السلام عليكم ورحمة الله وبركاته :

أهلا وسهلا بالمنطلقاااااااااااااااات للحياة جديدة وليس المطلقات فعندي كلمة منطلقة أفضل من مطلقة ! ( مع العلم أنني لا أخجل من كلمة مطلقة والزواج قسمة ونصيب )

هل تقبلونني أخت جديدة لكم ؟؟؟؟؟؟؟؟؟

أنا مطلقة من فترة وعمري الان 20 سنة ولكنني عندما تتطلقت لم أكن وصلت للعشرين بعد .....
وأنا الان مازلت طالبة وكان طلاقي خلع لأنني فضلت الطلاق على العيش مع زوجي السابق !

لأنني بفترة حياتي معه تعبت نفسيتي جدا وكان انفصالي عنه هو أفضل لي .
والحمد لله على كل حال والله كريم .

ولكم مني كل التحية والتقدير .

أختكم الصغيرة :

اشلون أنسى ؟؟؟

سلام عليكم يااحلى بنات واحلى منتدى

انا والله مااشتركت في هذا المنتدى الا علشان ذا الموضوع بالذات ... وطبعا باقي المواضيع اللي تجنن الله يعطيكم العافيه


انا بكتب قصتي يلا كلكم اذان صاغيه وعيون مفتحه ههههههههه

انا مثل اي وحده انخطبت وملكت .. وكان ايام الملكه بعضها حلو لكن اغلبها زعل ومشاكل ..تخيلو يابنات من كثر ماسبني وشتمني مااقدر اذكرهم كانت اي مشكله بيننا على طول مافي غير لعن وسب فيا انا واهلي لكن من كثر مااانا احبه وهو يحبني قلت اكيد بيتغير بعد الزواج ..والله يابنات كنت اشوف عيوبه اشياء عاديه وقلت هذي اكييييييييد مليون بالميه بتتغير بعد الزواج..كل اللي حولي يقولو كيف تصبري عليه ارد عليهم واقول هذا حبيبي وانا راضيه فيه وانشالله بغيره بعد الزواج..المهم عجلنا بالملكه عشان المشاكل تخف ..طبعا دراستي الجامعيه تركتها بحكم عمله لان السكن بيكون خارج المدينه اللي عايشين فيها وقلت خلاص ببدأ هناك بالكليه من اول وجديد .. غير السنتين اللي درستها بالجامعه برجع من اول وابدا بالكليه 4 سنين ( هذا اول فضل ليا عليه ) كله عشان استقر واسهل عليه الترتيبات ((مااقول غير حسبي الله عليه ))وثاني شي تركت اهلي وقرابيي واروح معاه بمدينه مااعرف شي فيها ولاعمري طبيتها ..المهم اول الخير من بعد الزواج حرمني من مكالمات اهلي بحكم اننا لسه عرسان مانبغى ازعاج ..قفل جوالي واخذ الشريحه.. عاد الخير الاعظم والاكبر ((الضرب بعد اسبوعين فقط من الزواج))بسبب اني قلتله نزلني عند اهلي بطمن عليهم (مافيها شي البنت فينا ماتقدر تبعد عن اهلها فكيف فيا انا لا تلفون ولا حتى قريبه منهم) المهم صفعني على وجهي وضربني بالسلك حتى اثار السلك بانت .. طبعا نفسي من بعدها انكسرت لكن سامحت .. وخلاص من بعدها توالت الضربات والله يابنات اسباب الضرب الين ذجين مااذكرها من شدة تفاهتها لكن اللي اذكر منها مره قلب سفرة الاكل لانه مايبغاه وضربني ..والله صار الضرب عنده بالاسبوع ..كنت لمن انزل عند اهلي اخفي اثار الضرب حتى مايشوفوه ويسألوني لأني والله يابنات كنت احبه واموت فيه وماابغى احد يفصلني عنه .. اتطور الضرب وصار بالخنق والتهديد بالسجاير ومره جاب السكينه وحطها قدامي بقصد يخوفني (والله صارت اشياء كثييييييييييييييييييره لكن ماودي اكتبها اخاف تملو من القراءة)..المهم بعد شهرين من الزواج ماقدرت استحمل ونجيت عند اهلي وااخذت شي معايا وقررت الانفصال ..لكنه جلس يتبكبك ويقول انه يحبني ومايقدر يستغنى عني لكن انا خلاص ماصدقت ياما قال من هذا الكلام ..المهم جلست حوالي 3 شهور في بيت اهلي كذا معلقه لكن مااخلي صلاة الا وادعي ربي انه يخترلي الطيب .. وبالفعل يابنات جو ناس وقلولنا ترا زوجك يتعاطى حبوب
واصدقاءه كلهم حقون حشيش وطرب( ترا هوا مطرب واغانيه بالنت) .. بعده جاتني نوبة بكا جاتني مثل الصدمه مااتخيلت بيوم اتوقع منه هذا الشي .. كيف كنت مع واحد حشاش الله لايبلانا .. اصريت على الانفصال .. لكنه طلب مبلغ 50 الف ريال عشان يطلق واذا مادفعنا المبلغ بيننا وبينه المحاكم .. جا ابوه ويقول تعرفون هذا شاب ويبغى هذا المبلغ عشان يتزوج من بعدها قال ابويا يتزوج ولدك على اكتاف بنتي على اكتاف وليه خافو ربكم .. المهم اتعقدت الامور لكن مايأست من رحمة ربي ودعيت هذاك اليوم بالحرم انه ربي ياخذ حقي منهم ويفكني مارجعت البيت الا وابويا متصل علينا يقول خلاص ترا وافق يطلق بدون مشاكل (( ياربي لك الحمد والشكر)) وبالفعل صار الخلع وماخلصت اسبوعين الا وانا منتهيه من العده((لان عدة المختلعه حيضه وحده )) والحمدلله خلصت ..وبعدها كمان اسبوعين والا ابوه متوفي

