اخواتي انا مريت بتجربه طلاق.وانا طلبت الطلاق لاني كنت ابي اعيش صح.
الطلاق ماهو عيب ولا نهاية العالم.
اليوم انا متزوجة والحمد لله من رجل يحبني ورغم اني متزوجة رجل متزوج لكن الحمد لله احسن من كثير من الرجال الغير متزوجين وماينغص علي غير زوجته الاولى الله يهديها ويصرفها عني.كان ممكن اتزوج برجل ماهو متزوج بس هالشخص كان احسن الف مره من كل الغير متزوجين اللي تقدموا لي.
تفائلي اختي المطلقة وكوني اكثر حذر المره الجايه.توجهي الى الله وادعيه يرزقك بالرجل الصالح.ولا تترددي تتزوجي برجل متزوج بس اعرفي عنه كل شي قبل الزواج واعرفي اسباب زواجه.ولا تجلسي تنتظري فارس احلام يجي لان فارس الاحلام اللي راكب حصان خلاص انقرض.عيشي اختي ولا تضيعين عمرك تنتظرين لان الدنيا قصيرة.تزوجي وانعمي بوجود رجل بجنبك وطفل يسعد قلبك.
تمنياتي للجميع بالتوفيق.

مرحبا ياحلوات

وش اخباركم ؟؟؟؟
شكل الاختبارات مأثرة عليكم هاجدين وينكم ؟؟؟؟؟
لاتطولون الغيبات طمنونا عليكم .....




هلا والله وغلا فيك ام محمد:26:
ااااااااااااااااامين وياك الله يقبل منا جميعا ويخلي لك وليدك ويحفظه من كل شر ويسخره لك
ويجعله من عباده الصالحين

ياهلا فيك اختي سمكه
الله يكون بعونك والله يسخر لك كل خير طمنينا عليك يالغاليه وعلى عيالك بإنتظارك
حالتك نفس حالتي الردود تحكمها نفسيتي اذا كانت تمام تلاقيني ارد واذا كانت مدحدره اكتفي بمتابعتكم
الله يسخرلنا جميعا كل خير

حياك الله اختي اعذروني :
ااااااااااااااااامين الله يجزاك خير
لقبك ذكرني بأنشودة اعذروني فاض همي :)

مرحبا فيك اختي ايه وبعدين؟
حياك الله والله يجزاك بالجنة على نصايحك
والله يوفقك ويسخر لك كل خير ويزيدك من فضله

حبيت امسي على الجميع

دمتم بالف خير وعاااااافيه

سلام لجميع المنطلقات.. الله يطلق عوقي وعوقكم قولوا آمين :)
أنا منشغلة بدراستي والامتحانات رغم إني أطل كثير على موضوعنا هذا..
وتألمت كثير لقصة فراولة.. ولقيت فيها كثير جوانب تشبه قصتي.. خاصة بالنسبة لكرهها لزوجها..
حسيت كأنها تتكلم عني! بس الفرق.. إن عمر زواجي كان أطول منها.. وأن الرجال اللي تزوجته ماتحسفت عليه.. إلا أفرح كلما تذكرت إني ارتحت منه.. والأذى اللي شفته منه مهب شوي..
ولي لفراولة كلام خاااااص ..

حسيت ياحبيبة إنك تلومين نفسك.. مع إني ماأشوف داعي لكذا.. ولاأشوف إنك ظلمتي زوجك الأول..
الحب من الله.. والصحابية الجليلة امرأة ثابت بن قيس جاءت للرسول صلى الله عليه وسلم وقالت: يا رسول الله، ما أعيب عليه في خلق ولا دين، ولكن أكره الكفر في الإسلام ـ تقصد كفر العشير وأنها بتقصر في حقه لو استمرت معه لكره تجده له في قلبها ـ فقال لها رسول الله صلى الله عليه وسلم: «أتردين عليه حديقته»؟ ـ وكان قد أعطاها لها صداقاً ـ قالت: نعم. قال: «اقبل الحديقة وطلقها تطليقة». يعني الرسول صلى الله عليه وهو ماينطق عن الهوى ماقال لها هذا مهب سبب للطلاق!! ولا قال معليش المهم إن الرجال طيب!! لاحظوا وهو صحابي جليل! بس سألها سؤال بسيط تردين له مهره ولما وافقت أمر الزوج بتطليقها وانتهت السالفة!

