السلام عليكم حبايبي المنطلقات بإذن الله :)
كيفكم وحده وحده؟؟؟ وحشتوناا

حبيت ادخل أسلم عليكم ولنا قعده محترمه إن شاء الله معاكم بالويك اند ترقبونا>>>ولادعاية الTVخخخ

وعلى فكره أتفق معاكم تمااااماً بأنا لااازم ننسى ولانفكر (حتى) بالذكريات الحلوة الطيبه ولاتقولون عشان نذكر منه شي طيب ولانكرهه وأني مابي أنسى خيره مهما كان هذي عشرة وإلخ>>>كنت كذا ياحبيلي ويا هالقلب الصغنون خخخ
عشاااااااااان رااااااحة البال صدقوني،،، أصلاً عندي احساس كبير بانهم مايفكرون بينا أبد الا ساعة مايذكرهم فينا شي غصب مثل تذكار إلخ لانه تركيبتهم غير عنا>>>بدينا بالكيميا خخ
لا جد أنا ماألومهم ولاأستغرب لانه هذي طبيعة أغلب الرجال وطبعاً مو كلهم

ومثل ماكتبت قبل ساعة مادريت=عرفت اني بتطلق وبعد البكا إلخ حاولت اني أتذكر كل حاجه حلوة معاااه على بالي بخفف على نفسي عشان مايقسى قلبي لاني وقتها حسيت قلبي أقسى قلب بالكون كله لما عرفت تفاصيل كل شي واسباب الطلاق والمتخبي،، ولاتقولون انه مهما كان لازم أفكر من جانب انه أدخل الضحكه بيوم لقلبي وعشان أقدر أسامحه وأمحي من بالي كل ذكرى حزينه تذكرني بيه متناسيه اشيا كثيره لانه قلوبنا رهيفه ورخوه بعدها مو فاهمه هالدنيا صح!هالتفكير جيبوه أو بالأصح يكون طبيعي اذا كنتي بعدج بذمته عشان تمشي الحياة معاه مو الحين!
صدقوني والله هالتفكير يعذب حيييييييييييييييييييييييييل :( ولايساعدج تتخطين مصابج أبد لانج بتبقين أسيرة الماضي وذكرياته
ماأقولكم أني نجحت بهالشي 100% لاني حديثة العهد بالطلاق بس تدريجياً أشوف اني والحمدلله اجتزت مرحله كبيره وقدرت أشغل نفسي باشغالي متناسيه ذكراه ومر اللي حصل،،، احاول كثر مااقدر اتناساه بخيره واللي خباه عني واحاول اني اتخلص من كل ذكرى لاني عارفه قلوبنا الحساسه كيف!>>>ياعيني على الإحساس المرهف خخ
لازم نطرد تفكيرنا عنهم لازم نتناسى خيرهم وشرهم ولاعاد نفكر فيهم لانهم مااااضي وانتهى!وذكراهم تتعب قلوبنا وتزيد الطين بلّه!
كنت ماأصدق هالكلام وانه لازم ننسى حتى خيرهم!!! والله ان النسيان نعمة يا بنات ادعوا بان الله يرزقكم اياها

بس هذا مايمنع أنا ندعي لهم بالخير،،،يمكن اهم ظلمونا بس لازم ندعيلهم ع الأقل بالهدايه والتوفيق بحياتهم الجديده لأنا نبي نكون الأحسن عند رب العالمين لعل عفونا عنهم ودعاءنا لهم يخفف من ذنوبنا ويغفر لنا خطايانا،،، اللهم اغفر لنا جميعاً وتوفنا وأنت راضٍ عنا يا أرحم الراحمين :(

تصدقون ألقى نفسي في صلاتي كل مادعيت لنفسي(أوتوماتيك)>>ألقاني أدعيله مو لأني تعودت على هالشي 4 سنين لاااا
لاني حاسه بانه وحتى أزواجكم محتاجين الدعاء منكم صدقوني
لكن عدا ذلك مايحتاجون منا أي تفكير وضيقة خلق وهم وغم
محتاجين منا أن ندعي لهم بالهدايه الله يهدينا أجمعين يا رب،،، محتاجين ندعي لهم برضا والديهم عنهم بعد ماغضبوا عليهم(للي اهاليهم تضايقوا من سواتهم) كله ولاغضب الوالدين :(
محتاجين ندعي لهم بالتوفيق بحياتهم الجديده لانا مانبي إنسانه ثانيه تنظلم كمان ولاودنا انها تشرب من نفس الكاس المر اللي سقونا اياه(هذا في حالة أي زواج عادي بعد الطلاق لانا نحب الخير) أما اذا كان زواجه من ثانيه بسابق تخطيط فيكون دعاءنا ساعتها لأننا نبتغي الأجر من الرحمن وكي لاينزل عليهم الله غضبه عليهم بعد أن ظلمونا معهم
نعم والله ظلموا أنفسهم معنا عسى الله يهديهم ويهدينا جميعا


