PINEAPPLE :

خخخخخخخخخخخخخخخخخخخخخخخخخخخخخخخخخخخخخخخخ أم الزمردات من الحماس حطيتي الرد خمس مرات... هماك بترجعين لأبوكم... وش تبين بالجولة السياحية اللي بنسويها أنا ومصممة! :30: طيب أصبري لين ترد علي مصممة أول وإذا عيت وفضي مكانها حطيتك بدالها! بعدين حنا عندنا ولد... يعني ممكن نصمل وما نجيب عيال من الثاني... بس أنتِ أخاف بكرا تقولين أبي لي وليد يصير محرم لي.. وتتوهقين... همنٍ تشكلين, يصيرون عيالك من جميع أنحاء المملكة... عشان كذا أنا أقترح عليك ترجعين لأبو الزمردات تجيبين منه ولد.. وبعدين تسوين له خروج بدون عودة! ;) فيه شرط ثاني... ما فيه حب وخرط فاضي... خلاص تأثير الأفلام الأبيض وأسود لازم ينمسح... ولا تدرين... خلاص نضمك معانا أنا ومصممة ونصير فريق زي الجاسوسات الثلاث... بس أنا الشقرا! الدنيا حلم كان ودي أعزمك علي الرحلة حقتنا بس أول جيبي عيال... يسهرونك ويطرشون بوسط صدرك>>> هذي حركة تتميز فيها توتو! ويقلقونك بصياحهم ومشاكلهم... ولا يحلا لهم النوم وسط الليل إلا وكلهم فوقك...وتنسين النوم المتواصل لأكثر من ساعتين...وينسونك أصلاً كل المعلومات اللي أكتسبتيها في حياتك وتصيرين تقولين أي شئ... وأي أحد تشوفينه تتكلمين عن عيالك عنده كن ما أحد جاب عيال إلا أنتِ...يعني لين ما يتفرمت مخك.... وتقعدين بس تهوجسين نزل المصروف إنقطع المصروف... أبوهم طنشهم.. أبوهم سحب عليهم... أبوهم أخذهم...(....) قعدت تزن بإذن البنت بأفكار جهنمية مفادها إن أبوك ترا بطل يحبك... تبي تتشردين وتصيرين زي المسلسلات مرة أبوك تطقك وتعذبك وتخليك تطبخين لهم الغدا... صح العيال نعمة الحمد لله عليها.... بس صدقيني ثمنها غالي جداً جداً.... من وقتك وأعصابك وذكاؤك>>>>يقولون الحرمة يقل ذكائها مع كل بزر تجيبه:) الله ما يكتب عليك شئ إلا فيه خيرة لك... وإذا أنتِ اليوم ضايق صدرك علشان العيال... ترا كنت قبل ثلاث سنين مثلك ... والحين أفرح لا راحوا عند أبوهم علشان أشبع نوم! اعتذار: معليش بنات أنا هالأيام زي اللي يتكلم وهو نايم... علاوي من الثلاثاء مريض إسهال واستفراغ وأنتم بكرامة لين راح نصه... زايد الزين, يوم نحف وجهه كبر خشمه و صار كنه كرمبة... تخبرون ولدي رجال ما يمرض مع البنات هو مرض أول بعدين أعداهم..من أمس البنات مسوين حزب لحالهم ومريضات الصغيرة من أول نحيفة صارت هالحين زي أطفال المجاعات! أخذت إجازة من الشغل بقيت الأسبوع يقال لي بأنام ولا قدرت... إلا صحيح فجورة ما غيرت رايك؟! ما ودتس وأنا أخيتس تعرسين...؟! وردة منتعشة.. أنا قصة حياتي وحياة عيالي تلقينها بهالملف أخاف أرجع أكتبها يصكونه!

خخخخخخخخخخخخخخخخخخخخخخخخخخخخخخخخخخخخخخخخ أم الزمردات من الحماس حطيتي الرد خمس مرات... هماك...

PINEAPPLE :

بسم الله الرحمن الرحيم... المنتدي هذا يبي له شيخ يقرأ عليه.. الدنيا حلم وأم الزمردات لا تشرهون علي تكفون... تراني كاتبة الرد وأنا في حالة ما أدري وشي بالضبط! الرد أعلاه كتبته وأرسلته... وقال لي المنتدي لأ منيب مطلعه... قلت خيرة! أصلاً شكلي خبصت الدعوة وحست الأولي والتالي... يوم جيت اليوم ولاه موجود ومكرر بعد! بلسم كله إلا قهوة لا تطرين العرس لها... تري خطر تفجر فيك! :) قهوة تراني أحبك :26:>>>المذلة بنية حلال! شوفي يا بلسم حنا لازم نقسم أنفسنا قسمين... اللي بالأطفال... خلاص أكتفوا ويبون يتزوجون تضييع وقت>>>>اللي هم أنا وسمكة وأم الزمردات ومصممة وأم معاذ.... هذولا يصلح يسوون حزب المعددات علي قول أم معاذ... :30: وقسم اللي بدون أطفال... أول شئ يجيبون أطفال عشان بعدين يحسون بقيمة الراحة بعدين ينضمون للخطة الثلاثية أعلاه!>>> بلسم وقهوة وغداً فجر والدنيا حلم ووردة<<< ولو إن شكلها أعرست... تري ما زلت في حالة من انعدام التوازن! تحملوني لين يطيبون عيالي! أم الزمردات شكلك من أهل الرياض وملحقاتها صح؟! أنا أصلي من مدينة بالقصيم لا هي بريدة ولا عنيزة..... وشي؟! :)

بسم الله الرحمن الرحيم... المنتدي هذا يبي له شيخ يقرأ عليه.. الدنيا حلم وأم الزمردات...