هلا أنوسة و الله مشكورة حبيبتي بعطيها بنتي مريومة و أنا باخذ السبحة هههههههههه

أنا أحس بفراغ عاطفي بس ما أعرف كيف أعبر عنه يعني أبغي أحب حد أو حد يهتم فيني من غير زواج وخرابيط لا تخافون علي ما عندي سوالف الخربوطيشن >>>>حد قال هالكلام؟
بس للتطمين ...تعرفون ابشو أحس ؟!
بس الله كريم :)

الله يعين

أنسنس :)

هنا أخالفك وبكلام مختصي العلاقات الزوجية وأطباء النفس .. يعني ماليش دعوه :)

جملة عمر رضي الله عنه ليست تشريع ديني نستدل بها هنا أو قاعدة مضطردة.. كنت أفكر بهالشي كثير وارتاحت نفسي لما لقيت كلام د.طارق الحبيب ببرنامج استشارات على قناة المجد قبل فترة كان يتكلم عن نفس الجملة..

قال.. التوافق النفسي والحب درجات.. هذا عام حتى بالعلاقات الإنسانية.. له مراتب يعني.. أدنى مراتبه القبول.. مثلاً.. تقولين أنا أقبل فلان أو فلانة من الناس بس مايهمني راح ولا جا..
لكن وجوده عادي عندي وبقدر مايتقرب مني ممكن أستلطفه لو كان لي مزاج..
هالدرجة الدنيا من الحب مشروطة بأي علاقة .. زواج ولا غيره..

مثلاً لو ماكانت عندي تجاهك هالدرجة ماكان قدرت أحاورك.. صح؟؟

نجي للمراتب الأعلى.. طبعاً تشمل الحب بمعنى القبول والاهتمام والرغبة بقرب المحبوب..
أو الحب بدرجة أكبر وأكبر وأكبر...

وأنا ألاقيها بالناس حولي..

ناس بصراحة مستحيل أجلس معهم.. كذا أحس بنفور منهم لله في الله.. ماأقدر أخليهم صاحباتي لو ايش ماصار.. ولو قابلت أحد من هالنوع وبيده شغلة لي .. تلاقين مثلا ودي أدور غيره يخلصها..

في ناس تحبينهم.. بمعنى مو بس عادي جلوسهم إلا تفقدينهم.. وودك بهم.. بس لما يبعدون مره تنسينهم..

في ناس لا.. أكثر من كذا.. تحبينهم وماتقدرين تمضين اسبوع مثلا إلا وأنتي سامعة عنهم.. هذا مثلك معي تحبيني بهالدرجة <--- طراق هههههه

نجي للحب في كلام عمر رضي الله عنه.. الحب بكلامه هو الهيام .. هو الدرجة اللي يصير فيها الزوج أو الزوجة قلب الطرف الثاني.. وهذي فعلا مثل ماقال هو رضي الله عنه مو شرط للزواج .. أبببد!
وإن كان لو حصلت فهي أفضل.. لكن مو كل البيوت تبنى على درجة الحب هذا أي بمعنى التعلق الكبير..
بدليل بعض الناس المقربين لي ومن الجنسين ماوصلوا لها باعترافهم.. بس المهم إنهم حاسين بأنهم قابلين بعض بوجود بعض.. وكل طرف محترم الآخر..

لكن بكلام الكثير.. وعن تجارب.. وبكلام كل اللي عرفت واستشرت من أخصائي العلاقات الزوجية.. الحب أو التوافق النفسي بمعنى القبول النفسي هو أساس مابعده..
وهو أدنى درجات التوافق المطلوبة لأي علاقة بالعالم زواج أو غيره.. فهو أشبه مايكون بالزلفة (العتبة) اللي تدخلين بها البيت (العلاقة ..زواج، صداقة، ..الخ) ..

وبالتالي لما سألتك ياشاطرة السؤال الملغم إياه..

كان قصدي رسالة للجميع هنا.. إن الحب هذي كلمة فضفاضة.. والتوافق النفسي هذا باب كبير ومتشربك بالتوافق الجسدي..
والقضية مو بسهولة سلق البيض.. لأن احنا لو بنشتري سيارة راح نجلس فترة قبل نقرر.. لكن لما نتكلم عن قضايا مصيرية مثل هذي ولها ارتباطات مصيرية ممكن يقرأها أحد بعدنا ويبني عليها قرارته وهو يظن إننا مجربين قبله.. وإن كلامنا أو (سواليفنا) عين الصواب..
والحق إننا كثيرا مانتكلم عنها كذا خبط لزق وبسرعة وبدون تفكير..


خلاص.. أسلم المايك للي بعدي..

خلصت الندوة :)

الله يشفيهم يارب ويكونون بارين بج في كبرج و الله حزنتيني عليهم يمكن بعد ما جبت بنتي صرت أحس بالأطفال ,,,حبيبتي و الله إنتي قلتي إنه 3 من عيالج راحوا منج كيف يعني ؟؟
بعدين حبيبتي أنا أتوقع إن اللي فيج إنتي وريلج عين و الله العين حق وسمعت قصص كثيرة حتى أشك إن حياتي مع زوجي تدمرت بسبب العين + تدخلات الحبيبة حماتي + ضعف شخصيته + هبالتي >>>>وش خليتي ؟:) ... الحمد لله على كل حال ...

موتيني من الضحك يا ومضة امل-----------الله يحلي ايامك يا خراطة:22:
بالمناسبة اسمك الجديد حلو شديد >>>>>>>>>>>>شوية سوداني:22:



سعيدة على طول
انا نفس الشي حسيت بهالاحساس
بس على طول التزمت بحلقة في المسجد وما خليت نفسي للفراغ والشيطان
كونت صداقات جميلة

وصرت دايما ادعي واقول يارب تعلم الفراغ في قلبي ففرج كربي

والحمدلله ماصرت احس نهائيا بهالفراغ

الحين احس بفراغ حقيقي لما اتكاسل وما اقرا وردي من القران

بس للأمانة انا كنت مرابطة في هالملف
كل شوي اجي اشتكي واصيح واستعيد ذكريات الماضي
لكن حبيباتي هنا الله لا يحرمني منهم ساندوني وما خلوني اسرح مع الخواطر الفاشلة واهبل
كانوا دايما يردوا علي ردود ساعدتني بعد الله عز وجل في ان اخرج من محنتي

جزاهم الله خيرا وجمعني بهم في الفردوس الأعلى>>>>>>>>>يا حبيييييييييييييييييلهم:26: