اهلين بنات قولوا امين الله يعوضنا خيرا
وانا كلما قريت الايه
((وان يتفرقا يغن الله كل من سعته))
ابكي والله ربي رحيم بنا بس احنا مانحس ربي واعدنا بالغني وهذا تكفير لذنوبنا
بسلئكم يابنات انا كثير اشوف طليقي بالرؤيا تتوقوا رؤى او تفكير
وياليت الي عندها رقم شيخ ممتاز مو اي كلام يفسر ترسله لي بالخاص
وبسالك يابنات الي طليقها تزوج وش شعورك صعب مره صح
انا حسيت اني تطلقت مره ثانيه يوم دريت انه تزوج

ماحد يساعدها


كيف حالك؟!


وينك من زمان ما طليتي؟!


شوفي تبين الصراحة ما أدري وشي مشاعري... لأني كنت متوقعة إنه يتزوج من قبل حتي لا يطلق... فكان عندي فكرة عن اللي بيصير...

الله يرزقه..
وعلي قول واحدة من البنات أتمني يجيه عيال يصيرون محارمي ويصيرون أخوان لولدي...

وسعي صدرك...

يقول لك:

ما تعرف قديري لين تجرب غيري!

في مثل أنجليزي معروف له قصة بما معناه إنه لما يكون معاك طير وتبي تعرف إذا هو لك ولا لأ... أطلقه في الهواء... فإذا عاد إليك فهو لك... وإذا لم يعد فهو ما كان يوماً لك...

وأنتي وش تبين وأنا أختك بشئ مهو لك!

بكرا ربي يرزقك ويعوضك خير منه... واحتسبي الأجر عند الله...

حبيبتي الضربة اللي ما تقتلك تقويك... لا تخلين الطلاق يقتلك...
الطلاق زاد خبرتك بالحياة...
الطلاق عرفك من عدوك ومن صديقك...
الطلاق خفف من ذنوبك...

فيه تجربة مرة سويناها بدورة...
أوقفي ودنقي راسك وحاولي تتذكرين أحلي لحظات حياتك..... أكيد ما راح تقدرين
وأوقفي وأنت رافعة راسك وحاولي تتذكرين أكبر همومك...برضه ما راح تقدرين..
شدي حيلك أرفعي راسك وتشبثي بالحياة أنت تستحقين أحسن من هالرجل اللي طلقك بدون سبب...الطلاق كان خيرة لك أنتِ موب له هو... أنظري للي صار من هالناحية...

لا تكسرين نفسك...
الرزق علي الله...
توكلي عليه وإذا لك حق ما راح يضيع...

8
8
8
يازين الحكي الراكز..
درر ياأنسنس ..

جاك العلم يامحد يساعدها..
تبين الحق؟ يمكن تقولين مغرورة.. بس أحسه هو اللي ماراح يلاقي مثلي.. خليه يتزوج أربع بعدي..
أنا وش أبي فيه؟؟ لايكون أحد أملاكي وأنا مدري :)

أنا أظن ماراح يلاقي مثل قلبي لأني من قوم إذا حبينا حبينا ..
وأصلا كونه يتزوج ببالي وببال كل حرمه.. بالله عليك في رجال يظل بدون زواج بعد فراق حرمته سواء بموت أو طلاق؟ ماخبرناها! هذيك الحرمة اللي ياتكون شجاعة وتتزوج أو تتعقد أو تقف على الأطلال وتربي العيال ..

ساعات تنزل علي نذالة وأقول جعله للحرمه اللي تطيّر قلبه غثا بس أقول وش لي صالح بالدعوة ..
الا الله يوفقه ويستر علينا وعليه وحقي بآخذه منه في الآخرة وحسناتي عندي إن شاءالله وش أبي أكثر ؟؟

الطلاق محّص لنا جوانب كثيرة واشخاص كثير بالحياة على قولة أناناسة.. :)

شكرا اختي اناناسة ويا ريت كون قوية مثلك
والله اني على كثر ما شفت صرت خايفة وابني مستحيل افكر اعطيه ابوه لاني بعرف انه مو قد المسؤولية يعني بعدي تزوج مرتين وتصدقي اني من طريقة كلامه بعرف انه مو مرتاح الاولى طلقها والثانية صار له معاها سنة وربي يسعدها والله بدعي عشانها لاني بعرف وضعها صعب وكانت مطلقة وتاركة اولادها اقول يمكن يتغير ويصير بني ادم
اما ابني والله انه مقطع قلبي لاني ما عندي اخوان وابوي شايب يعني لما المدرسة يقولوا له اجتماع آباء يشيل هم السنة الماضية جلس اسبوع وهو بس يبكي لانه ابوه الله لايسامحه قال له بيجي وما جا وانا قلت له لا تخلي ابنك يفكر فيك انك شخص كذاب ما تبغى تجي قوله بس لاتكذب عليه وهادي السنة المدارس على الابواب وللان ما سجله اقوله انت ابنك موداري عنه لا تشيله بمرض ولا توديه يتمشى ولا حتى لعبة ما تشتريله غير اذا طلب حتى تسجيل المدرسة تأخره لآخر وقت لكن الله المستعان وحسبي الله ونعم الوكيل على كل ظالم

mays

شوفي بس عشان تتفهمين ظروف أبو ولدك...


يقولون لك:

الأمومة غريزة...والأبوة تعلم...

يعني حنا ننولد بهالأحساس...لكن هم مساكين لازم يتعلمونه... المسألة يبيلها إلحاح من الولد عليه عشان يتعلق فيه...