الدنيا حلمـ هلابك زود
انا عني الحمد لله مرتاحه ومبسوطه
انتي طمنينا عنك
:)

مستحيل انسى ولكن!!

قصتك موجعه لكن احمدي ربك كثيييييييييير انه انكشف قبل ماتتورطين صح وتجيبين عيال وانصحك تستخيرين كثييييير لو جاك خاطب لان الحين الرجال صاروا كذابين وياكثر مكرهم والكذب عندهم مثل شرب الماء ولايغرك شكله ولاكلامه اسالوا زين وصدقيني لتنسينه وتنسين كل شيء معاه لانه حتى لو كنتي تحبينه فاكيد بعد كذبه حبه مات الي تحسبينه حب تراه تعووووووووووود فقط متى ماتزوجتي راح تنسينه وتنسين الي خلفوه بعد
عيشي حياتك وارميه وارمي همك ورى ظهرك وخليكي قويه ترى ماعلى الرجال حسوفه كلهم مثل بعض انانيين وطالعي حوالينك تتاكدين طبعا الا من هدى الله وهم قليل عسى ربي يعوضك الي يحبك ويقدرك ويحطك بعيونه:26: :)

ســارينا

الله يعينك استوقفتني قصة طلاقك انتي مو مصيبتكي بس طليقك لا اهله بعد مشكله ثانيه وصدقيني الاهل يأثرون بولدهم ويخلونه يشوف اشياء بزوجته حتى لو بالكذب خاصه لاكانوا مايخافون الله

وهذولا الظاهر والله اعلم حقودين ماصدقوا فرصه تزعلين يخطبون ويفرحون الله لايفرحهم ان ظلموكي وياخذ حقك كامل من كل معتدي

والزوج الاناني ماعليه حسوفه احمدي ربك ان ماجاكي عيال واحمديه كثيرانه رزقك وظيفه ومااحوجك للناس ترى الوظيفه الحين رحمه الرجال مايبغون يصرفون الاعلى وناستهم بس

اصلا الازواج مايبغون زوجاتهم يتوظفون احيانا مو حب بقعدتها بل لانه واثق ان تصرفاته تخليها تتركه
ولاتتحسف على طلاقها

خليكي قويه بالله والناس بيتكلمون بيتكلمون لكن مابيذوق العذاب غيرك ان اساءتي الاختيار لذلك لاتعملي شيء بدون استخاره ومشاوره لاهلك ترى الاهل عزوه ومايحب البنت اكثر من اهلها

عيشي حياتك ولاتطالعين لوراء تتعبين ومحد ينفع احد تمسكي بوظيفتك وهو لو يبغاكي ماراح يبيعك عشان وظيفه وان بغى يبيعك مايحتاج يدور عذر لانهم بيلفقون الف عذر وعذر والله يكتب الي فيه الخير
الله ينصركي نصر عزيز مقتدر وياخذ حقك ان كنتي مظلومه لاتخافين الله عادل وكريم

أهلا أخواتي العزيزات

أختي مستحيل أنسى وأختي ماشي الحال
أول شي يا عمري أختي ماشي الحال وضعك طبيعي
يمكن لانك انصدمتي في اول تجربه وهذي ردة فعل وعدم الفرحه هروب من التجربة الثانية لكن نصيحة يا أخواتي لا تستعجلوا في قراركم ألا لما تتأكدي من الخاطب وكيف أخلاقه ودينه ومعاملته مع الأخريين ما أقول ضروري يصير ملتزم لكن أهم شي المحافظة على الصلاة و بخلاقه لان مثل ما قالت الأخت حبيبته لكن خذلني:(( وانصحك تستخيرين كثييييير لو جاك خاطب لان الحين الرجال صاروا كذابين ويا كثر مكرهم والكذب عندهم مثل شرب الماء ولايغرك شكله ولاكلامه أسالوا زين ))
وبعدين احب أبشركم أني اعرف بنات كذا لا وبعد الزواج يعني مده قصيرة ثلاثة شهور وبعضهم اقل وبعضهم اكثر وتطلقوا بدون سبب غير
أنوا مافية نصيب أعذار تافهة
والله عوضهم
مثال:
وحده تزوجت وجلست ثلاثة شهور معاه وبعدين طلقها يقول ماحبيتها سبحان الله
تزوجت ما كملة سنه من طلاقها وكمان ولد ماقد تزوج
والحين عندها ثلاث أولاد وبنت وطليقها تزوج وبعدها بكم سنه ومطلقه ودوب زوجته تحمل يعني صار له يمكن خمس سنوات من زواجه الثاني ........
وحده نفس الشي تزوجت كمان ولد وجابت تؤم أولاد
والحين توها والده بنت
وووووووو يعني احب أبشركم ونفسي وخصوصا" المظلومة
سبحان الله: ((ومن يتق الله يجعل له مخرجا ويرزقه من حيث لا يحتسب))
الصابرين لهم فرج
((و الصبر مفتاح الفرج ))
شفتوا أنى أتكلم حكم وحده واثقة آه آه الله يرزقنا الصبر
يأرب تعوضني وجميع أخواتي الموجودات في هذا الملف خاصة وجميع المطلقات عامه يأرب العالمين في هذه الساعة الفضيلة الهم انك تقول ادعواني استجب لكم فاهذ الدعاء ومنك ألا جابه

