حنين الفهد

:) شكرا يا عيوني على المرور و الدعاء .. و الله يسمع منكم ...

<< غروب >>

الله يكون في عونك أختي .. ويصبرك .. ذكرتيني .. كنت اقول لزوجي لاتطلقني أنتظر على الأقل أولد .. لان مثل ماتعرفون فترة الحمل صعبه و الوحده تتعب وتحتاج زوجها يكون وياها .. لكنه رفض وقال لي مااقدر أستمر أكثر من هذا .. ومن بعد هل الكلمة .. صرت أصبر نفسي وأنا اللي أصر على الطلاق و أقول له لا تتوقع اني أبغي استمر وياك ... يوم طلاقي أنتظره بفارغ الصبر .. و الله يعوضني بولدي خير .. إن شاء الله .. ولا يحوجني ليك .. :)..
كان الطلاق وانا حامل صلاح لي .. نفسيتي وياه كانت كل يوم أسوء من اليوم اللي قبله والحمل لوحده يتعب النفسيه فما بالك بزوج شكاك ؟؟!!
الحمد لله على كل حال و الله يصبرنا على ما بلانا ..

@بنت السعودية@

شكرا عيوني على المرور .. و القصه .. ترى صحيح في حريم مايقدرون النعمة اللي يعيشون فيها .. وهذي أطفالها صغار وهي ماتبيهم ماتدري تدور الدوائر وبكرة يكبرون وما تلاقي أحد منهم يمها ..
الحمد لله .. زوجي كان يهددني في حال تزوجتي مرة ثانية راح آخذ الولد .. لكني قلت له لا تحلم تاخذه مني .. لازم أموت عشان تاخذه مني .. و الحمد لله .. امه وقفت وياي وقالت له في وجهه أنا مااربي ولدها من غير رضاها وقت اللي تحب تجيبه هي لي آخذه أما إنك تحرمها منه فلا تنتظر مني إني اربيه لك .. :) الحمد لله ..


ساعة الصفر

شكرا عيوني على المرور ... فعلا العسر لا يغلب يسرين .. :) و الله ماينسى عباده لو تأخر الفرج لكنه راح يجي يوم ويجي بإذن الله ...

عيوني مااعني بـ ( أمانه ) حلف .. حاشى لله .. هي بس تأكيد .. :) وشكرا لج ..

مبرقعه هانم ..

:) الله يخليج ياعمري .. ويسر لج .. ومااسمع عنج إلا كل خير .. إحنا اخوات فالله قبل مانكون اخوات في نفس المصيبه و الله يهون علينا ياااااااارب .. الحمد لله عندك اخت تشكين لها الحال ..أنا تطلقت وماعندي غير الله ولله الحمد اشكي له همي ويصبرني .. و الحمد لله صراحة من بدأت مشاكلي مع زوجي بدأ ارتباطي بالله يزيد .. عندي أهل ماشاء الله أخوات وغير امي ..لكن تدرين حال الدنيا كل واحد لاهي بنفسه وبمشاكله وما حد فاضي للثاني .. إلا أمي أمي الله يحفظها ويخليها يوم اني تطلقت مااخذتني في صدرها تطبطب علي .. مو قسوه منها حاشى لله وهي متأثرة كثير من اللي صابني ..لكنها ماتعرف تعبر عن مشاعرها ..
تصدقين اني من يوم تطلقت لليوم .. ماعمرهم شافوا دمعه نزلت من عيني .. مايشوفون إلا الابتسامه على وجهي .. لكنهم مايدرون بالألم ولجروح اللي ورى الابتسامه .. وأبوي الله يحفظه كان كل همه من راح يصرف علي ؟؟ ومن راح يصرف على ولدي .. لدرجة انه قال لي لين ولدتي اعطي الولد ابوه .. قلت له ماراح اعطيه اياه .. وإذا ماتبينا .. أطلع اني وياه في شقه ولا أعطيه أبوه .. الله يسامحكم يا أهلي .. ويغفر لكم .. وعشان هذا أكثر اتمنى اتوظف اليوم قبل بكرة لان بمجرد ولادتي مصروفي من زوجي ينقطع ويصير لولدي مصروف من ابوه وأنا بعدها ماادري شسوي لحالي .. لكن الحمد لله .. و الله مايضيع خلقه ..
الحمد لله اللي مصبرنا على هل البلاء .. :)

بالنسبة للزواج مرة ثانية صراحة ماافكر في واحد مطلق .. أخاف يرد زوجته .. وتزيد المصايب .. ممكن لو أرمل حتى لو عنده عيال .. أو ماسبق له الزواج .. و الله يقدم اللي فيه الخير ..

:) اتمنى اني ماثقلت عليكم بهمومي .. ترى الله يشهد انكم عزيزات على قلبي ..

