لامع البرق :

السلام عليكم ورحمة الله وبركاته طبعا مثل ما قلت أنا ضيفة جديدة على الموضوع لكني كنت معاكم من أول صفحة لهالموضوع لإنه فتحه توافق مع فترة طلاقي. خواتي لازم تتناقشون بكل شي في هالموضوع لإنه باب من أبواب الأجر توصلكم يومياً وأنتن ما تدرن ، بصراحة هالموضوع كان له دور كبير في تخفيف همي وضيقي خصوصا لما أحس إنه في غيري كثيرات يشاركني نفس الهم ونفس الوضع ، لما اتضايق ادخل وأقرأ وأحس إني مش بروحي في مشكلتي والله أيام كثير أحس نفسي متضايقة ولما أدخل الموضوع وأشوف كل وحدة كيف قاعدة تحاول تأقلم نفسها مع وضعها وكل وحدة تواسي الثاني بكلمة أو فكرة أو اقتراح أطلع من الموضوع وأنا بنفسية أحسن. يمكن تستغربون ليش الحين بالذات قررت أشارككم رغم إني متابعة قديمة ، بصراحة أحس إني هالفترة بالذات محتاجة مساعدة أكثر ومحتاجة دعوة بظهر الغير تفرج بها همي وصدقوني ما في أحد ممكن يحس باللي أحس فيه إلا اللي مجربة وضعي وذاقت اللي ذقته. أختي أناناسة عارفة قصتي كااااااملة لإني أتواصل معاها من خلال الرسايل الخاصة وهي ما قصرت معاي أبد. خواتي عندي سؤال ياليت الكل يجاوب عليه منها نفتح موضوع جديد يثري الملف ومنها استفيد من تجاربكن . أريد أعرف شعور كل وحدة لما طليقها تزوج ومقدار الألم اللي حست فيه وكيف قدرت تواجه هالواقع وهالألم ، شو الأفكار والأحاسيس اللي كانت تراودج في هذه الفترة ، وهل الشعور بالألم يخف مع الوقت ويصير الموضوع عادي (خصوصا لو كان طليقج قريبج وأخباره توصلج أول بأول) أدري إنه أسئلتي وايد لكن لعلها تفتح باب للنقاش ومرة ثانية أتمنى تقبلوني بينكم وأتمنى من كل وحدة تدخل الموضوع أو تقرآه تخصني بدعوة إنه الله يخفف الألم اللي احس فيه وأنه يأجرني في مصيبتي ويخلف لي خيرا منها لعل دعوة احداهن تصادف استجابة وتكون سبب في التخفيف عني لإني حاليا في حالة ما يعلم بها إلا الله. أختكم لامع البرق

السلام عليكم ورحمة الله وبركاته طبعا مثل ما قلت أنا ضيفة جديدة على الموضوع لكني كنت معاكم من...

لين** :

ســـــــــــــــــــــلام :26: وشلونكم يابنات ..ان شاءالله الجميع بخير.. وينككككككككككككككم مااشوفكم تدخلون ..بلسومه وراك انقطعتي عندي احساس ان موضوعك تم ان شاءالله.. يالله فرحينا .. ابي كاكاو.. الحمدلله بخير مادام عندي اخوات مثلك ومثل البنات .. حبيبتي لامع البرق .. هوني على نفسك انا ادري ان وضعك صعععب جدا لانه قريبك .. علشان كذا انا ماأيد زواج الأقارب .. بس انتي حاولي انك ماتسمعين اخباره خلاص انتهى بالنسبه لك .. فهذه الأخبار تسبب لك المتاعب لانه تعيد نزف جراحك مره ثانيه وتسببلك العذاب في نفسك..اتجهي لله بالدعاء والحي فيه بان يعوضكي زوجا صالحا يسعدكي ويعينك دنيا واخره .. بعد نصيحة مني لكي الزمي الاستغغغغفار ترى مفعوله عجيييب .. اتمنى لكي راحه وسعاده دائمه .. :26: :26: :26:

ســـــــــــــــــــــلام :26: وشلونكم يابنات ..ان شاءالله الجميع بخير.. وينككككككككككككككم...

بلسم فقط :

لين حبيبتي انا هنا :) بس شكلك ما تشوفين مشاركاتي :) حبيبتي تونا ما انتهينا من الاجراءات الله يعين بعدين اكيد اذا تم شي باخبركم لامع البرق ياهلا فيك صراحة انا انخطبت الحمدلله قبل ما طليقي يسوي شي الله يعينك- فعلا الوضع صعب انه قريبك وتزوج بعد الله يربط على قلبك ويفرج كربك بس حبيبتي مع الوقت راح تتأقلمين ويهون عليك الوضع يعني حنا كلنا اول الطلاق حالتنا صعبة جدا واعصابنا تعبانة -بس بعدين الالم والحزن يخف بالدعاء وبمرور الوقت انت ثقتك بالله كبيره والله عند حسن ظن عبده به وياهلا

لين حبيبتي انا هنا :) بس شكلك ما تشوفين مشاركاتي :) حبيبتي تونا ما انتهينا من...

~سمكة~2 :

السلام عليكم كيفكم بنات.. اتجهز للنوم علشان تبدأ مناوبتي مع امي اخر الليل الحمد لله هي اليوم احسن من قبل ان شاء الله دوم يارب رحت قبل شوي السواني عندهم 70% لميت لي كم كاس على كم صينية عموما لا اطلع عليكم تخاريف قلة النوم اظن اللي يقرص انوسة الجوع اما السباق فانا مالي خلق مراكض ولا اسابق احد اشوفكم على خير

السلام عليكم كيفكم بنات.. اتجهز للنوم علشان تبدأ مناوبتي مع امي اخر الليل الحمد لله هي اليوم...