بقولكمـ قصتي مع زوجي
اول شي مع زوجي الاول
تزوجت وانا صغيره عمري 17 سنه :09:
والله من يوم تزوجت وانا مو حاسه بالراحه كنت ابكي طول اليومـ اذا نامـ
حتى كنت اقول لاختي ياليته يطلقني وكانت دومـ تهاوشني
تصدقون يابنات ان عفش البيت كان ناقص منه اشياء كثيره
هذا طبعاً مو مهمـ
المهمـ بعد زاوجي بسبوع سافرت لقر شغله في منطقه شمال المملكه
وجلست قرابة الشهر والنصف
اكتشفت فيها اشياء كثيرهـ مثل عدمـ الصلا و تغيبه الدائمـ عن شغله واللي قسمـ ظهري اني اكتشفت انه يشرب شيشه
والله ذاكـ اليومـ ماجاني نومـ من الهمـ والصدمه
وبالقوه رجعنا لبيتنا بعد بوسة راس وترجي
ويومـ رجعت لبيتي حاولت ازور اهلي لي شهر ونصف ماشفتهمـ والله ما رحت لهمـ الا يوم سافر لشغله لا اللي اخذني اخوي وكل شي كومـ وانه مره بس لاني صحيته من النومـ عطاني طراق على وجهي والله من الزعل اخذ اسبوع ما اكلمه ولاكلمه لين هو جاء راضاني
وبعد زواجي بقرابة 6 شهور فصلوه من وظيفة لغيابه المتكرر
واستحملت لانه وعدني انه يصلي ويرجع لشغله لا كان لاحياة لمن تنادي والله حتى ملابسي اللي يشيريها لي ابوي اذكر مره عباتي انقطعت والله العظيمـ اخذت اكثر من 3 شهور ماعندي عيايه واذا جيت بطلع اخذ عياية اخته
وللامانه هو انسان طيب وكان يمووت فيني وكان خايف ان ابوي ياخذني منه من شدة حبه لي لكن خوفه ماحركه
وبعدين اظطر ابوي فعلاً ياخذني منه قاله ابوي اذا رجعت انسان زين وتخاف الله ورجعت لوظيفتكـ ارد لكـ زوجتكـ لكن هو الله يهديه ماتحرك ولا سوى اي شي ورفض يطلقني كان هاذي الفتره يكلمني ويقولي قولي لابوك ما راح اطلق لو تموتين
وبعد 3 سنوات انفك قيدي وطلقني بعد ضغط من ابوه
وبعد سنه تقدمـ لي انسان ثاني كنت رافضه ومصره فالبدايه وياليتني استمريت على رفضي
انا وافقت بعد ظغت من امي كانت الخطبه في شهر شعبان ويعد العيد كانت الملكه ومن يومـ ملكت ونزلت السوق اجهز نفسي ويصيبني المـ اسفل الصدر لدرجة اني ما اقدر اتنفس
المهمـ صار الزواج رحت للفندق ومن الصباحيه قال لي زوجي ترى يمكن مانطول مع بعض لان التوفيق بيد الله ومن بعدها وقلبي ماكلني خايفه وبعد اربع ايام رحت لبيتي فالرياض انا بصراحه ما ارتحت فالرياض ولا تاقلمت مع جوهامن يومـ سكنت في بيتي بدات لغة الحوا بيني وبينه تتلاشي

وبعد زواجي بسلوعين حمولتي عملول حفله لان بعض جماعتهم ما حضروا الزواج الاول وتعالي شوفو عيون الناس كيف عليا انا بروحي مو ناقصه حسدوالله العظيمـ من بكرة الحفله هو ينامـ في غرفه وانا انامـ في غرفه وكل ما اسله ليه ماتنام في غرفة النومـ يقولي انا تعبان واخاف اضايقكـ :(
لين مره تغير تماماً وقالي كلمه حسيتها مثل اللطمه على خدي قالي انا ما احب انظر بوجهكـ ولا ني مرتاح معكـ
ومن يومها صارت حياتي كلها بكى في بكى خايفه من كلام وافكر فالمستقبل خصوصاً اني كنت مطلقه قبل لا اتزوجه
واللي قاهرني انه خدعني قالي انا بوديك عند اهلكـ تعيدين وبعد العيد اجي اخذك لاتخذي اغراضكـ كلها
وانا صدقته المهم بس لميت اعض الاشياء اللي احتاجها خلال فترة العيد وما كنت ادري انه من اليومـ اللي رجع فيه لمـ باقي الاغراض
المهم بعد العيد بشهر طلقني ويومـ اخوانه رجعو لي باقي اغراضي لقيته اخذ بعض ذهبي ما رجعه لي

والادهى من كذا كلامه عني عند كل قرايبه حتى اسرار الفراش كان يقولها لهمـ

انا طولت عليكمـ
لكن من زمان ودي افضفض لكمـ عن قصتي زواجي الاثنين وقصة طلاقي الاثنين بعد
والان لقيت الفرصه الماسبه

ونا ما اقول الا حسبي الله فيه اللي خدعني وخلى اغلب الناس تشمت فيني لانها وربي الحقيقه بعض اقربائي فرحوا لطلاقي :(

:26: