كوبونات الراقية تسجيل الدخول

ليلااااس
ليلااااس •
بلسم فقط بلسم فقط :
هلا وغلا بوردتنا قرات كلماتك المكتوبة في خانة البلد ليش بس يا وردة كل هالتحامل على الدنيا؟ صحيح انها خلقت لا تصفو من الاكدار---ولكن ( ان مع العسر يسرا) انا عندي ابيات حلوة هدية لك:26: اذا اشتملت على اليأس القلوب *** وضاق بها الصــدر الرحيب وأوطنت المكاره واطمــأنـــت *** وأرست في أماكـــنــها الخطـــوب ولم تر لانكشاف الضر نفعا *** وما أجدى بحيلته الأريـــــــب أتاك على قنوط منــك غوثٌ *** يمُنُّ بها اللطيف المستجـــيب وكل الحادثات وإن تنـــاهت *** فموصــول بها فرج قريب وهذه هدية للكل توكلت في رزقي على الله خـالقي ... وأيقنـت أن الله لا شك رازقي وما يك من رزقي فليـس يفوتني ... ولو كان في قاع البحار العوامق سيأتي بـه الله العظـيم بفضلـه ... ولو لم يكن مني اللسـان بناطق ففي اي شيء تذهب النفس حسرة ... وقد قسم الرحـمن رزق الخلائق
هلا وغلا بوردتنا قرات كلماتك المكتوبة في خانة البلد ليش بس يا وردة كل هالتحامل على...
هلا والله وغلا فيك وبهديتك تسلمين يالغاليه هديتك وصلت
مااحلاها من هديه الله يجزاك بالجنه ويوفقك ويرزقك كل خير :26:
قهوة بالبندق
قهوة بالبندق •
PINEAPPLE PINEAPPLE :
قهوة ليش الأحباط اللي بنبرتك... ما ياخذ الواحد إلا نصيبه... بلسم... يقال لك بتواسينها هالحين...؟ تشيشين البنت... أنا أشوف المتزوج ما فيه شي ..بس أهم شي يكون شاب...ويكون مقتدر مادياً... بالعربي يقدر علي متطلبات زوجتين من كله... يعني وش الحل للمطلقة بدون أطفال... تقعد بدون أطفال؟؟؟ تكبت عواطفها لين يجيها ولد ولا واحد ما معه مرة... صعبة جداً...خلينا واقعيين... المتزوج ما هو أسوأ شئ بالعالم...ممكن تاخذ متزوج وترتاح معاه أكثر من الولد... المهم يكون مناسب وأخلاقه زينة... الله يكتب لكم ما فيه خير وبركة... وأستخيري قبل لا تردين أي أحد :)
قهوة ليش الأحباط اللي بنبرتك... ما ياخذ الواحد إلا نصيبه... بلسم... يقال لك بتواسينها...
ليش صعبة ياأناناسة؟
ليش اللي يطلقك يروح يآخذ وحدة أصغر منك ولسا بنت.. هذا عادي بنظر المجتمع..
وحنا كأنهم يقولون احمدي ربك اللي يتقدم لك أحد أصلاً!!!
أنا لو عمري كبير قلت مايخالف.. على قولتك بلحق على عمري أجيب طفل ولا اثنين قبل اوقف.. بس لا.. زميلاتي للحين يتشرطون..
أنا واقعية ياأناناسة.. ماقلت لازم آخذ واحد ماتزوج.. لآني أنا بعد جربت..
أنا أبي أدخل حياة مافيها شيل وحط وأنا أختك.. العمر ماينعاش مرتين!
ممكن أوافق على واحد مطلق مثلي.. أو توفت حرمته ولو كان عنده كم طفل أحسن فيهم وأحتويهم..

لكن واحد متزوج ولو كان شاب.. صعبببببببة ياأناناسة صعبة! قولي آمين الله لايحدني لهم.. :(

أنا متضايقة من الظلم يابنات.. لما الوحدة تكون ماتوفقت بزواجها.. وهي بالعشرينات.. ومواصفاتها والحمدلله ماتقل عن البنات بسنها ويمكن تزيد.. وماعندها أطفال.. ليه نوعية الرجال اللتي تتقدم لها تكون بهالشكل.. اسألكم بالله لما الرجال يطلق بهالعمر هل أهله بيروحون يدورون له اللي جربت الزواج كم مره ولا وحده أكبر منه مره ولا مدري ايش! مستحيييييييييل!

