السلام عليكم ورحمة الله

كيف الحلوات جميعا؟


ام محمد اسال الله ان يوفقك لما فيه الخير

السلام عليكم،،،،،،،،
يارب يكون الجميع بخير
من زمان ما دخلت الموضوع
وحبيت أسلم على الجميع
الله يكون في عوننا
ويعوض علينا بخير


أخت رهوفة

لفتت نظري قصة أختك
أسأل الله لك ولها العون والفرج
عزيزتي
يبدو أن اختك مصابة بمرض نفسي ويجب عرضها على طبيب مختص
كما أنصحك أختي أن تذكريها بالله
فيبدو أنها نسيت أن ما أصابها هو من قدر الله وحكمته
فيجب ألا تجزع ولاتقنط من روح الله
كان الله في عونكم

وردة.. تصدقين أحياناً يمر فيني شعور بالقهر..
أستغفر الله شعور غريب! لما أشوف زميلاتي بنفس سني أحس إني مظلومة..
مظلومه من مجتمع سقيم... تصدقون من تطلقت وهالرجال مايوقفون.. بس ولا واحد سنع..

والله تخنقني العبرة وأنا أكتب.. زميلاتي بعضهم ماتزوجت وتفكر وتتشرط.. وأنا يجوني هالللي معهم حريم يركضوووووووون ... يحسبون إني أتلهف على أي واحد بيطق الباب!

كرهت الرجال.. والمجتمع التعبان... والظلمة اللي يظلمون البنت والرجال المطلق يآخذ بنت بنوت..
ولو كان البلا منه أنتِ المسؤولة.. وأنت المحاسبة..

ماأدري.. بس لو اضطريت يوم أعرس.. بآخذ واحد أربي عياله لأن زوجته ماتت ولا آخذ واحد متزوج!!

الله يفرج همي وهمكم.. هالأيام الغلقة واصلة حدها..

أحس إني لقمة لكل واحد متزوج..

:(

الله يجزاكم خير ياللي رديتوا علي
ويفرج عليكم ويرزقكم من واسع فضله كلكم ..

صباح الورد لكل المنطلقات بدون ذكر اسماء
الله يفرجها علي وعليكم إن شاء الله .. انا يا بنات بعد ما طلقني زوجي في المحكمة صادني انهيار عصبي لدرجة اني تميت يوم كامل اصيح ما قدرت اسكت مع اني انا اللي طالبة الطلاق بس شسوي احبه وامووووووووووت عليه.
بعدها بيوم تعبت ورحت المستشفى قالو لي ان الجنين اللي حامل فيه ميت وطبعا تميت رايحه وجايه على المستشفى وبعدها باسبوع صادني نزيف ونمت ثلاثة ايام بالمستشفى وبعدها طاح الجنين عمره شهرين..
تخيلوا يا بنات ان زوجي الصامت القاسي جاني من يومين يبكي والله العظيم انه يبكي يقول لي انا ظلمتك وايد معاي وربي عمري ما تخيلت انه راح يقول لي هالكلام.
ومن امس وهو يبعث لي مسجات ندم وحب والم.

مو عارفة شسوي انا احبه وهو شكله ندمان على اللي سواه بس المشكلة انها الطلقة الثالثة يا حسرة قلبي..

اللهم اجرنا في مصيبتنا واخلف لنا خير منها..