مرحباااا:42:
السلام عليكم ورحمة الله وبركاته

تقبلوووني معكم؟؟
مطلقه فريش معاكم:2thmup: :unsure:
ماقريت الموضوع كله طبعاً بس حبيت اشترك معاكم وتضموني لعشكم الحاني

قصتي باختصار
ياحبيلي لسّاتني يادوبي أدش العشرين وانصدم صدمة عمري بانسان حبيته من كل قلبي سنين ولكن!!!

ماعلينا
الله كريم :) والله سبحانه وتعالى قادر يبدل احزانا كلها سعد وفرح ولاااااادموع بعد اليوم:wink:

أجل تبونا نبكي واهم ولامهتمين وينسون بسرعه مو مثلنا ياحبيلنا والله ويا قلوبنا الرهيفه اللي اتعبتناااا:09:

والله بكيت وانقهرت وتلخبطت الدوره الله يكرمكم من حالتي النفسيه وبقت فيني اكثر من اسبوعين وغير الصدمات اللي كانت توصلنا كل يوم نكتشف حاجه ووووو والقلب ودقاته من اضعف لأضعف!
كنت احاول كثر مااقدر أستغفر ربي وادعي ادعي من قلب ومازلت
ولما شفت حالتي من سيئه لأسوأ ولقيت نفسي أعصب ع اللي حولي من غير سبب وااضح!!
وبعدها قلت استووووووووووووووووووووووووووووووووووب:mad:

وربي اني اكتشفت ان هذا أسعد خبر في حيااااتي مع اني مومتوقعته أبد أبد أبددد
سبحان الله الله يحبنا لما ماربطننا بذاك الإنسان عسى ربي يحفظه من كل شر ويهديييييه يا رب والله من قلبي اقولها ولاادعي له الا بالخير مع اني في يوم للأسف دعيت عليه لما عرفت مر الحقيقه ندمت بعدها أشد الندم لاني دعيت على انسااان!!! ومهما اللي عرفته وسمعته عنه يبقى أول قلب تعلقت فيه يعني مثل ماتقولون فتحت عيني ع الدنيا يا دوبي بالسنه الاخيره من الثانوي لقيتني مخطوبه له فطبيعي أتعلق فيه من كل قلبي
هذا غير اللي كان يدور بينا من سواليف وووو انتو ادرى فيها وكيف يتهيأ لكم انها احلى اياااام
وتمر سنييييييين وحبي له يكبر ويكبر
لحد ماجاتني الصدمه
وانا من طريق واهو من طريق

تطلقنااا

اه بس كيف كنت أتحسس واكره هالكلمه كانت تعذبني كثير

لكني دققت فيهاااا

لقيت فيها خلاااااصي وحريتي من أكبر كذبه عشتها بحياتي
لقيتها الحضن الدافي لي بعد حضن الوهم
لقيت فيها رااااحتي بعد ذيك السنين اللي كنت أقضيها بهمي ومحاتاتي له ودموعي اللي تطيح شلالات كل مازعل مني من غير سبب واااضح
بعدها عرفت ليش كان يزعل كذاااا من دون سبب
كنت اقول من طبعه
اصبري يا بنت كله بأجره وأصله حنون ساعات الرخا خليج احسن منه واكسبيييه وووو اشيا كثيره كثييير


والله ماادري ليش اكتب لكم هالكلام بس حاسه انه ودي احد يسمعني
احد يحس بنفس احساس المطلقه

المهم بعد هذا كله

انا يا دوووبي داخله هالعالم اللي مااقول عنه عالم المطلقات لالا انا اقول عنه عالم الحريه والخلاااص
صعبه لما تعيش بكذبه سنين من عمرك وتكتشف بعدها ان كل اللي مضى كان سراب وان قلبك استغلوه اكبر استغلال وفوقهم فكرك وراااااااااااااحة البال اللي فقدتها سنييييييييين وربي :(


لي عوده معاكم قريب إن شاء الله اذا رحبتوو فيني وتحمست اكثر

مثل ما قلت لكم تراني فريش بهالعالم واحيان كثيره تنتكس حالتي وترجعلي حالة الحزن لما افتكر الايام الحلوة اللي مضت وانها كلها كانت كذب * وهم * كذب * سرااااب