مبرقعه هانم .. ترى قلب اختج مفتوح في اي وقت عيوني و اللي ما تقدرين تقولينه على العام .. ممكن تدزين لي فيه رساله خاصه .. و إن شاء الله الله يكون في عونا ونقدر نساعد بعض .. ونبدأ حياة جديدة .. أفضل بإذن الله

اختي ام محمد الغاليه
الله يسلمك حبيبتي ,,,, انا زيك سبحان الله مشاكلي مع زوجي كانت سبب في قربي الى الله سبحانه وبعد طلاقي ايضا قربت اكثر ,,كنت اشتاق للبكاء امام الله فهو الوحيد العالم بنا والذي سبحانه برحمته أشد رحمة من امهاتنا واباءنا ,,,,,,سبحان الله كل شيى عند الله به الخير الكثيييييييييير علمناه ام لم نعلمه ,,,,بس ما شاء الله عليك يام محمد احسك قويه واللي مقويك رب العالمين الله يزيدك اكثر واكثر ,,,,أنا مثلك اول ما انفصلت كنت مرتاحه نفسيا وعلى قولتك ما شافوا الحزن علي اهلي بس بعدها بشهرين او ثلاثه جاني سبحان الله ضيقة وهم على قلبي تعرفين كنت الظاهر لاني كاتمه في قلبي من تزوجته البلاوي والهموم اللي مرت علي لييييييين جاء وقت وانفجرت ,,,وتداخلت امور ثانيه جاني زي الوسواس ,,,بس احمد ربي واشكره اني عدت الى طبيعتي ولكن لااخفي عليك داخلي جرح عميق ,,,وبس افكر مين اخذ؟؟؟ ومتى بتزوج ؟؟؟ صرت اهوجس كثيييييييييييير بهالسالفه ,,,, ودي اشغل نفسي والهي عمري بس طبيعتي هذي ,,, واللي قاهرني اكثر تخيلي شفت طليقي اكثرمن مره بفترات في الشارع ومره في بقاله ومره في محل ,,,,يا الله احساااااااااااااااااااس شنيع ,,هو ساكن في حاره قريبه من حارتنا عشان كذا اشوفه ,,,, تخيلي مره شفته في محل ومعاه ولد صغير (ولده ) حسيت بطعنه قويه في قلبي ارتبكت وكانت معي امي بس ما انتبهت له تخيلي طلقني وتزوج وجاب طفل رجعت البيت وقعدت اصييييييييح واصيييييييييييييح وعلى طول كلمت اقرب صديقه لي وقلت لها وحسيت ارتحت بعدها شوي ,,, طبعا هو ما شافني ولا عرفني ,,,اللهم مره وحده عرفني اللي هي اول مره بعد طلاقنا يعني بعد مضي 8 شهور تقريبا في بقاله كنت نازله ومدري كيف شافني انا اول ماشفته تخبيت مع اني اغطي وجهي بس عرفني والظاهر عرف سواقنا بعد ....تخيلي يام محمد رجعت البيت لقيته مرسلي ايميل يقول (( نورت البقاله بوجودك بس الله يهديك وراك لحالك وين اخوانك (كان هو شديد ) وبعدين قال كل عام وانتي بخير كان وقتها عيد الاضحى)
طبعا مغير ايميله ايميل غريب ولا كتب اسم ولا شيى ,,,الظاهر ما يبي تلزق فيه التهمه انه هو اكيد ,,,,او ما ادري وش قصده تخيلي هالكلام بعد ما تزوج بالثانيه طبعا تجيني بعض االاخبار عنه وعن اهله من الناس ,,,اذكر قعدت اصيح ليش يرسلي الحين غاثني وكان الطلاق برغبته مو غصب, وهو اللي مصر عليه ,, ,,,سبحان الله شخص متذبذب ,,,, طبعا انا سكرت الموضوع ولا علمت الا اختي وبعض الصديقات ,, ماقلت لابوي او امي او اخواني ,,,بعد فتتتتتره قلت لعمتي كنا نسولف عمتي قريبه مني وحليوه قالت ليييييييييش ما علمتينا في وقتها والله نشرشحه هذا قليل ادب وانقهرت منه مررررررره ,,,,بس انا قلت لها طنشت مابي مشاكل وفعلا عقبها ما ارسل بس صرت انتكد اذا شفته في الشارع او اي مكان ,,,, معليش غثيتك بس والله طعنات في قلبي ابي من يداويها ....
طيب ام محمد كيف تقضين وقتك ؟؟؟هل تطلعين وتروحين وتجين ؟؟؟لك صديقات تطلعين معاهم ؟؟؟ او في البيت حتى وش تسوين ؟؟؟ وعلى طاري الفضفضه حتى لو كانوا اخواتك مشغولات صدقيني بيسمعونلك انتي اختاري وحده منهم تكون قريبه لك اكثرهم وفضفضي لها دايييييييم
لان الكتمان مو زين .....انا تصدقين اول كان هذا طبعي بس اكتم وبس اكتم على هالقلب واقول لا بصبر وماراح اشكي الا لربي ,,,قالت لي وحده من صديقاتي الله يجزاها خير طلعي اللي في خاطرك الانسان مو حجر يتحمل ولنا في رسولنا صلى الله عليه وسلم خير قدوه كان يقول عندما ياتيه صداع ((ورأساه)) وهو يمشي ,,,,

ام محمد حبيبتي
نسيت اقولك شيى تخيلي وانا في اشهر العده وقبل ما اكملها يمكن راح وخطب ومستعد للزواج واخذ وحده بنت بعد .....انقهرت وقعدت اقووووووول حسبي الله لاقدر لا عشره ولا غيره ولا خاف من الله وقت العده هذي مفروض اكون في بيته ما يطلعني ويصرف علي بس هوو للاسف ما خاف الله فيني طردني من البيت وراح خطب ومبسوط وانا اتجرع الالم ....
والله ما انسا ذيك الايام كان يقولي يلا لمي اغراضك قلت خلها في النهار بكرا مو في الليل قال لا الحين وفعلا رحت واطق البيت على اهلي وفي يدي شنطه صغيره ودمعتي على خدي
وتخيلي هالموقف صار اكثر من مره من تزوجته يعصب وينرفز وما يبيني روحي لاهلك وبعدين يرجعني ,,,,ومبسوط ما عنده خلاف بس فجاه ينقلب كانت نظريته في الحياة ( اذا صار بينه وبين اي شخص خلاف على طول يشطب عليه من حياته كلها صديق قريب اللي هو وكان يقولي هالكلمه وكنت اقول هذا ما يطبق على الزوجه لانه اكيد وارده الخلافات ,,,قال انا ما اقدر ,,, ) الحمد لله على كل حال

اخواتي وحبيباتى الله يرزقكم الازواج الصالحين المحبين الي يسعدونكم
ويعوضونكم عن الايام الي شفتوها----------------------------------
وترا كل شى يتعوض ويتصلح وعليكم بس بالدعاء-------------------
وانا حبيت ادخل واقول لكم اني احزن كثير من مقولة نظرة الناس للمطلقة
انا ماعمرى نظرت للمطلقة على انها غير عن باقى البنات ------------
ولا احس انها اقل ولا اتهمها انها هى السبب----------يعنى اثنين ماتوافقو
ليش واحد لازم يكون غلطان وليش نقول الحرمة هى الغلطانة فى هذا الوقت
بالذات هذا ظلم كبير --------------بس ودى تفكرون فى الي عندكم من صحة
وعافية يحسدكم عليها الكثير----عندكم امن وامان ---------عندكم المادة الي تغنيكم عن الحاجة
عندكم اشياء جميلة كثيرة فى حياتكم ابرزوها واستفيدو منها
ولاتعتقدون ان الرجل هو السعادة احيانا العكس مرو على قسم المشاكل وانتم تحمدون الله
وباذكر لكم قصة احد قريباتي المطلقات
تقدم لها اكثر من واحد واختارت واحد متزوج علشانة مركزة
حاولنا ننصحها وقلنا لها ترضين اخواتك يتزوج عليهم رجالهم
قالت لا --------قلنا لها مافكرتي بالعذاب الي حرمتة بتحس فية
قالت ماعلى منها ماسويت شى حرام
قلنا لها هذا عندة زوجة والزواج منة مخاطرة قالت ولو------- يعنى لو تصير اى مشكلة انت
الطارفة وهذيك ام عيالة قالت اعرف اعلقة فينى وخلية يحبنى اكثر منها
انا احلى منها واصغر منها واصلا لو كان يحبها ماكان تزوج عليها
قلنا ونظرة الناس لك قالت مايهمونى
تزوجت وجلست ست اشهر من الدلع والسفرات بعد الست اشهر صار معد يجيها
فى بيتها الا نادرا
وجاراتها مايبون يختلطون فيها والمسكينة كانت بعيدة عن اهلها
مع ان زوجتة الاولى طيبة جدا وتتصل عليها وتقول لها اني ماارضى بالي يصير
وانا نصحتة كثير
وفى الاخير طلبت الطلاق وهو ماصدق على طول طلقها
وحمدنا الله انها ماحملت منة
الله يرزقكم الازواج الي مايشاركم فيهم احد ويسعدونكم يارب

مبرقعة هانم ..

هلا حبيبتي .. شلونج ؟ عساج بخير ...