بس الحرمة لا.. واللي يقهر نظرة العالم لك.. ليه ماتوافقين .. وعيونهم تقول احمدي ربك أصلاً يجيك أحد أو يرضى بك!

بنات أنا ماأبالغ.. لكن هذا الشي يقهرني وأشوفه بالواقع..

بلسم ووردة.. ترى أنا ماأقول هالكلام عشان أضيق صدوركم..
أنا أصلا وأحلف لكم بالله أفرح وأزعل بنفس الوقت لما يتقدم لي واحد..
أفرح لأني برده وعندي عذر مرضيني .. وأزعل من نوعية الرجال اللي تتقدم لي..
يعني داخليا لما اسأل نفسي تبين الزواج.. ألاقي النفور هو الشعور اللي أحس به..
وأقول بنفسي ربي ماأرسل لي اللي احتار أوافق عليه ولا لا لأنه عارف اللي بنفسي سبحانه..

وإذا كان الزواج عشان الذرية بس فإذا حسيت إني قربّت لسن اليأس ساعتها بدور شايب وآخذه ههههههه لأن غرضي هو العيال وبس.. وماراح يهمني ساعتها اكون الثانية ولا إن شاءالله الرابعة!

لكن أنا أبي الآن حياة مستقرة هادية.. هذا بعقلي.. وقلبي الله أعلم باللي فيه.. :09:

المهم.. أنا رأيي من رأيكم.. كل سن له متطلباته.. واحتياجاته وتنازلاته..
والوحده لازم تحدد من الزواج هي وش تبي..
أنا مثلا بقرارة نفسي ماأبي إلا طفل.. وهذا إذا وصلت نص الثلاثين إن شاءالله وماتقدم لي اللي ببالي فراح أرضى ساعتها بأي رجال عشان أحقق حلمي.. وببالي شي ثاني بس ماأدري يضبط أولا.. وهو إني أطنش العرس من أصله واربي أيتام.. :)

وماأقول إلا الله يحينا على خير وبخير.. ويكتب لنا اللي فيه الخير :)
ليلااااس
ليلااااس •
فعلا اختي قهوه نفس تفكيري اللي بأعمارنا بنات مابعد تزوجو لوكنا كبار كان نقول ماننلام
لكن ؟؟؟؟؟؟الله المستعان
لاويقولون هذا اللي ربي كاتبه لك ليش ماترضين بالنصيب وتتزوجين واحد متزوج؟؟؟؟؟؟؟
هذا اكثر شي يقهرني ؟؟؟؟
لانهم ماحسو فينا وعاشو معاناتنا ؟؟؟الحمدلله على كل حال
الله يرزقنا من فضله
والله يعينا على هالدنيا بخير
قهوة بالبندق
قهوة بالبندق •
آمين..
ترى يابنات ضيعت.. ليلاس أنتِ اللي عندك ولد؟

رهوفة من زمان برد عليك بس مدري وش يصير لي كلما جيت أكتب لك رد..

رهوفة أختك بحاجة لطبيب نفسي.. مافيها كلام.. وأنصحك بالدكتور محمد الصغير..
زميلتي تشتغل بالجامعي وله عيادة هناك.. وبرضو له عيادة خاصة (أرائك السلام)..
ترى ماشاءالله ملتزم ويخاف الله..

إلى متى تتركونها يارهوفه؟ ترى هي مو حاسة بعمرها.. بس أنتو لازم تتحركون.. كلمي أمك وأبوك..
قولي لهم العلاج النفسي مهب عيب ولاحرام.. ومو لازم أحد يدري.. روحوا بسكات ولاتعلمون أحد..

إذا أنتِ خايفة هي ماتوافق روحي أنت للطبيب واشرحي له وضعها.. وأكيد بيعلمك على طريقة تقنعينها فيها تجي للعيادة.. يمكن حتى لو بالكذب عليها وانك انتي التعبانة وتحتاجينها معك بالجلسات مثلا!