مااقول اني كنت المظلومه الوحيده بهالحكايه كلها
الله يسامح اللي كان السبب

اللهم أجرنا في مصيبتنا واخلف لنا خيراً منهااا وأعنااا وهوّن علينا يا أرحم الراحمييييييين

ووالله اللي يشوووف مصايب غيره تهووووووون عليه مصيبته ألف ألف مرة :(

الحمدلله رب العالمين على كل حااااال


لاتنسونا من دعواتكم الطيبه يالطيبات :)

تراني حبيتكم من قلبي من قبل ما ادش الملف>>>خخخ وحده تبيكم ترحبون فيها من خاطر

والله ينولكم اللي ببالكم ويوفقنا أجمعين دنيا وآخرة

مبرقعه هانم توني قريت قصتج
ياحبي لج بس الله يبدل حزنج فرحه تدوووم ع شفاتج يا رب ويرزقج بكل الخير عاجلاً غير آجل

مع اني مقتنعه بان اصابع ايدنا مو سوا
ومو كل الرجال سواا

لكني أحس اني بديت اكره الرجال وأشيييل فكرة الزواج من راسي أحس ان همهم كبييير
واحاول ادعي ربي بان يبدل حزني وصبري بنعيم الجنه يا رب ومايجعل الدنيا همنا وغاية علمنا
والله يجعل الجنه دارنا ومبتغانااا ياااا رب :(

والله والله يا بنات ان الراحه كلها والسعد كله بقربنا من ربنا والله
الإستغفار وقيام الليل وذكر الرحمن خير زاد لنا في هالدنيا الفانيه :(

خلونا نحط ايدينا بيدين بعض ونقوي نفسنا ونحافظ على قيام الليل اللي فيه راحتنا كلها وربي
والله اكثر شي عذبني بعد طلاقي اني ماكنت قادره أصلي واقوم الليل عشان ارتاح نفسياً اكثر
صليت اول يوم وبعدها!
والله لذه عجيبه يا بنات والسعاده كلها تحسينها وانتي تحسين انج بين ايدين ربج ورحمته وان الله قريب منج حيل الوحيد اللي يسمع شكواج ويرد عليج دعائج ويعينج ع بلواج
الذي إذا دعي به أجاااب
اذا مو اليوووم بكرا او بعده او في جنات النعيييييييم :(

يالله يا ربي
اللهم ارحمنا واغفر لنا ذنوبنا وأحسن خواتيم أعمالنا ولاتجعل الدنيا أكبر همنا وأبدل حزننا فرحه تدوم وقوي قلوبنا وثبتهااااااااااا يااااااااا رب :(
اللهم ارزقنا نعمة النسياان والقوة على العفو !

باااك حبتين أدري ازعجتكم ويادوبكم لسه ماقريتوو ردودي خخخ

مومكن اطلب منكم طلب صغيرووون
من تجاربكم يا بنات وبما أني حديثة العهد بالطلاق :(
نصحوني وش اسوي وكيف اتجاوز هالمرحله
مهما كنت قويه احس لازم تجيني حالات أنهااار فيها وأظل أبكي من قلب وماودي ساعتها غير اني أبكي وابكي :(
ادري الطلاق مو سهل
بس كمان اهو مو أقوى مني!!!
ودي أكون قويه كل يوم بأي ساعه اكون حدييييييييد
والله يسهل علينا جميع يارب

بنات تراني لسّه ماتخلّصت من صوره بالألبوم مع اني تخلصت من باقي الحاجات
وكمان مذكراتي معاه بدفاااتري وكم حاجه
أحس ماادري!! أبي أتأملهم وانظرلهم اخر نظره وحده وحده واتذكرهم بعدها أرميييييييييهم :(
تشورون علي أرميهم من غير مااتذكر تفاصيلهم وحده وححده وأقلّب صفحات مذكراتي ووو
احس انها صععبه
اغلب اشعاري وخواطري كانت له!!!>>>إيييه يا أم الإبدااع خخخ

بإيش تنصحوني :(