حسبي الله على كل مفتري,,, وظالم ,,ولاعب ببنات الناس لعب,, وآكل حقوق الناس بالباطل,, قولو آمين,,

حسبي الله على كل مفتري,,, وظالم ,,ولاعب ببنات الناس لعب,, وآكل حقوق الناس بالباطل,, قولو آمين,,

حسبي الله على كل مفتري,,, وظالم ,,ولاعب ببنات الناس لعب,, وآكل حقوق الناس بالباطل,, قولو آمين,,,


معليه يابنات قاهرني هذا الرجال (زوج صديقة sooooon) الله يفكها منه ويبعد عنها شروره آآآآآآآآآآآآآآآآآآآمين



هلا فيكي اختي sooooon ..والله قاهرني هذا الرجال ..اول ماقريت قصتها تخيلته قدامي وقاعده اخنقه من القهر... يعني هو اللي يبغى يطلق... ويعلب بالبنت وكمان طالب منها فلوس..حسبي الله عليه ..حسبي الله عليه..... فين بيروح من غضب ربه... شوفي يا sooooon قولي لصديقتك انه مايقدر ياخذ هلله وحده منها ...مدام هو مايبغاها وهو اللي بيغى يطلق والله مايقدر ياخذ منها شي مافي قاضي بيرضى بهذا الشي .. وخليها تسأل شيوخ وتتأكد .. انا لمن طلبت الطلاق قال اعطيني 50 الف وانا اطلق .. رحت وسألت شيوخ قالي مدام انتي طالبه الطلاق ماله غير مهره لاتعطيه اي شي .. ومافي قاضي بيرضى بأكثر من كذا ((( شوفي وانا اللي طالبه الطلاق فكيف بصديقتك ))) .. لكن اذا ماطل وتركها فتره اكثر من كذا خليها تقدم شكوى للمحكمه تقول فيها انه تاركها كذا مايبغى يطلقها غير اذا رجعتله الفلوس ... تأكدي مليون بالميه بإذن ربي انه بيطلقها من غير ولا هلله...دامه هو اللي يبغى يطلق... الله يسهلها امرها ويفكها منه عاجلا غيرآجل...

مرحبا ياحلوات وش اخباركم؟؟؟؟؟؟
ان شاء الله تمام

اهلين وسهلين بالغاليه ام محمد
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمــــــــــيــــــــــــــــــــــــــــــــــن وياك الله يتقبل منا ومنك
دعواتك ابسطتني واثلجت صدري
الله يخلي لك الوالده ويحفظكم من كل شر
انا الحمد لله تمام وبصحه وعافيه وولدي الحمد لله بخير الله يصلحه ويهديه
مستعجل على الدراسه يقولي متى اكبر وادرس؟؟؟؟؟؟؟؟؟
الله يصلحه ويخليه لعين ترجيه
والله يهون عليك حبيبتي ويقومك بالسلامه ويقر عينك بمولودك :)
الله يحفظه من كل شر

اهلين وشلون انسى؟؟ ياعمري الله يوفقك في دراستك ويكتب لك كل خير

اهلين اختي sooooon
ياليت تطمنينا على صديقتك الله يكتب لها الخير ويفرج عنا وعنها عاجلا غير اجل

وين باقي الشله ياليت ماتطولون علينا يالحبايب
اختكم
ليلاس

الآن فضيت لكم يابنات ..كان قاهرني موضوع صديقة sooooon وحبيت ارد عليها بأول..

أم*محمد كيفك؟؟..انا الحمدلله بألف خير تسلمي ياقمر..الله يسعدك دعاويك تجنن .. الله لايحرمنا منك ومن دعاويك اللي مثلك حلوه.... بقولك شي,,ممكن؟؟ زوجك فيه شوية خير لأنك قلتيله انك منتي راجعه وقلك اجل تعالي خذي اغراضك وكمان يرسلك المصروف ... احس فيه خير.. لكن انتي قلتي من أول انه مافي امل ولو 1% بالرجعه.. مااقول غير الله يجازيه بكل شي عمله معاكي ويعمله الآن سواء كان شر او خير.. ويعوضك خيربحمودي وبزوج المستقبل :)

وطنينا عنك..وخبرينا ايش قالتلك الدكتورة؟؟


مبرقعه هانم كيف احولك؟؟ .. الحمدلله اني قدرت ادخل السرور على قلب انسانه مثلك.. الله يرزقك الزوج الصالح,, التقي ,, النقي ,, مخموم القلب,, يخاف ربه في نفسه وفيكي..

ليلااااس ..كيفك وكيف الصغنون ولدك؟؟..خبربني عن ولدك ؟؟.. وعن اسئلته؟؟.. ياحبيبتي اعذريني لو طولت الغيبه تعرفي الجامعه ومشاغلها لكن بحاول اذا عندي وقت يسمح ادخل واطمن عليكم .. وانا اقدر اغيب عنكم..


هلاااااااا اشلون أنسى ؟؟؟ فين الناس .. طولتي علينا ..يعني خلاص بدا الدوام تنسينا!!! احنا كمان اشتقنالك..طنينا عنك ولا طولي اوكي.؟؟


وناسه والناس محتاسه .. ورده ولا كل الورود .. حبيبه وعلى نياتي طولتو علينا ياحلوات ياقمرات يامنطلقات ... فينكم انشالله غيابكم خيير

:luvkiss:

اشكر الاخوات المهتمات بالامر وبالنصيحة .
اختي n000na مشكورة يا عمري على تعاطفك ووقفتك المعنوية معها .
وهذه آخر الاخبار :
هم الان في حالة تفاوض ،هو تنازل عن احد طلباته ( مبلغ كبير ) كان اعطاها اياه هبة وضمانة لمستقبلها معه بعد ان خافت على نفسها من هذا المصير ،
ولكن طلب ان تسامحه في المهر المعجل ، تخيلوا ؟!
موقفها كان انه ما رايحة تتنازل عن شي من حقوقها خصوصا انها صبرت عليه وما طلبت الطلاق هو اللي رغب في الطلاق .
الموقف اللي سيضعها فيه ما يعادله مال وما يعوضها الاذى النفسي اللي سببه لها وسيظل يسببه لها ، هو رجل المجتمع ما يلومه لكن هي امرأة وتعرفوا مجتمعاتنا وتعقيداتها ونظرتها للمطلقة .

يا اخواتي حالتها النفسية تعبانة الله يقويها ادعو لها بالله عليكم ، هي مو حزينة أسفا عليه ، لكن على حالها وحاسة بمرارة الظلم واخاف عليها تنفتن في دينها ، الله يثبتها ، تقول استخرت مرارا وصبرت وبعد هذا يطلق زوجة صالحة ؟
وتسأل هل لها حق عند الله وهل سينتقم منه على منحه اياها لقب مطلقة ، وكيف تعرف انه تعاقب وتشفي غليلها ؟
هذه الاسئلة يا اخواتي صارت هاجسها ، الله يصبرها ويقويها .

:)

هلا و غلا ليلااااس ؟؟

شلونج حبيبتي .. ربي يتقبل منا ومنكم ياااااااااارب و الله السوالف معاكم هي اللي تثلج القلب وتزيح الهم عسى ربي يزيح همومكم وهموم جميع المسلمين و المسلمات وينصر كل مظلوم على ظالمة ... :) الله يخلي لج ولدج ويفرحج ويعوضج فيه كل الخير ياااااااااارب .. ويرزقج ويرزقه اللي يعوضكم وينسيكم الهم و الكدر .. ويعطيه من علمه اللي ماينتهي يارب ..

نونا ..