اسمحولي بنات أكون جايه ابا اكتب سطرين للسلام بدون ردود والقاني أكتب معلقه خخخ ماعليه استحملوني ولي عوده ووقفه مع كل منطلقه إن شاء الله قريبااا


ادعوووووووولنا

محبتكم في الله
المنطلقه النونو ^_*

ماشي حالي
وانا احس نفس احساسكـ لعدة أسباب منها
انه زوجي الاول مرهـ قالي انه اخذ شعره من الشعر اللي يعلق بالمشط وداها عند رجال عشان يعرف اذا انا اخرج من وراه او لاء
ولما زعلت عليه وطلبت منه يوديني لبيت اهلي قالي والله امزح معك وانتي على طول تصدقين عاد انا صدقته
وثاني شي ان اغراضي جلست في بيته مايقارب 3 سنوات
وثالث شي في اول يوم انزل فيه السوق عشان اجهز نفسي لزواجي الثاني جاني المـ فضيع تحت الصدر :09:
لردجة وربي ما اقدر اتنفس والالمـ ما راح الا لما زوجة اخو طليقي الثاني رجعت باقي اغراضي

وانا قبل مايطلقني لما كنت عند اهلي ابوي وداني لشيخ يقرا علي
وانا قلت له عن الاعراض اللي كنت احس فيه بداية من الالمـ والخمول الشديد اللي صابي
ونفور زوجي مني :( وقرا عليا وقالي احتمال صايبتك عين ماشابه ذلكـ وعطاني ادويه منها سدر اغتسل فيه وزيت مقري فيه ومويه مقري فيها
وقالي إحتمال تجيكـ كوابيس وفعلا والله من شربت المويه وادهنت بالزيت وغسلت بالسدر وفي اول ليه حلمت بحرمتين كل وحده معطيتني ظهرها
ورحت لشيخ وقلت له عن هذا الحلمـ :09:
وبعدين اعطاني تمرة العجوه مقري عليها والله من اكله هذي التمره على طول احس بحرارهـ تطلع من يدي اليمنى
واحس ان اصابعي يدي يتنفجر من شدة الحرارهـ

وانا قبل اتصلت على شيخ واول سؤال سالينياه قالي تحسي بالمـ في بطنكـ

امانه قولو لي اللي تعرف علاج العين او السحر تقولي لاني قطعت روحتي لشيخ لان ابوي قالي انتي مافيكي شي زوجك اللي مريض :(

السلام عليكم خواتي

إشتقت لكم كثير الصفحات اللي عدت كثييييييير صاعب علي أقراها ضروفي شوي :09:

المهم سمكة كيف الماما وإيش أخبار بنتك ..
مصممه ــ بلسومه ــ دفيني بحنانك ــ أنسنس ـ نعنوشة هنام .... وجميع المنطلقات ..

أهلا ً بالوجوه الجديدة <<<<<<<< الله يعوضنا وجوه جديده في هالملف ..
الحمد لله على كل حال وما عند الله خير ماعند الله خير ..

أبشركم أموري زينه <<<<<<<<<<<< مو نحول :22:
الله ييسرها يااااارب ويكشف الضر ..

أقول دفيني كني إطلعت على أمر نشترك فيه أنا وأنتي :(
مطلقة مرتين ... بس لايغرك خويتك مرتين لكن واثقة إني مو ناقصة وهم الغلطانين وبيندمون <<<< إستر على الثقه :hahaha:
بس الله أنعم عليك إنك طلعتي خفيفه بلاعيال وكسرة ظهر وخاطر :(

الله يجبر كسرنا ويعوضنا إيمان ورضى في قلوبنا ويفرغ علينا صبرا ً وهو الجواد الكريم سبحانه ..

بنات هذي لكم جميعا ً والسموحه على التأخير :26: :26: :26:

مستحيل انسى
الحمد لله انا تمامـ
بس والله احياناً غصب على الواحد انه مايتذكر الماضي لان الماضي امتداد لحاضرنا ومستقبلنا :(
خصوصاً لما نجلس لوحدنا

هلا وغلا وصحن حلا
ومضه وربي لك وحشه
وين الغيبه عسى ماشر ان شاء الله

صادقه الحمد لله اللي واثقه انها ماقصرت تحتسب كل شي عند رب العالمين
والله غيرنا مطلقه 3 مرات واكثر واعرف وحده تزجت 13 مره طبعاً بعضا كانت تدخل عليهم وبعضها بس ملكه وتنفسخ الملكه

واذا حظوظنا نايمه فالدنيا الله يقومـ حظي وحظك وحظ جميع المنطلقات فالاخره يارب

قولي لي ياقلبي وصلت الرساله او لاء
ترى كتبت لك فيه كل شي :)