~سمكة~2 :

كيفكم يا بنات عندي انفلونزا مسوية فيني سوايا الله يجعلها على اجر وعافية .. ما اوعى لروحي الا نايمة وشوية الا اتنافض من الحرارة .. اخذت حبتين خافض الحين واشوفها صلبت راسي شوية .. تعرفوا ان المرض شي جميل يخلي داخلك حالة شفافية تقربك من رب العالمين وتحسسك بنعمه عليكي ظاهرة وباطنة .. استحملوا هلوستي اليوم ويمكن فجأة تشوفوني ساكتة وونمت لو رحت بدنيا ثانية الله يرحمنا برحمته .. البنات اللي كاتبين مشاعرهم تجاه ازواجهم السابقين تعرفوا اني اغبطكم .. انا ما احس داخلي اي مشاعر محبة له .. تجي احيانا مشاعر شفقة اني ليش ما احبه .. وترى طول عشرتي معاه حاولت اني احبه بس هو الله يهديه ما كان يكمل خيره ابد ..:( انا فلسفتي للحب انك تحبي اللي يحبك واللي يحسسك بحبه لك حتى لو بالكذب .. وشي ثاني مهم للحب هو توسيع المعيشة .. ضيق اليد وامساكها اكبر منفر من اي احد .. ما باتوسع في الكلام كفاية غيبة فيه الله يصلحه ويهديه لنفسه واولاده .. بس مزعج عدم الاحساس بالحب .. خصوصا وانا الوم نفسي ليش ما حبيته ؟؟؟؟؟ يمكن طبيعة المجتمع اللي عشت فيه لها دور .. انا مجتمعي العلاقات فيه مفتوحة نوعا ما بضوابط طبعا .. يعني احنا نجلس جلسات مشتركة مع اولاد عمومتي وازواج اخواتي وكل براحته المحجبة والمنقبة واللي تغطي كامل وجهها .. فلما نتزوج الزوج ما يكون اول رجل اشوفه او اتعامل معاه صحيح ان العلاقة الزوجية مختلفة تماما عن اي علاقة ثانية بس يظل لما تكون الواحدة شايفة نماذج متعددة من الرجال نظرتها لزوجها تكون مختلفة .. انا ما كنت مشفوحة على الزواج .. طلعات وروحات وجيات وسفر لكل مكان يعني مو هو اللي وراني الدنيا .. وما فكرت في الزواج الا للسكن النفسي والروحي واللي للاسف ما لقيته .. كنت احس بالوحدة وانا عايشة معاه .. طريقة التفكير مختلفة .. الامال مختلفة الاحلام مختلفة .. وطبعا مثل ما تعودنا في مجتمعنا ان المرأة لابد انها تتنازل وترضى بعيشتها ايش ما كانت .. ما ادري التطورات في علاقتنا بعد كدا كانت رحمة من ربي اني اطلع من السجن النفسي اللي كنت عايشته .. الوم نفسي واقول ليش ما قبلت بعد العيشة معاه على الرغم من اللي صار .. واحتسبت الاجر عند رب العالمين .. انا محتسبة الحين تربيتي لاولادي وغيرتي على ديني عند ربي بس تظل التساؤلات اللي داخلي تطفح الى السطح احيانا وتتعبني .. اظن هلوست بما فيه الكفاية وشكلي بكرة كانة في البيت .. شرايكم تسيرون علي ترى زيارة المرسض اجرها كبير عند رب العالمين .. بنات قبل ما اقفل خاطري من زمان في شي .. ان احنا نتعاون على حفظ كتاب الله ويكون ثمرة لتجمعنا هذا .. خلاص خلصت البطارية في امان الله

كيفكم يا بنات عندي انفلونزا مسوية فيني سوايا الله يجعلها على اجر وعافية .. ما اوعى لروحي الا...

~سمكة~2 :

وردتنا الندية :26:وياليتك تغيرين اسمك ترى عندنا واسطة الحين :22: تعرفي يا عمري هالاشكال شنو تسوي لهم ؟؟؟ :09: وتقولي اللهم يا حافظ لو ما يظل في الكون الا هو رجال ما طالعت فيه :hahaha: :hahaha: الله يرزقنا جميعا حسن الطاعة والمغفرة .. توصل بوساتك يا قلبي وبوسي لنا البنوتة حياكم الله .. انا واولادي حاجزين الكراسي اللي عندي التزلج في الظهران مول :42: بس اشوف علة سيارتي اول ( تعترض احيانا وما ترضى تشتغل :( ) ليه يا دنيا تبكيني اظن عرفتك انتي مو مـ؟؟؟؟؟؟؟؟؟؟؟؟ لو خلاص باسكت انا بكرة عندي اجازة مرضية من بعد هالانفلونزا الشريرة لما قريت ان بكرة عندك دوام افتكرتك من اللي يشتغلون يوم الخميس ...:22: شفتوا من زود الفضاوة

وردتنا الندية :26:وياليتك تغيرين اسمك ترى عندنا واسطة الحين :22: تعرفي يا عمري هالاشكال شنو...