قهوة بالبندق :

إذا هو يضرب دائما.. يعني الشي هذا ماصار مره أو مرتين.. فهذي طبيعته.. والأكيد إنه ماراح يتغير.. الضرب انحراف نفسي كبير.. والعيال اللي تعيش ببيت تشوف فيه الأب يضرب الأم صدقيني تطلع تعيسة.. لأن الضرب من أسوأ التصرفات البهيمية.. الطلاق في حق أطفال يشوفون هالمناظر أرحم من العيشة ببيت متزعزع.. الطلاق حل ياأختي .. ولو كنت بمحل خيار بين إني أعيش مع أمي باستقرار أو مع أمي وأبوي وأنا أشوف أبوي يضرب أمي ويهينها صدقيني ماراح أختار إلا الأولى.. ياماشفنا ناس كبرت وتزوجت بس مازالت تتذكر طفولة تعيسة سببها بيت متشتت.. إما لأن الأب يضرب.. أو يستخدم بلاوي.. أو يخون .. أرحم للعيال ألف مره يبعدون عن آباء من هالنوع.. الله يكون بعونك أختي، ويعوضك بعيالك خير ويصلح لك شأنك كله..

إذا هو يضرب دائما.. يعني الشي هذا ماصار مره أو مرتين.. فهذي طبيعته.. والأكيد إنه ماراح...

PINEAPPLE :

هلا أختي هروب... هذا رد قهوة بالبندق عليك سابقاً... ورأيي في تصرف طليقك... إنه يجس النبض... أنا لو مكانه وقلت الكلام اللي قاله- يوم يتهمك بشرفك ويقول إنك مرقعة! ما عاد أوري أنسباي السابقين وجهي... إذا ماني ملخبطة بينك وبين أحد ثاني.. بس هذا ما يمنع إن أربع سنين فترة طويلة تغيرت فيها أشياء كثيرة.. أستخيري... ولو إن طريقته ما كذب خبر من يوم طلعتي راح يعرس .. أنا أشوف إنه كان بايع بقوة ويحتريك بس تقولين أف! إذا بيعطيك الضمانات اللازمة... وبيأمنك ويحط لك بيت مستقل- عقدتها البيت!:hahaha: المرة ما تضر! لك ليلة ولها ليلة..يجيب لها مثل ما يجيب لك... ولو إني طريقته هذي ما أعجبتني.. يعني موحلو يدخل البزارين بالنص ويخلي الولد يعقد آمال... المهم, أستخيري وأقرأي البقرة بنية إن الله بفتح عليك... وأدعي الله يبين لك الطريق الصح ويختار لك الخيرة المباركة... والله يسهل أمرك! دفيني.. أنا مسوية ليزك صار لي سنةوأربع شهور والحمد لله ممتازة... هدي أعصابك وروقي وأتبعي التعليمات اللي قبل وبعد العملية... وما تشوفين شر... مصممة مواقع من جد أنت فاكهة الملف الله يخلي لك عيالك ويحفظهم ويفتح عليك! مستحيل أنسيو سيارينا نصيحتي الوحيدة اللي دايم أرددها...هي الصبر.. يمكن يتهيأ لك إن الوضع هذا بيستمر طول العمر.. بس الحقيقة تقول إن أول سنة هي الصعبة وبعدها... بتنحل أمورك... أهم شئ تتقبلين نفسك ووضعك... وعن تجربة, أنا أخذت دورات كثير NLP وريكي وحرية نفسية....إلخ! وقريت كتب كثيرة... وأستشرت كثير... أطباء نفسيين وأخصائيين أجتماعيين... بس ما زان حالي ولله الحمد إلا باللجوءإلي الله ... من قلب! يمكن تكون الحصيلة ساعدتني... بس الحين أنا لو أبوصي بشئ... فهي سورة البقرة! أفضل الدعاء... الحمد لله! وأفضل الذكر ... لا إله إلا الله! :26: وأجدع تحية لـ... أم الزمردات و بلسم و لين و نعنوشة و حلومة و ومضة و سمكة ! الله يختار لنا الخيرة الصالحة... اللهم لك الحمد لما أعطيت ولك الحمد لما منعت.. لا مانع لما أعطيت ولا معطي لما منعت.. ولا ينفع ذا الجد منك الجد! :)

هلا أختي هروب... هذا رد قهوة بالبندق عليك سابقاً... ورأيي في تصرف طليقك... إنه يجس...