متضايقين جدا
سبحان الله .. أحيانا الواحد مايحس بالصدمة على طول .. بعد مدة يبدأ يفيق شوي شوي
أول ما انتهت عدتي تقدم لي واحد .. وأنا كنت مشترطة على أهلي ما اقبل بأي عريس
إلا اذا تكلمت معاه بالتليفون _ بعد ماهم يقابلونه طبعاً ويرضوا فيه _ يعني اشترطت عليهم
إنه اذا تقدم لي واحد ورضيتوا عنه أتكلم معاه واذا ارتحت له والا فلا .. حتى ماتتكرر نفس المشكلة
المهم تقدم لي شاب حجازي .. أهلي رفضوا في البداية بحكم اختلاف المناطق
ولكن أنا اصريت انهم يسألوا عنه .. وأنه أنا مطلقة والفرص قدامي قليلة .. فوافقوا أهلي
على مضض .. بعد السؤال عنه تحدثت معاه على الجوال ووجدت انسان يختلف تماماً عن طليقي
لسان حلو ولباقة ورومانسي وكل شي تتمناه فتاة طايشة .. حبيته وحبني جداً .. وتعلقت فيه حتى
الجنون .. وكل هذا وأمه ما اتصلت علينا الخطبة تمت منه هو وأبوه ..
المهم .. في يوم من الأيام دق جوالي فرديت وإذا بنت سورية قالت أنتِ فلانه قلت ايوه
قالت أنا حبيبة ( فلان ) وانا لقيت رقمك بجواله وقرأت رسائلك وعرفت انك تحبيه وانا كمان احبه
وواعدني بالزواج !!
وانا وانتِ راح نتفق .. اللي يحبها أكثر تتركه للثانية .. قلت كيف ؟ قالت أنا اطلع معاه كل اسبوع
واذا ركبت معاه بدق عليك واعطيه الجوال حتى تتأكدي من صحة كلامي
أنا سايرتها في الحكي وقلت طيب اتفقنا
سكرت منها وعلى طول دقيت عليه .. وقلت له كل اللي قالت لي.. لأني مو مصدقتها
ولأني أراه ملاك مطهر ومستحيل يعمل كذا .. هو تضايق مرة وقال هذا مقلب من أحد زملائي
غيري جوالك .. وفعلا غيرت جوالي وأنا ولا على باااااالي .. مطمئنه من ناحيته جدا ولا يمكن أشك فيه
وبعد مدة قصيرة اكتشفت ان اللي قالته البنت صحيح .. انجنيت وارسلت له رسالة انه انتهى كل شي
وعشت في حزن وبكاء .. واغلقت جوالي ( وأقول ليه لسانه حلو ومن وين يعرف كلمات الحب أتاريه من المعاكسات !! ))
.. هو انهار لما عرف اني عرفت كل شي .. لانه كان
ناوي ينهي العبث ويستقر بالزواج ومايبغى زوجته تعرف عن ماضيه !!
جلس يتوسل لي بالبكاء انه مو صحيح وانه شاريني انا وانه وانه....!!
ولأجل اني كنت أحبه حب جنوني سامحته.. كنت أتخيل اني ما اقدر ابتعد عنه ..
سألته ليه امك ماجت تشوفني .. قال بتجي قريب.. وبعد ماجت وقت قصير .. وطلعت راحت توصفني له بأبشع المواصفات!! انجنيت لما قال لي .. صارحني بالآخر وقال : أمي مو راضية عن زواجي
من نجدية .. ولكن أنا مصر جداً وتحت إلحاحي جت تشوفك وقالت يمكن اذا وصفتها انها شينه
يصرف النظر عنها .. لكن هو قال لها .. طيب انا بطلب اشوفها من أهلها واذا ماعجبتني خلاص
انجنت الأم وقالت ماتشوفها .. ولا راح تتزوجها !!
زعل وطلع عن البيت شهر ما يكلمهم كوسيلة ضغط على أمه .. دق عليه واحد من اخوانه وقال امي في المستشفى .. راح لها جري قالت له بموت وأنا موراضية عنك لو تزوجت وحدة ما اخترتها لك
انا وماراح ارضى عليك الى يوم الدين !!
كلمني وهو في قمة الحزن .. ومايدري ايش يسوي .. قمت أنا سحبت نفسي .. وغيرت جوالي
ولكن ..
هل تعتقدون أني عشت براحة ......لا !!
جلست سنتين اعيش بحزن وكآبة .. تغيرت شخصيتي تماماً بعد هذي الصدمة.. سبحان الله
هذي كانت اشد من صدمة طلاقي بكثي ي ي ير ..لانه صعب على الانسان يفارق شخص تعلق فيه
وساعتها بس حسيت بزوجي وكيف عاش الم فراقي .. اللي يعرفوه يقولوا انه نحف النصف بعد
انفصالنا .. (بعد سنه وشهرين من طلاقنا تزوج )
عشت أيام كرهت فيها كل شي .. نحفت وفقدت نضارتي وجمال بشرتي
سبحان الله .. خلال محادثاتي معاه ماكنت أشوف عيوبه.. ولكن بعد ما بعدت عنه
صرت استرجع كل شي عنه .. وخاصة قضية معاكساته .. وشوي شوي صرت انساه
طبعا خلال هذي المدة كنت ارفض كل خاطب .. تقدم لي ناس وجهاء منصب ومال وماكان لي نفس
بالزواج وكنت اقول كيف اتزوج وحبه في قلبي ..
الأيام كفيلة تنسينا ولله الحمد ..
وتتوالى العدالة الإلهية ........
بعد سنتين ونصف تقريبا صرت افكر بالزواج .. تقدم لي شخص يكبرني بـ 20 سنة
متزوج وله اولاد .. لكنه من عائلة محترمة وثري .. قبلت فيه .. لأني عرفت ان مصيري
اكون زوجة ثانية .. لان كل اللي تقدموا لي بعد ذاك الرجل كانوا إما متزوجين أو شباب لكن
عيوبهم تغطيهم ..!!
ففضلت اتزوج رجل متزوج ولا اتزوج شاب مادياته بسيطة أو أخلاقه سيئة
المهم .. تحدثنا مدة وبعد ما اقتنعت فيه ملكنا .. حبني حب شديد وأنا حبيته بعد
رجل طيب ورقيق وكريم وحنون ووو ... بعد الملكة جالي على البيت مرتين بعدها صرنا نطلع
سوا نأثث الشقة .. أول مرة طلعنا .. قال راسي مصدع .. وشوي شوي يزيد الصداع
واكملنا مشوارنا ورجعني بيتنا .. بعد يومين طلعنا والوضع طبيعي ..ويوم عن يوم نتعلق ببعض
ماكنت أتخيل اني بحب رجل بيني وبينه فارق السن كبير..
ثالث يوم طلعنا من يوم ماركبت معاه وهو يشكي من رأسه .. قلت له هل هذا شي يجيلك من زمان
قال لا والله أول مرة .. تحمل الألم وتسوقنا شوي .. ولكن ماقدر يتحمل .. انا تضايقت انه
الوقت راح علينا واحنا لسا ماخلصنا تأثيث .. فضغط على نفسه وكمل معاي شوي وزاد تعبه
لدرجة ماقدر يتحملها وكان بيستفرغ من شدة الألم .. رحمته وقلت خلاص نرجع البيت
هو راح لبيته ويوم كامل وهو على فراشه من الألم .. والطبيب يقول مافيك شي!!
انا بديت اشك في الموضوع .. شكيت في زوجته الأولى ..صارحته قال مستحيل انها تعمل لي شي
انسانه متدينة وتصوم الثنين والخميس وراتبها يروح صدقه وووو
وقال .. لو عمر بن الخطاب حي كان اشك فيه ولا اشك فيها !!
انا شكيت بنفسي .. رحت لراقي ورقاني قال مافيك شي .. وهو راح لنفس الراقي وقاله
اشتباه سحر .. لكن تابع القراءة .. حتى اتاكد ..
اهلي لما شافوا الوضع كذا .. قالوا لي من أولها فكي الملكة قبل لا تتورطي اكثر وقبل لا يعرف
الناس .. لانه ما احد عرف بموضوع الملكة حتى اخوالي واعمامي
انا رفضت وقلت لا .. انا بصبر معاه وبشوف ايش يصير .. هو تعب نفسياً .. وحاول يقنعني
ننهي اللي بيننا .. لانه يقول انا رجل ومايضرني لو تزوجت ثنتين أو ثلاث لكن انتِ راح يأثر عليك
لو عرفوا الناس بالملكة وبعدها ماصار زواج .. وكان قمة في الشهامة والوفاء والاخلاص
ولكن انا اصريت اني اعالجه وبذلت مجهود كبير معاه .. استمر بالقراءة ولكن لحكمة الله
ما فيه اي تحسن .. بل بالعكس يمكن زاد .. يكون طبيعي تماما .. ولكن اذا نوى يقابلني
يبدأ فيه الالم ولما يشوفني يزيد بالتدريج لدرجة ما يقدر يتحملها وكل هذا بغضون ساعة !!!
بعد عقد دام 5 اشهر .. تقابلنا اخر مقابلة وبكينا وبكينا وبكينا .. وافترقنا
دخلت بيت أهلي وبكائي يسمع من عدة امتار .. لاني اعرف ان هذا القاء الأخير
قطعت قلوب أهلي علي .. بعد 3 ايام راح للمحكمة وطلقني !!
سبحان الله .. حس براحة عجيبة لما طلع من المحكمه حتى هو مستغرب .. ولما راح لنفس الراقي
اللي رقاه ما صار يحس بأي شي .. مع انه كان يموت من الألم لما يقرأ عليه !!
انتهت عدتي .. وانقطعت عن الحديث معه طبعاَ .. عشت أيام مريرة .. أقاسي فيها لوعة البعد عن الحبيب
أرأيتم عدالة السماء ... أسقيت زوجي من هذا الكأس مرة .. فجازاني ربي بشربه مرتين !!!!
وبعد 6 اشهر .. توفيت عمتي .. فأرسل لي رسالة يعزيني فيها .. وبعدها دقيت عليه .. كأني ما صدقت
هذي الفرصة .. تحدثنا .. سألته ماتزوجت قال ما قدرت انساكِ.. قلت وانا كمان رفضت كل الخطاب خلال
هذي الأشهر .. وكنت قبل لا ننفصل أو فترة العدة _ والله ناسية _ شفت رؤيا ..وما فسرتها إلا
لما رجعنا نلكم بعض أي بعد 6 اشهر .. و3 معبرين قالوا لي انك راح تتزوجي هذا الرجل
وبعد هذا التفسير رجع لي الأمل من جديد .. ورجعته له ..وبعد سؤالي لبعض المشايخ عن جواز
فك السحر عند ساحر ( لأني انا كنت أشك انه سحر فيه ) وبعد ما افتوا لي بالجواز بشروط طبعاً
اقنعته يروح يسأل عن نفسه .. رفض رفضا قاطعا لانه متدين .. ولكن بعد ما الحيت عليه وعرضت عليه
فتيا المشايخ بالجواز راح .. وسأل .. قالوا له مافيك سحر !!
انا ما اقتنعت بسؤاله هو.. فسألت عنه ... تعرفوا ايش طلع عنده ...
مو سحر طبعاً ...
تعبت من الكتابة .. وما ابغى اتعبكم في القراءة
اكملها لكم قريباً إن شاء الرحمن
.. وآسفة على الاطالة .. لكن من زمان ابغى افضفض لأحد
الله يعينكم علي بعور روسكم .. :)
ودمتم بخير