لين احنا قريبين منكم يالغاليه :)


بلسومه
هنا المشكله لما يكون انسان كان له كيان بحياتك ودك تعرفين كل الحقيقه اللي مستحيل ينطقها لسانه
ماادري ليه!!
وظليت ادعي وادعي مشان تبان كل الحقيقه لاني كنت حاسه نفسي مخنوقه موت لاني كنت راح اتطلق من غير مااعرف السبب!
بعد مابقيت ادعي وادعي سبحان الله
ظهرت بعض الحقايق وكانت موجعه فوقفت الدعاء لاني أحس اذا عرفت الباقي راح تتحول مشاعري لمشاعر ماعمري حسيت بيها ولاأطيقها حتى اني ماأحب اقول هالكلمه
فقلت سبحان الله هذا من رحمة ربي بي اني مااعرف كل الحقيقه لانها موجعه
طبعاً ماقدرت أسكت وأكتم احساس بداخلي يسأل ألف مرة ويقول (ليــــــش وكيــــف)
اللي قاعده أسويه الحين ساعة ماتجيني كلمة ال ليه وكيف! أستغفر ربي على طول وأحاول أقلب موجة التفكير على شي أهم وأستغفر واذكر ربي



PINEAPPLE
الصراحه كلمة حلوة ومعناها أحلى وأحلى
لكن صعبه تلاقينها الحين ودايم تكون ورا ستاير غليظه يتحاشونها الناس ماادري ليه! مع انها تعتبر أولى الحلول لمشاكل كثيرة كان ممكن تفاديها من البدايه بالمصارحـــــــــه! لكنهم يؤثرون الصمت ومره
يحسبون السكوت اهو الحل بنظرهم مع انه مشكله بذاتها ليتهم بس يفهمون


وردة زاهيه ^_*
صادقه وربي وش لنا بوجع الراس
لكن يبقى الفضول عدنا في معرفة كل اطراف الحقيقه خاصه بأمور مهمه
الحمدلله ع كل حال
وحقنا أبداً ماراح يضيع دامنا مع الله
واللي كاتبه ربي بيصير والله أعلم وين الخير لي سواء بمعرفة الحقيقه او لا
وسبحان ربي اذا بغى كيف ممكن يكشفها سبحان الله بطريقه ابد مو متوقعها أحد مااقول غير سبحان الله
والحمدلله رب العالمين ع كل حال

طريق الحقيقه شوي صعب لحالتي
فاللي قررت أسويه أوكل أموري لربي وادعي بأن الحقيقه تبان اذا كان معرفتها خير لي ولايكون فيه ضرر نفسي كبير او اي ناحيه

الله يحفظكم يا رب ويهدي سركم وينولكم اللي ببالكم يا رب ويعوضكم كل خير يا حزب المنطلقات :)

وبوسه مني لكل منطلقه معانا ولكل الغايبين والحاضرين

محبتكم في الله
:)

بنات وش هي هواياتكم؟؟

أنوسه الحلوه امممممم شهيتيني بالكبسه .. عاد جايه من الدوام وهلكانه جوع >>>> ذكرتيني بالاكل
ورده متفتحه ..امين ..الله يخليلنا العم قوقل صاحب فزعات ههههههههههه ..
مستحيل انسى .. حاولي تنسين طليقك ولا تنبشين بالماضي لانه بيوجع قلبك وماراح تستفيدين شي .. اقلبي صفحه جديده بحياتك واسعدي بها وبكرى الله بيعوضك باللي يكون هو حبك الاول والاخير:26: ..
ســـــــــــــــــــــــــلامي على الجميع ..:26: :26: :26:

استغفر الله واتوب اليه..

الله يقوينا يا لين تسلمين يالغلا :)
ماادري ليه مرات تيجيني رغبه قويه اني اعرف باقي الحقيقه مع اني متأكده انها مرة وصعب اعرفها لكنها من أبسط حقوقي وهي اني أعرف اسباب الطلاق! بالله عليكم لقيتوا وحده ماتعرف ليش تطلقت!!!
اللي سمعته من الناس عنه مااقتنعت فيه بالمرة بعد مافكرت عدل،، صحيح كثير منها صحيح لكنها مو مبرر ،،، يا إني طيبه زياده واقول مستحيل تصير هالحاجات بالدنيا او ان الحكايه غير مايعلمها غير ربي
ماادري ايش اقول
مااقول غير الله يهدي سري وسركم ويبعد هالافكار المتعبه عنا والله يوفقنا جميع يا رب
أستغفر الله العظيم من كل ذنب
احاول أستغفر كل مافكرت
اللهم أجرنا في مصيبتنا واخلف لنا خيراً منها
بنات طلبتكم تدعولي بقيام الليل وتذكروني بدعوة طيبة حبايبي ولكم بالمثل إن شاء الله
واسمحولي اذا قلّبت عليكم المواجع
أعوذ بالله من الشيطان ومحاولاته اليااااائسه بانه يجيب الهم لنا
بسم الله توكلت على ربي والحمدلله ع كل حال

بس ماقلتي لنا وش هي هواياتك ^_*
يالله كل وحده تدخل تقول لنا هواياتها


واسمحولي اذا غبت ايام الاسبوع أنشغل بالدوام والتزاماته احنا الاسبوع يبدي من بكرا

أحبكم في الله

سبحانك اللهم وبحمدك لا إله إلا أنت أستغفرك وأتوب إليك

بناااات ابا اقولكم شي بس لاتضحكون علي :hahaha:


ماادري اليوم شو جايني فيني حالة شووووق للبكا:22: إي والله جد صارلي أكثر من شهر حوالي الشهر ونص مابكيت يعني من تطلقت مابكيت ياحلاوة:icon28: لازم يسجلوها بموسوعة جينيس العالميه:42: لاني في العاده ابكي من الهوا الطاير خخخ>>>بزر!

بس ماادري ليه اليوم بالذات حاسه ودي :06: ومو قادرة أخلص اللي بايدي مالي نفس!!:09:
وبنفس الوقت مو قادره أبكي عشان ارتاح شوي!

رحت شفت التاريخ بعدها الدورة الله يكرمكم مو موعدها:22: يعني مو مسألة تقلب المزاج المعتاد خخ

ماادري!
بغيتكم تدعون لي بصلاتكم وفي سجودكم يا بنات

والسموحه جد اليوم ماادري وش فيني!! أستغفر الله العظيم
:09:

يمكن ارتاح اكثر بالليل إن شاء الله ادعولي