مجتمعنا يظلمنا يافراولة بتقاليده وأعرافه اللي مافيها من الدين شي!
اقري هالكلام من موقع الشيخ القرضاوي :
(يريد الإسلام للحياة الزوجية أن تبقى وتدوم ما بقيت دعائمها الأساسية قائمة، وهي السكون والمودة والرحمة، فإن فقدت فلا معنى لفرض الصحبة بالإكراه.
ولهذا أعطى للرجل حق إنهاء الحياة الزوجية بالطلاق، وأعطى في مقابله للمرأة حق إنهائها بالخلع، وذلك عند تعذر الوفاق في كلا الحالين. وفي هذا قيل: إن لم يكن وفاق ففراق. وهنا يؤكد القرآن أن يكون الفراق بالمعروف، إذا لم تمكن المعاشرة بالمعروف)

بالله ياأخوات أنا ودي أفهم وش فايدة رجال طيب أخلاقه ويصرف علي وأنا ماأطيق أشوف وجهه (هذا بحالتك يافراولة).. ووش فايدة رجال يصرف علي وملعوزني وأنا ماأواطنه (هذا بحالتي).. الزواج مثل ماقال الله مودة ورحمة بين الرجل المرأة وإذا ماوجدت هذي بيني وبينه من طرفي ومن طرفه ماراح نرتاح وساعتها الفراق أرحم من زواج بالاسم بس!!
أنا ماأقول لازم الزواج يكون غرام وعشق.. لكن لازم يكون فيه راحة وتقبل من الزوج والزوجة.. واللي سويتيه يافراولة هو عين العقل..

أنا الرجال اللي تركته طلعت منه وماسمع مني كلمة أكرهك.. مع إني وقسم بالله ساعات ودي أصرخ فيها وأشق هدومي.. استمريت أمثل الين طلعت منه.. ماحبيت أجرح شعوره مع إنه يستاهل..

لكن سبحان الله المجتمع تعبان.. لما قررت واستخرت وسألت مشايخ عن الحكم.. وقالوا لي منتي مطالبة بالبقاء.. لكن إن قدرتي تصبرين وتحتسبين فهو خير لك.. جوني الناس قال ايش بلا دلع وافكارك افكار مسلسلات وكلام فاضي.. والنار ماتحرق الا رجل واطيها لكن لما قريت وتثقفت بالموضوع وعرفت حكم الخلع وانه ماشرع الا لمثل حالتي وصرت اكتمهم بحديث زوجة ثابت بن قيس محد تكلم.. وبرضو اتذكر قرأت حديث الزوجة اللي خالعت نفسها في عهد النبي صلى الله عليه وسلم وكانت تطوف وزوجها يمشي وراها ويبكي حبا لها.. فقال لها رسول الله صلى الله عليه وسلم بما معناه أتعودين له؟ قالت أتأمرني يارسول الله أم تسألني؟ قال بل اسألك؟ قالت لا! فكان النبي صلى الله عليه وسلم يقول بما معناه مارأيت أعجب من هذين أو كما جاء في الحديث..
يعني هذي كان زوجها يموت عليها ورفضته! وعادي.. والرسول ماجلس يحسفها ولاقال ترى هذا صحابي ومن أهل الجنة وهم من هم مهب رجال هالحين!!!

فراولة.. صدقيني اللي جرى لي وجرى لك هو الخير.. ولاتدري نفس ماذا تكسب غدا..
وأشد الناس بلاء الأنبياء فالصالحين.. يبتلى المرء على قدر دينه..
والله يجعلها هذي ولاهي بدينا.. الحمدلله.. ربي قد رضيت عنك..

سلام لكل الحبوبات هنا وبالأخص أناناسة وأم حمودي وباقي الحبيايب بلا حصر.. :26: