بلسم لاحبيتي موعندي العيب من عنده هو وعيب من ربي والحمدلله والشكر

الله يخلف علينا جميعا

والقوب شواهد انا ادعي لكم اسم اسم والله يتقبل منا ومنكم

وردة
ايوا انا فاهمة انه العيب منه
قصدي لو لا قدر الله كان عندك العيب كان نفس الشي راح يلغي الزواج------حب الذرية فطرة لا يلام عليها البشر

الله يعوضك كل خير
وهاجة
ما ثقلت ولا شي---انت امري
للأسف انا ما اعرف كيف اشرح بالصور---هذي يبغالها وحدة ليها في الفوتوشوب
انا قدراتي محدودة :(
بس شوفي
favorites
يعني المفضلة اذا كمبيوترك عربي
و
add to favorites
يعني اضف الى المفضلة

السلام عليكم ورحمة الله وبركاته

أهلا ً حبيباتي معكم أختكم الجديده القديمه في عالم الطلاق ..
الحمد لله على كل حال ..
انا تطلقت قبل هاذي المرة بعد زواج استمر اقل من ثلاث شهور ..
انا اللي طلبت الطلاق لأن الرجل الله يغفر له كذاب وخائن ..
وظاهرة الصلاح .. اللي خلاني اوافق علية غرني مجاهد في افغانستان ..
المهم كان طلاقي او إخباري بالطلاق في رمضان عشان اخونا الله يسامحه بيجمع علي
جرحين طلاقي وزواجه لكن ماتخيلون شلون استقبلت خبر الطلاق بفرحه غير طبيعيه ..
المهم ... قضينا من ذا وتبعاته لا أطفال ولا شي بحمد الله ..

جينا للثاني ما تزوجت إلا بعد اربع سنوات من طلاقي قلت ابي يروح كل ما في خاطري من جروح ..
ابي ابتدي حياة جديده وما أظلم معي شخص ماله ذنب ..
تزوجت ابو عيالي ما استعجلت بالعيال ما الغى اورط ..
طيب حنون صراحه كبير بالسن شوي ومتزوج .. ولا حول و لا قوة إلا بالله ...
هذا عقاب المطلقه يعني المرة تقبل بأي وضع وأي شي تشوفه في زوجها ولا تطلق لأنها ينتصير حشرة
ومفروض عليها تقبل بأي زوج وما في مجال تختار .. المهم زوجي في صلة قرابه من بعيد بيني وبينه ..
حاولت اتأقلم معه بكل وسيله رغم فارق السن والمستوى التعليمي والثقافي كان يكن لي الإحترام ويشوفني شي كبير ...
عشت معه أسعد أيام عمري ومع زوجته بعد مرأة مخلوقه من الطيب بل هي الطيب نفسه ..
توفت رحمة الله عليها بكيت عليها لين جفت دموعي .. وكنت دايم أقول له ــ رغم إني احبه ــ راح اللي رابط بيني وبينك بدونها الحياة كلها مالها طعم .. آآآآآه صدق والله ..
المهم ما قدرت اعيش مع عياله لظروف صحيه طرأت علي ولأسباب أخرى ..
طبيعي الرجال ما صدق راح تزوج وحده ثانيه مو بعيده من اهله القريبين ..
بس الله يهديها مخلوقه ما شفت مثلها استغفر الله ..
يعني سباتها لو ماني اخاف عقاب الله والفضايح كان والله ادخل معها المحكمه وأخلي الشيخ يجلدها ..
النهايه قبل رمضان صارت بيني وبينه سالفه وما نخلى من جات ..
صار على أثرها الطلاق البينونه الكبرى يعني ثلاث طلقات <<< قبل رمضان ..
الحمد لله .. والله ماني ندمانه عليه لأني إكتشفت إنه ما يعرف يتصرف ..
اللي ذاهلني صحيح إنه حنون !!! شلون هانو عليه عياله وكلهم اطفال ..
أربع أكبرهم تسع سنوات وأصغرهم سنه ونص ...
معملته من تزوج زفت حتى الضرب قام يضرب ..
ودااائما انا ما معي حق والحق معها وانتي المخطيه ...والله عجب ..
ما زلت اقول مو مهم انا وهو بس هالجهال إيش ذنبهم ..
مع إني والله كلمته بالتلفون قبل لايطلق وقلت وانا ابكي تكفى لاتضيع بزرانا ..
خلني في شقتي خدامه لعيالي لاتعدل لي في مبيت خلني كني زوجة مسيار لكن مافي فايده ..
حسبي الله الذي لا إله إلا هو عليه توكلت وهو رب العرش العظيم ..
السموحه على كثرة هذرتي بس فضفضت معكم .. لأنكم حاسين فيني ..

ام معاذ مايصير تقولين ان المطلقه تاخذ اي شي بس لانها مطلقه يعني اذا كانت صغيره ومالها ذنب بطلاقها ليش تبهذل نفسها مع متزوج ولا كبير ارجو انك تشيلي هالفكره من بالك...انا اعرف بنات(لم يسبق لهن الزواج)تزوجو شيبان وهم زي الورده يعني الموضوع مو بس للمطلقات..مااتخيل اني اغصب نفسي على شايب ولا متزوج بس عشاني مطلقه صدقيني اذا نظره الناس لي ظالمه فرب العالمين اللي اختار لي هذا الوضع ماراح يظلمني..اسمحيلي حبيبتي بس انا مابي اكتئب وتسوء نفسيتي لما اسمع مثل هذا الكلام ...والله يوفقك..

آسفه حبيبتي والله ماقصدي لايضيق خاطرك ..
ترى كل شي قسمه ونصيب وهذا قدر الله يا حبيبتي ..
وبالفعل الظروف تحد الوحده على أشياء ما تبيها ..
آآآآآآآآآآآآآآآآآآآآآآآآسفه مرة ثانيه إن كنت ظيقت خاطرك ..
وما نضيع أختي والله الرحمن الرحيم موجود ..