http://forum.hawaaworld.com/showthread.php?t=385017
بنات اتمنى كلكم تقرون هالموضوع و توسعون صدوركم
بالتوفيق

هلا وسهل باختي اللي في ديرة العيايز ( برقعي يديد )
نورتينا ,,, جعلك ما تذوقين الطلاق يا حبيبتي .... الصراحه بالنسبه لي الطلاق صعب جدااااااااااا حتى لو كانت المرأه مصره عليه ومرتاحه ,,, انا ما ندمت على طلاقي من ذاك الرجل اللي مايستاهل بس ما اخفي عليك ضاق صدري كوني تطلقت بعز شبابي ,,,,
الله يعوضني خير واخواتي الموجودات هنا والمسلمات اجمعين
سعدك بمرورك اختي


اختي scooooon
اهلا بك من جديد ,,,, الله يثبت صديقتك ويعوضها خيييييييييير ,,,,, وقولي لها تكفين هالقصه عشان تهدا شوي ( فيه واحد خطب 29 مره وكل مره من هالمرات يردونه اهل البنت )
الرجال انهبل وتعقد ,,,,,,تخيلي المره ال30 راح وخطب وتزوج يقول الحمد لله ان ال29 مره ردوني فيها لاني مبسووووووووووووط وسعيد في حياتي الزوجيه
شفتي الخبره خفيه سبحان الله ,,,,,,,,
الله يفرج همي وهمها وهم كل مهموم من المسلمين

أسفة وايد على التأخير ولكن للضرورة أحكام

مبارك عليكم الشهر

مبرقعة هانم ، الله يجزيكي الخير اختي على كلامك الطيب ودعواتك الحلوة.

نونا هلا وغلا بالغالية ..

شلونج حبيبتي .. لاتطولي الغيبة .. تراني ادخل اطل عليكم وماالقاكم ومايصير لي نفس اشارك دامكم محد ..

الله يوفقج حبيبتي لكل ماهو خير وصلاح يارب .. ويعوضج خير يااااارب

مبرقعه هانم ..

هلا حبيبتي شلونج عيوني ؟؟ عاش من شافج ؟؟ الله يكون في عونك الظاهر للحين في مشكلة في المنتدى ماانحلت .. بس حاولي تمرين علينا وتطمنينا عليكِ ..

عسى ربي يهنيج ويسعدج دنيا و آخره يارب ويعوضج صبرج خير يارب :)

بالنسبة للوظيفة يافرحه ماتمت .. :) الحمد لله على كل حال .. قال لي انه ماراح يفتح دوام مسائي في شهر رمضان .. يعني أنا في إجازة بعد أقل من اسبوع وظيفة لي بعد شهر رمضان إن شاء الله :) أدعو لي لاتنسوني من دعائكم خصوصاً في هذي الايام المباركة .. ومبارك عليكم الشهر يارب ..

برقع يديد نمره ون ..

هلا فيج حبيبتي .. وحياج الله :) ربي لايوريج ضيق .. عن نفسي .. الحمد لله ماندمت على الطلاق وكل يوم احمد ربي اني تخلصت منه .. الحمد لله ..

sooooon

هلا حبيبتي .. شوفي ياقلبي .. شي طبيعي الوحدة تتأثر وتتألم ... وقلت لج قبل اصعب فترة الفترة الاولى لانها تكون متعودة على انها زوجة ومسؤولة من زوجها وغيره .. وبعدها تتغير حياتها 180 درجة .. فشيء طبيعي إنها بالبداية تتعب .. بس اللي عليها إنها تسويه إنها تلجأ إلى الله سبحانه وتعالى .. هو الوحيد اللي يساعدها ويعينها إنها تتخلص من اللي هي فيه .. وشهر الخير وصل خلاص.. وصيها وصية اخت عزيزة .. إنها تستغل كل دقيقة في هذا الشهر الكريم في قراءة القرآن و الدعاء و الاستغفار .. وعسى ربي يريحها ويهدي بالها .. ودامه مايستاهل تأكدي إنه راح يجي يوم تفرح لانها تخلصت منه ومن الهم اللي كانت فيه .. و عسى الله يعوضها خير يارب .. وتتأكد إن المظلوم مايضيع حقه عند الله لو ضاع عند الناس ..

البدر_أقبلت ..

هلا وغلا اختي .. شكرا لج :)

اشلون انسى ؟؟؟

هلا وغلا باللي تمر علينا بسرعة تطل وتمشي .. وينج وشنو آخر أخبارج ؟؟ من طول الغيبات ياب الغنايم ننتظر الغنايم يالغالية ..
الله يوفقج لكل خير وكل صلاح يارب .. ومبارك عليج الشهر حبيبتي