هلا وغلا حبيبتي .. شلونج عساج بخير ؟؟ :) إنتِ الأحلى ياعمري .. يخليكِ يارب ويسعدك دنيا و آخره ويوفقك لكل ماهو خير وصلاح يااااااااارب ويعوضج كل لحظة ألم وحزن عشتيه ياكريم .. طليقي فيه خير من ناحية لفلوس ... هذي ماتهمه أبداً يعني لو بتطلبي أي مبلغ وهو عنده راح يعطيج .. بس تدرين شنو الشين فيه من هل الناحية ؟؟ لي فلس جاكِ يقول لك تدرين انتِ كم صرفتي ؟؟ صحيح ماتعرفي تدبري أمورك المالية لازم تقتصدي .. ومن هل الحكي اللي يسم البدن .. يعني يمن عليكِ .. بس الحمد لله الحين يرسل المصروف ولو في زيادة ومااسمع منه .. الله يهديه ..ويصلحه على رغم كل اللي صار .. وهم مافي أمل 1% أرجع له .. والله يسوي اللي فيه الخير ..
بس تدرين .. أخاف في يوم يدق جنونه .. ويروح المحكمة أو يجيني يقول بردج قبل ماتنتهي العده وفي هل الحالة لازم ارجع له .. بس قلت لو صارت فعلا أنا هل المرة بروح المحكمة وبخلعه ...

sooooon
هلا حبيبتي ... شنو هذا كان له مليون طلب يعني دام تنازل عن واحد إن شاء الله راح يتنازل عن الباقي بس الظاهر مثل ماقلت لج هو يبي يذلها ويعذبها لين يطلقها بعدين .. شوفي حبيبتي قولي لها ترى حتى النفقه في العدة لا تتنازل عنها ..هو يبي يطلق هو يتحمل المسؤولية .. أكيد الوضع النفسي مو شي سهل ولا في يوم ويومين راح تتجاوز الموضوع .. يبي له وقت .. ويبي له شويه قسوه على النفس .. هذا غير دور اللي حوالينها في التخفيف عنها .. وترى نظرة المجتمع تغيرت الحين عن قبل .. بس تبين الصراحة .. هي فعلا كريهه كلمة مطلقة .. بس الحمد لله على كل حال .. مطلقة أحسن من مذلوله .. ومستعبده ...
أنا نفس الحالة .. مااسفت عليه ولا حزنت ولا نزلت مني دمعه اسف عليه .. لكني تأسف على نفسي وعلى عمري اللي ضاع .. بس هم الحمد لله .. كنت أظن اني قاسيه .. لكن هذا فعلا اللي كان لازم يصير واكتشفت بعد الطلاق بلاوي عنها مايعلم فيها إلا رب العالمين .. الحمد لله يوم خلصني منه .. و إن شاء الله تتخلص من الهم الي هي فيه بدون مشاكل وبلاوي .. صبريها وقولي لها إن هذا ابتلاء وامتحان ... وعليها الصبر..
وعن الانتقام ... الله يمهل ولا يهمل .. لو ماانتقم لها اليوم راح ينتقم لها يوم الحساب .. وربي مايضيع حق أحد .. :) تعرفين >>>> تهذر وايد هل الحرمة ..
لم رحت اخذت أغراضي وأنا طالعه أم زوجي قالت لي كلمة .. قالت لي الله ماراح يضيع حقج .. وراح ينتقم منه ويعوضج خير إن شاء الله .. كلمتها للحين ترن في إذني ...
تدرين شلون حاله اهو الحين ؟؟ مو عارف يستقر .. ولا هو عارف يعيش حياته بصورة طبيعيه .. على طول متنرفز ويتهاوش مع ذبان ويهه .. وبيتهم كلهم ... مافيهم أحد يحب يقعد معاه أو حتى يسأل عنه ...
شلون تعرف انه تعاقب .. هذي مسألة وقت ...راح تعرف مع الوقت ومع الزمن .. وتجيها الاخبار وقت ماتكون متوقعتها ولا تنتظرها فيه إن شاء الله ....

الله يصبرها على مابلاها .. ويعينها .. ويثبتها على دينها... ويعوضها خير الدنيا قبل خير الآخره ياااارب .. وينتقم لها .. وصيها بالقرآن .. وقولي لها كل ماضاقت نفسج وحسيتي إنك محتاجه أحد معاج .. خذي القرآن واقرئي فيه بتأن راح تلاقي نفسها تهدأ تدريجياً ...