بس ترى يارهوفه أنا ناصحة لك.. وماأبي من هالكلام شي.. كلنا مرينا بالطلاق وأنا لازلت أعاني من آثاره.. بس مع ذلك متى ماحست الوحده منا إنها فقدت السيطرة على آثار التجربة عليها هنا تكون بحاجة لتدخل..

وأختك يبدو لي أثر الطلاق مره أثر عليها وللأسف هي مو حاسة بهالشي!

طمنينا عليها ووافينا بالأخبار.. وإن شاءالله نحاول نساعدك قد مانقدر..

الله معك ...
امرأة من الخيال
امرأة من الخيال •
قهوة بالبندق قهوة بالبندق :
آمين.. ترى يابنات ضيعت.. ليلاس أنتِ اللي عندك ولد؟ رهوفة من زمان برد عليك بس مدري وش يصير لي كلما جيت أكتب لك رد.. رهوفة أختك بحاجة لطبيب نفسي.. مافيها كلام.. وأنصحك بالدكتور محمد الصغير.. زميلتي تشتغل بالجامعي وله عيادة هناك.. وبرضو له عيادة خاصة (أرائك السلام).. ترى ماشاءالله ملتزم ويخاف الله.. إلى متى تتركونها يارهوفه؟ ترى هي مو حاسة بعمرها.. بس أنتو لازم تتحركون.. كلمي أمك وأبوك.. قولي لهم العلاج النفسي مهب عيب ولاحرام.. ومو لازم أحد يدري.. روحوا بسكات ولاتعلمون أحد.. إذا أنتِ خايفة هي ماتوافق روحي أنت للطبيب واشرحي له وضعها.. وأكيد بيعلمك على طريقة تقنعينها فيها تجي للعيادة.. يمكن حتى لو بالكذب عليها وانك انتي التعبانة وتحتاجينها معك بالجلسات مثلا! بس ترى يارهوفه أنا ناصحة لك.. وماأبي من هالكلام شي.. كلنا مرينا بالطلاق وأنا لازلت أعاني من آثاره.. بس مع ذلك متى ماحست الوحده منا إنها فقدت السيطرة على آثار التجربة عليها هنا تكون بحاجة لتدخل.. وأختك يبدو لي أثر الطلاق مره أثر عليها وللأسف هي مو حاسة بهالشي! طمنينا عليها ووافينا بالأخبار.. وإن شاءالله نحاول نساعدك قد مانقدر.. الله معك ...
آمين.. ترى يابنات ضيعت.. ليلاس أنتِ اللي عندك ولد؟ رهوفة من زمان برد عليك بس مدري وش يصير لي...
رهوفة
الله يجزاك خير على الدعاء وشفتي شلون بعد الطلقة الثالثة توه يحس انه ظالمني.. الله المستعان
بس اختي بالنسبة لاختك فمثل ما قالو البنات لازم تعرضونها على دكتور نفسي وما عليها شر إن شاء الله.

بلسم فقط
حبيبة قلبي شكلك ملخبطة بيني وبين وحدة ثانية انا طلقني الطلقة الثالثة في المحكمة خلاص بلا رجعة والله المستعان يفرج همي وهمك وهم جميع المنطلقات إن شاء الله.

PINEAPPLE
اي والله يا ام إمام الحرم توه يصحصح مع اني دايم كنت اقوله راح تندم وما راح تحصل وحدة تحبك وتعزك مثلي.

ليلااااس
يا بعد قلبي اجل انتي نفس حالتي لا مجال للرجعة ابدا الله المستعان وفعلا ما لنا الا الدعاء والصبر والله يرزقنا اللي فيه الخير.

بس تدرون يا بنات انا احس روحي ما راح اتقبل أي شخص كزوج مادري ليش يمكن لاني احب طليقي حيل ودايم افكر فيه. وبعد افكر في بناتي ما اقدر استغني عنهم ولا اقدر اخلي شخص غريب يربيهم غير ابوهم.