نسيت اقولكم ثلاث ارباع ذهبي واغراضي سرقوه مني ..ماردوها لي كامله ..لكن الحمدلله هذي كلها اشياء بتتعوض اهم شي خرجت من هذا كله وانا سليمه متعافيه ماحملت منه

بس هذي حكايتي اعرف طولت عليكم لكن ابغاكم تعرفون ان رحمة ربي فوق كل شي وكمان الدعاء بقلب صافي والله ماافي احسن منه

أم ميثا
الله يكون في عونك حبيبتي .. متعبه الحياة بهذا الشكل .. بس الحمد لله عدى مرض الصغير على خير .. خلي معاكِ تيرمومتر "مقياس حرارة " عشان الحالات هذي اللي بالليل أهم شي لاترتفع حرارت الاولاد ...ولو اضطريتي و إن شاء الله ماتضطري صحي أمك أو أي أحد من أخوانك يروح معك للسواق وتروحوا المستشفى بعض الأمور ماتتحمل التأجيل .. وماعليكِ منهم .. :) أهم شي ولدك .. هو اللي راح يعوضك إن شاء الله ..
و إن شاء الله تاخذين الليسن و السيارة ..
حبيبتي إنتِ للحين ماتطلقتي ؟! ظنيتك تطلقتي .. قرأت موضوعك فضفة زوجة مالانه الله يكون في عونك ويصبرك حبيبتي وياخذ بيدك ..

.. الوحدة فينا تكون مجبرة انها تعمل و الله يكون في عونا .. أنا الظاهر راح علي التوظيف السنة .. مع ان تخصصي هم مرغوب .. بس الله كريم لكني محتاجة للعمل والله يعلم بحالي وظروفي .. لاني مستحيل أرجع أقول لأبوي يعطيني مصروف او يصرف على ولدي لم أقوم بالسلامة إن شاء الله .. وعندي اقساط سيارة .. والله كريم .. عشان كذا رحت ادرس أوتوكاد عل وعسى ربي ييسر لي واشتغل .. على مايجيني توظيف الوزارة ..

زبيريه متينه
شكرا حبيبتي على متابعتج معانا .. إحنا نفكر في بكرة أكثر من تفكيرنا في اليوم و أمس .. وهذا اللي يخلينا نبغي نتخلص من أمس ومن كل مايتعلق فيه :) و الله يكون في عونا .. ويصبرنا و ربي يعوض كل محرومة وكل مظلومة ويزوج كل من تنتظر النصيب من زوج صالح .. يسترها ويرعاها ..

