يابنات فيه هذي المشاركه مكرره كيف احذفها دخلت من تعديل لكن مو راضي ينحذف

مرحبا يا حلوات


اهلين بالغاليه ام محمد
آآآآآآآآآآآآآآآآآآآآآآآآآآآآآآآمــــــــــــــــيـــــــــــــــــــــــــــــــــــــــــــــــــن
الله يتقبل منا ومنك
والله يهون ويسهل عليك ويقومك بالسلامه والله يقر عينك بصغينونك
واااااااااااوه ياهلوه ياربي سلمه وطلعه بالسلامه والله يحفظكم من عيون خلقه
والله يفرجها عليك وعلينا عاجل غير اجل
الحمد لله انا تمام اللهم لك الحمد الله الله يجزاك بالجنة على سؤالك عني.........

اهلين فيك حبيبتي مبرقعه اقصد قمر هانم
طلع غبار يوم جيت؟؟؟؟؟؟؟؟
والله كان النت مقطوع وماقدرت ادخل واشتقت لكم كثير
واخيرا عطلتي الله يعينك ياربي ويرزقك باللي تتمنينه
وبصراحه انتي والله العسل الحلو مايطلع منه الا الحلو
وش ذا الدعوه ( يا مال المر اللي يمر العدو)اول مره اسمعها جديدة انقلبتي قصيمية؟؟؟؟؟؟؟؟؟
الله يوسع صدرك بالعافيه وجعلك ماتفقدين وتشتاقين لغالي عليك........
الله يجزاك بالجنة على كلامك الحلو مثلك .....
الله يفرجها علينا جميعا فرج قريب من عنده عاجل غير اجل في ذا الليالي المباركة...

اهلين بالغاليه n000na
وين الغيبات على شمسك غيوم
ان شاء الله تكون غيبتك فيها خير لك
وطمنينا عليك الله يرزقناجميعا مانتمنى عاجلا غير اجل
آآآآآآآآآآآآآآآآآآآآآآآآآآآآآآمــــــيــــــــــــــــــــــــــــــــــــــــــن
الله يتقبل منا ومنكم في ذا الشهر المبارك

ياهلاوغلا ومرحبا فيك اختي عقولة
اسفرت وانورت
آآآآآآآآآآآآآآآآآآآآمــيـــــــــــــــــــــــــــــــــــــــــــــــــــــن
الله يتقبل منا ومنك والله يجزاك بالجنة على دعواتك الحلوة مثلك
بالنسبه لسؤالك هذا شي مكتوب لنا الحمد لله على كل حال
لكن سبحان الله اكيد بيكون درس لنا على قولتك اكثر ناس يقدرون ينصحون لانهم مجربين
اسال مجرب ولاتسال طبيب
المشكله في ذا الزمن حتى لو سالوا عن الرجال يمكن ما يلقون اللي فعلا بصارحهم باخلاقه
هذي المشكله
النصيحه اللي اوجها لكل وحده ماتزوجت لايهمها الشكل اهم شي صلاته واخلاقه ودينه
ويكون مايدخن مو شرط متدين لكن يكون يخاف الله لان اللي مايصلي تنزع الرحمة من قلبه
والاحظ كثير من البنات يتمنون انه يكون غني؟؟؟
انا اقول القناعه كنز لايفنى ياما ناس معهم ملايين ومو مرتاحين ولا مبسوطين
وبالنسبه لي انا سبحان الله متردده لانه من قرايبنا وعارفينه وعارفين اخلاقه لكن وقتها
اختي اقنعتني فيه تقولي واحد نعرفه احسن من الغريب وهواللي يبيك ومن هذا الكلام
لكن الحمد لله على كل حال الله يفرجها فرج قريب من عنده علينا جميعا عاجلا غير اجل ........


وباقي الشله وينكم عسى المانع خير؟؟؟؟؟؟
الله يتقبل منا جميعا صيامنا وقيامنا ودعائنا وصالح اعمالنا
والله يعيده علينا وعليكم باحسن حالا
والله يجعلنا من عتقائه من النار
والله يفرجها علينا جميعافرجا قريب من عنده.عاجل غير اجل
وكل عام وانتم بخير مقدما
اختكم.........
............ ليلاس

نونا خلا وغلا بالغاليين الغايبين ..

شلونج عيوني .. طمنينا عليج :) عسى أيامج كلها حلوه ياااارب .. وإنتِ هم مبروك عليج شهر الرحمة والعيد .. الله يعوده علينا وعليكم بالخير و البركة ياااااارب ونفرح فيج :) ياااااكريم

عقولة ..

هلا حبيبتي ... وشكرا على مرورج :) ومشاركتج ..

بالنسبة لأسئلتج .. :) طليقي هو صديق أخوي .. و الكل مدح فيه .. ولليوم ولبكرة لو أي أحد بيسأل عنه ماراح يسمع غير المدح فيه .. و الكل يشهد له ... لكن اللي اكتشفته بعد الطلاق مو بعد الزواج .. إنه إنسان بوجهين .. معاج بشكل ومع الغير بشكل ثاني ... أشياء وحقائق كثيره انكشفت بعد الطلاق وخلتني أحمد ربي مليون مرة اني تطلقت منه .. هلي ماقصروا وسئلوا عنه و الكل مدحه ومدح اخلاقة .. وأنا مااذم فيه هو مصلي وصايم .. لكن فيه صفات تخلي الواحده تعوفه وماتتحمله .. وساعات اندم أستغفر الله إني كنت مصرة اجيب منه ولد .. وأندم على إني قلت له في يوم لين جبت ولد أبيه يطلع عليك .. لاني اكتشفت بلاااااوي و الله يستر علينا و على عبادة ..