أنا معاج إن الفضفضة تريح الوحدة .. بس أنا عندي صديقتين هم اقرب الناس لي .. أكثر شي أفضفض عندهم .. طبعا هذا بعد ماانفصلت .. ما عاد عندي صديقات .. الله يجازيه خير إن شاء الله حكم عليّ إني اقطع كل علاقاتي بربعي و صديقاتي .. ولا أعرف احد منهم ولا لساني يجي على لسانهم ... و الحين إنتِ معاهم .. و بنات المنتدى ..
أنا ماقط شفته ولله الحمد .. :) من انفصلنا للحين .. آخر مرة كانت يوم طلاقنا في المحكمة.. لان في البحرين صدروا لنا قرار إن الطلاق مايتم إلا في المحكمة ..
وعن الشنطة .. أنا بعد سواها فيني كم مرة يقول لي روحي بيت اهلج .. وارجع ومااقول لهم شي مجرد اني برقد عندهم .. ويجي في نفس اليوم ياخذني .. لكن آخر مرة طلعت من البيت ما ماخذه شي معاي .. واتصلت فيه إلا يقول لي ها بتباتين في بيت أهلج الليلة قلت له من قهري إي ... ويوم ثاني ما كلمته ولا رحت له .. و يوم ثالث اتصل .. مارديتي البيت .. قلت له خبرت اهلي إنا راح ننفصل .. قال زين بس اغراضج تعالي اخذيهم قلت له بجي آخذهم بس وقت ما تكون فيه في البيت .. ويوم رحت آخذ الأغراض صدفة كان هناك .. وبكل برود قعد يطالعني و أنا ألم ثيابي و أغراضي وبكل .... يقول لي متى نروح المحكمة ؟؟
قلت له تفاهم مع أهلي ..
بس هو كان دايما يقول ماراح اتزوج غيرج لو انتِ تزوجتي .. وللحين هو باقي من غير زواج ولا فكر يخطب .. يمكن توها الناس .. و الصراحة ماادري.. بس أنا أدري فيه إنه يعرف بنات وايد .. وهم يحبونه .. بس هو دايماً يقول أنا اعتبرهم خواتي .. هذا غير اني مستحيل آخذ وحده هي قاطه روحها علي ...
وماتدرين الأيام شنو تسوي ..
و أهله يقولون لي إنه دايما يفكر ومشغول باله و إنه يوم كان يتكلم عني معاهم كان يبكي مثل الأطفال .. لكني أقول ممكن يكون يبكي على حاله مايبكي عليّ مثل مايعتقدون
ويقولون انه يقول يمكن لم اولد يتغير الحال ويفكر يردني ..لم يشوف الولد .. لكني أقول ما اتمنى ارجع له ابداً .. وأحياناً أخاف يقول بيرد لي خصوصاً إن فترة العدة طويلة .. ولو قرر يرجعني الشرع يجبرني ارد له ..

لكن الله كريم ...

شلون اقضي يومي ...
:) أقوم الصبح من النوم في حدود 8 - 9
و افطر مع الأهل واكون جالسه معاهم .. أشتغل تركو أو أشاهد التلفزيون ..
و لم فتح اخوي المكتب صرت اروح الصبح اجلس هناك اشتغل على الكمبيوتر .. وشغلي تقريباً للحين على الفوتوشوب ..
ارد البيت أصلي الظهر ..
واجلس معاهم .. للغذا وبعده اقرأ لي شوي قرآن و أدعو ربي ... وارقد ..
لين العصر ولو كنت كلش تعبانه لين المغرب .. واقوم ..اصلي ويكونون أخواني و أخواتي جونا ... لانهم كل يوم يجون البيت .. اجلس معاهم .. لين يروحون وبعدها ادخل الانترنت عالم حواء اسلي نفسي ..
بعض الاوقات العصر أو المغرب أطلع اتسوق .. أو أروح ازور أهل زوجي ...:) أو اطلع معاهم ..
صديقاتي قليلة روحتي لهم .. لانهم ساكنين منطقة شوي بعيده .. ومااقدر اسوق لفترة طويلة .. هذا غير إن القريبة مني فيهم مالكة .. فتكون مشغولة مع زوجها :) .. مااقدر اروح لها او ازورها في اي وقت ..
واليوم بدأت دورة في الاوتوكاد .. قلت عشان الاقي لي شغله فيها :) لو الله سهل عليّ وخلصتها ..
و الاسبوع الجاي إن شاء الله راح أبدأ دورة التوجيد إذا الله أحيانا ووفقنا ..

وهذي الحياة .. أحاول أملاء وقتي عشان مااتعب..

بس تجيني أوقات مااقدر احس فيها بتعب نفسي رهيب وماارتاح إلا لم اطلع في سيارتي أدور في الشوارع من غير ماادري وين اروح .. وتلاقيني اسوق وانا ابكي .. عسى ارتاح شوي ..