اشلون أنسى ؟؟؟

هلا بيج حبيبتي حياج الله معانا أكيد نقبلج معانا .... حلوه منطلقات .. و إن شاء الله نكون فعلا منطلقات ومايمسكونا الناس وكلامهم .. ويحرمونا من الدنيا ... ويظلمونا كفاية علينا اللي شفناه .. جربتي المر وانتِ صغيره ياعيوني .. أنا أكبر منج بثلاث سنوات .. :) التعب النفسي لازم يكون موجود .. خصوصا مع أزواج ماهمهم غير نفسهم .. الله يكون في عونك .. أهم شي الحين تكملين الدراسة وبعدها إن شاء الله تشتغلين وتنطلقين .. :) و الله يعوضج خير ويرزقج الزوج الصالح اللي يفرح قلبج ويسعدج .. ويرزقكم الذرية الصالحة ياااااااارب..

n000na

هلا حبيبتي .. هلا بيج في المنتدى ومعانا ..

الله يكون في عونج .. الحمد لله يوم تخلصتي منه .. لو في إمكانية ترجعين الجامعه تكملين دراستج ليش ماترجعين ؟؟ جربي وشوفي شنو يصير معاج .. و إبدئي حياتج من جديد وحاولي ان اللي فات مايأثر عليج ولا يعقدج ..
أحسن شي سويته انج استعنتي بالله ... والحمد لله مارد دعائك .. :) وخلصك من الهم اللي كنتِ فيه ..
ما طولتِ ولا شي ... إخذي راحتج .. ترى مابين الأخوات هل الكلام عيوني:)

تجينا فترات نكون غافلين فيها .. و تجي وقت الشدات ونرجع لله سبحانه وتعالى و الحمد لله مايخيبنا ...

اختي سحابه
جزاااااااااااااااااااك الله الف خير وشكرا على مرورك

اختي ام محمد
الله يبعد عنك الكااااااااااابه وضيقة الصدر يالغاليه

اختي وشلون انسى
اهلا وسهلا بك معنا وحياك الله ,,,,,,,,نحن هنا لنتشارك طرح الهموم والفضفضه
الله يعوضك خير ويرزقك الصالح من خلقه واللي يسعدك دنيا واخره ويرزقك الذريه الصالحه
حبيبتي لا تترددي في طرح همومك فنحن معك والى جانبك ,,,,,والله يسمعنا عنك كل خير ,,,

السلام عليكم ورحمة الله وبركاته .........

أشكركم ياخواتي على ترحيبكم فيني وفيكم الخير والله .........
وتسلمون على دعواتكم الحلوة لي والله يعوضني ويعوضكم الخير .
وادعوا لي أني أنجح بدراستي وأتخرج امييييييييين .

أنا تطلقت بعمر صغير تخيلوا أشوف البنات اللي بعمري فرحانين وبعضهم حتى ما جرب الحياة الزوجية بعد , أما أنا أصبحت أحمل لقب مطلقة وأنا ما وصلت للعشرين فضاعت أحلى أيام عمري ! وحتى الناس اللي يتعرفون علي أول مره ويعرفون أني مطلقة ينصدمون ! ويقولون لي : شكلك ما يدل انك مطلقة لأنك صغيرة ! هذي الكلمات صدقوني تجرح !
وصدقوني المطلقة تكون حساسه أكثر من غيرها .

بس يا منطلقات اشلون هي نظرة الناس لكم واشلون تتعاملون معاها وخصوصا في المناسبات ؟
أنا عن نفسي مهما كانت نظراتهم لي أحاول أني أطنش وأبين لهم أني قوية بس يابنات حنا بشر لنا مشاعر وأحاسيس مهما خبينا ألمنا وتكابرنا على جروحنا لازم يجي اليوم وننفجر ! وهذا شيء طبيعي . شنو هو الحل ؟
وكيف هي علاقتكم مع المتزوجات ؟؟؟ ( أنا عن جهتي لا تعليق ! )

بس أنا الحمد لله هربت من زوجي السابق وطلبت الطلاق وكان طلاقي خلع ولم أنجب منه .
وأسبابي كانت قوووووووووية في طلب الطلاق والله يشهد على كلامي .

بس بالنهاية ما أقول الا لاحول ولاقوة الا بالله العلي العظيم وحسبي الله ونعم الوكيل على الظالم .

المطلقة الصغيرة :
اشلون أنسى ؟؟؟