مشكلة حبيبتي بالنسبة لي إني أنصح اي وحده في طريقة اختيارها لشريك حياتها .. لان من خلال تجربتي اللي ثبت لي إن كلام الناس يكون من واقع مشاهدتهم مو عشرتهم يعني اللي يعاشر الانسان يعرفة على حقيقته .. و إللي يكون معاه بالبيت هو أكثر واحد يعرفه .. ولو إن هم طليقي هله إكتشفوا معاي حقيقته بعد طلاقنا وماكانوا يدرون عن شي عنه وعن سوالفه قبل زواجنا وهم بنفسهم ولو انهم ما كانوا يتمنون نوصل للطلاق لكنهم بنفسهم يقولون لي لو فكر في يوم يرد لج لاتردين له .. ولو كنتِ بتردين له لا تتنازلين بسهوله .. هذا في حال انه فكر يردني .. :)
وهم يتوقعون إن بعد مااولد يفكر يرجعني وهني برد على كلامج .. مابخدع نفسي ... وأنا في فترة الحمل الحين اتمنى يرجعني ولو اني اعرف عنه بلاوي تخليني مااسامحه على شي... وتخليني ماافكر فيه بالمرة بس هذا نتيجة ظروف الحمل اللي امر فيها .. وش كثر المرأه تحتاج زوجها يحتويها وهي حامل ويكون جنبها ..واتمنى اني لم اشوف ولدي مااحن لأبوه .. إللي من تطلقنا للحين مافكر في يوم يسأل عن ولده .. ولا افكر ارجع له ..
بقول لج شي بعد يخليني ماافكر ارجع له .. :) وصلني خبر من إخته إنه بدأ يلمح إنه يبغي يتزوج من جديد ... :) مااقول شي غير الله يسعده ويصبرهم على بعض ..

بس اتمنى فعلا تكون عندي القدرة و الشجاعه الكافية يوم اللي بيفكر يرجعني إني أوقف في وجهه و أقول له ماابغيه .. وإني مااضعف قدامه .. ولا أعطيه أي مجال إلى انه يذلني مرة ثانية :)
على فكرة :) ذكرتيني بكلام صديقتي تقول لي أم محمد .. أبو محمد بيفكر يرجعش .. بس لاتفكرين ترجعين له .. ترى احطج في الأرض وأدوسج بالسيارة .. لاتقولين لي ولدي وماولدي .. قلت لها إني ماافكر ارد له بعد اللي عرفته عنه ... و الله ييسر له أموره ويستر علينا وعليه ..

اللي أقوله للمقدمات على الزواج ... إنهم يسألون ويطولون في السؤال قد مايقدرون عن اللي متقدم لهم .. ولا ينخدعون بالكلام اللي ينقال ... موشرط كل اللي نسألهم يعرفون الإنسان اللي نسأل عنه عز المعرفة .. ومو كل شي يلمع نفكرة ذهب ..

هلا وغلا ليلااااس
شلونج عيوني ... عساج بخير وكل اخبارج حلوه ؟؟
الله يسمع منج ياااااااااااارب ..:) ...

ربي يرزقكم كلكم يااااااااااااااارب بالأزواج والذرية الصالحة اللي تعوضكم عن كل الهم والكدر اللي شفتوه في حياتكم ياااااااااااااقادر ياكريم

قوووووووووه يا أجمل منطلقات

عيدكم مبارك كل عام وأنتم بخير

السلام عليكم .. وحيااالله شلة المنطلقات .. اللي انا وحده منهم واتابعهم من زمان :)
لولا العجز والضيق من امور واجد كنت هذيت المسبحه عشان افيد البنوتات اللي ماخاضوا هالتجربة بعد..
بس الاخت اللي سألت أحب اقولها نصيحتي ..
انتبهي اختي يضغطون عليك بسرعتهم ...
ويحسسونك انك تتدلعين لو طولتي بملكتك وخطبتك او حتى لو بغيتي تتأكدين من اشياء لو كانت صغيرة ..
وتأكدي الرجال اللي ماعنده صبر على هالفترة معناها مافيه خير ومايبي تبان عيوبه..
واللي حريص عليك بيصبر على شان يطمئن قلبك له ...
ودي بس الزمان ينعاد عشان اوقف بوجه اللي ظلموني ..
وعشان استعيد قوتي اللي طمسوها بضغطهم علي بالوقت وبأمور ثانية كثير ..
وتأكدي ... الرجال اللي ماارتاح له قلبك من اول... ماراح يطمئن له ويحبه تالي ..واقسم على هالشي....
ولاتغترين بالمدح...ياما رجال طيروهم للسماء وحسبناهم ملائكة مو رجال..
ويوم عرفناهم ببيوتهم الحرمة عنده ماتسوى جزمته -الله يكرمك-..
مهما بدا لك انه شاب وحضاري وجنتلمان... وانه مايشك وانه وانه وانه...
اشياء كثير انقلبت بعد الزواج... وكذب كثير ماعرفناه الا بعد ماطاحت الفاس بالراس ..ولله الشكوى سبحانه ...

عن نفسي كرهت الرجال كلهم وسيرة العرس ..
الله يغنيني بفضله عن خلقه...
ويبقي علي ديني ..أما البشر محد دايم لي ...لازوج ولا ام ولا غيرهم ..
انا نفسي بروح بيوم ماادري متى بيصير بس الله يختم لي بخير ويعوضني بجناته ..
سلام من قلبي لكل وحده منكم ..لان اللي حس بهالشعور مستحيل ينسى لذعته ..

وبالغ ودي :)