السلام عليكم ورحمة الله

كيفكم اخواتي كللللللللللللللللللللكم

اشكركم جدا على وقفتكم معاي
واشكركم جدا على نصايحكم لي

لحد الآن ما فيه قرار واضح انا قلت لهم يوقفوا تدخلاتهم وخليه هو يبدي ونشوف شنو عنده اقلا علشان ألتمس التغيير بنفسي

الايام الماضية كانت جدا صعبة علي بس الحمد لله بفضل الله ثم وقفة الحبايب جنبي هونت علي الكثير

تعرفوا ايش مشكلتي الاساسية ؟؟
البيت

هو اللي مخليني اني افكر في الرجوع له والا لو عندي بيت كنت ما فكرت اصلا ارجع لناره

الله يصلح امورنا كلنا

هلا أم الزمردات


بخير عساك بخير...


سمكة

أنا لي كم يوم أبي أرد عليك وما فضيت...


شوفي أنت كم لك معلقة حتي ورقة طلاق ما معك... مين فكر فيك ولا شال همك...

أول شي الوسايط ما تنفع خلي الكلام من راسك لراسه مباشرة وأنتي أطلبي منه هالشي...
إذا أنتي علي ذمته قابليه في مكان عام-محايد- عشان ما يكون فيه ضغط علي أحد فيكم ومن غير ما أحد يدري...
إذا أنتي مطلقة كلميه بالتلفون وبرضه لا أحد يدري...

خليك حازمة وواضحة وصريحة معاه...

قولي أنا أبي كذا وكذا وكذا... وحطي شروطك اللي أنتي تشوفينها منطقية- مو غيرك- ما يحس بالنار إلا واطيها وإن رجعتي له ورجعتي للغثا ما أحد نافعك ولا أحد داري عنك...

إلا الكل بيقول لك -طيب ما دامك دارية إنه ما راح يتعدل ليش رجعتي...

المشكلة مشكلتك أنتي...
حتي هو ما عليه ضرر.. بالسنين هذي كان يقدر يطق ثلاث حريم وأنتي ببيت أبوك معلقة علي أسمه...

قولي له طلباتك... أما رجال شاري... فأنت سوي لي اللي أبي... وأنا أستحق...

لو مو بحق الصبر... بحق هالبزران اللي أنا جبتهم لك...

والرجال إلا منه أشتهي يسوي للمرة أعظم الأشياء وهو مبسوط...

وإن كانك بايع..توكل علي الله... إن الله هو الرزاق ذو القوة المتين...

جمدي قلبك... ما راح يصير إلا اللي الله كاتبه لك...

وإذا عصلج معك... قولي له ترا مو بس أنا اللي متضررة من هالوضع حتي أنت لو أبي أنا خليتك تنضر... بس أنا مراعية العشرة... وإلا أنت هالحين مالك حق زيارة ولا مبيت علي عيالك... هذا تعاون مني... يعني لو بأرفض أنا وش بتسوي؟!
بتروح للشيخ تقول يا شيخ أحكم لي بحضانة العيال... وأنا معلقٍ أمهم...


أما حياة الشتات ذي ما تصلح... أما رجال يبيك فهو بيعطيك إلين يرضيك ولا هو عيب بحقه أنتي أم عياله...
ولا رجال يشوفك ما تستحقين إنه يسوي لك شي... يطلقك ورزقك ورزقه علي رب العالمين...
ما تدرين يمكن الله يرزقك باللي يعرف قيمتك ويقدرك وأنتي هالحين بعمرك ذا صغيرة وممكن تتزوجين وعيالك كبروا وكلهم بالمدارس... بعد كم سنة وأنا أختك ما راح تكون فرصتك بالحياة زي هالحين...

إلا متي تظلين واقفة بين مسارين... ما تدرين أنتي تمشين قدام ولا ترجعين ورا...



الله يختار لك الخيرة المباركة ويصلح لك أمرك كله....


أسأل الله لك فرجاً عاجلاً

انوسة

احبك في الله

والله يصلح حالك ويريح بالك دنيا آخرة

8
8
أنا من زمان أحتري رد الآدمية الحكيمة اللي اسمها أناناسه.. :)
حتى بغيت أعمل لها استدعاء عشانك ياسمكة..

يابنات مو لكل ناس شيخ؟ حنا شيختنا أناناسة .. شيخ الصاغة مو أفهم منها :)


أناناسة ياصديقتي .. يازين كلامك كله إلا إذا أشرتي بالزواج ههههههه


سمكه الله يجعل لك من ضيقك فرجا ويشرح صدرك للي فيه الخير لك..

قلبي معك :26:

موافقون :)