أم محمد الحمد لله علي السلامة....شكلك مستعجلة علي نومة المستشفي...

إنسيه و اعتبري هالبنت بنتك لحالك.....الله يتمم عليك و يفرج كربتك...ترا أنا مثلك إتطلقت وأنا حامل بس عكسك كان ودي لو يطنش الولد و لا يجي يشوفه عشان أنا أسميه....تفكير غبي صح...بس ياأختي أول ولد لي يسموني الناس فيه ولا هو معجبني الأسم أحس نفسي عجوز....


الله يقومك بالسلامة ويخليلك الغالية

ترا ولادة المطلقة سهلة...خخخخخخخخخخخخخخخخخخخخخخخخخخخخخ
من جد الظاهر من كثر ما الناس يرحمونك ويدعون لك.....


سامحيني تراي أمزح

ليلاااس شكرا ياعمري :)
تسلمين لي يالغالية :) قولي لي شخبارك ؟؟ وشنو آخر تطوراتك عسى كل شي تمام وعال العال ؟؟
حالي إن شاء الله احسن يوم السبت عندي موعد و إن شاء الله تكون النتايج تطمن :) دعواتكم ..

PINEAPPLE
هلا و غلا فيج عزيزتي .. :) وشكرا لج يالغالية .. عن الاسم فلو بنت راح اسميها مثل مااحب إن شاء الله وماراح يعترض .. لانه وصل له الاسم اللي بغيت اسميها فيه ومااعترض و الولد إحنا متفقين عليه من البداية .. محمد إن شاء الله .. وعن نسيانه أنا شايلته من بالي من يوم اللي تطلقنا فيه بس تعرفين الوحده من غير شي تحتاج زوجها جنبها فما بالج بالحامل :) الله يسهل يارب .. باللنسبة لسؤاله ماابيه يسأل عني .. لكن يسأل عن بنته او ولده مهما كان ومهما توصل الخلافات يبقى الولد ولده وله حق عليه ..

يسلمك يالغالية .. ويفرج عنج وعنا يااااااااارب وعن كل محتاجه ياليت تكون الولادة سهله ادعوا لي بدأ العد التنازلي عندي :) و الله يفرج ..

مبرقعه هانم وين الحلوين ؟؟؟ ويين باقي شلة المنطلقات ؟؟ عسى غيابكم عن خير يااااارب

أم محمد

لا تشيلين هم الولادة إن شاء الله إنها سهلة
ميزة البكر ‘نك ما تحسين بألم الولادة تولدين وأنتي تقولين بيجيني أشد...

الله يسهل عليك و يفرج لك ....و يجعلها عبدة صالحة و ينفع بها أمة الإسلام والمسلمين



بكرا تجين وتسولفين عن الولادة و تصير ذكريات...


الله يفرح قلبك و يكفي إنها بنت ترا الحرمة ما تحس صدق بالأمومة و الرحمة إلا مع البنت...و لا تحسين بالفرحة صدق إلا معها...

أسأليني أنا بكري بنت...أحلي شئ تلبسينها و تزينينها...و الملابس كل ما تروحين مكان تلقين أشياء روعة وتفتح النفس..
مو زي العيال مساكين...تصدقين ولدي مسكين ما شريت له إلا أربع قطع من إنولد كل لبسه من حق أخته اللي فوقه علي طول...
حتي لبس العيد أبوه جابه له...
الولد صحيح له فرحة أول ما يجي..وتحسين ظهرك إنشد فيه مع إنه مسكين لحمة حمرا ما يفهم...
بس يا أختي البنات غير....


الحمد لله و الله عمري ما أتمنيت الولد إلا هالمرة عشان يكون سند لخواته (مع إني جايبة قبله ثلاث بنات منهم واحدة ماتت ببطني)

الله يحقق لك أمانيك مثل ما حقق لي...
و يفرج لك مثل ما فرج لي..
و يخليهم لك...
ترا لا صار الضنا سالم كل شي بالدنيا يهون..
وترا الرجال ما عندهم حل وسط يا يسأل عن عياله و يأخذهم من حضنك بعد السبع السنين...يا يهملهم مرة واحدة ولا يسأل عنهم...وقليل اللي في الوسط...

علي فكرة :
جربي أول ما تجي الطلوق إشربي منقوع مرة...لإني كذا سويت بولادة الغالي!!!

أم*محمد
الله يفرح نظرتك بالعافية..وتفرحين بالعروسة قريب يارب وأنتِ سالمة :)

PINEAPPLE
مدري ليه كلامك دخل قلبي..وحرك كثير أشياء بنفسي ..
أحبك في الله مع إني ماأعرفك..ولا اعرف من روحك إلا اللي قريت..

تدرون بنات أحياناً أتمنى لو أعطيت نفسي فرصة أجيب لي ضنا قبل أحسم الأمر وأتطلق ..
بس عشت معاناة..لأني خفت انحرم منه..وانا اعرف زين نذالة الرجال اللي تزوجته ..
وليش حسيت بهالشعور لأني كنت واثقة إني ماراح أقدر أعيد تجربة الزواج ثاني مره..وصدق ظني ! :)

ماأدري..أكيد ربي أعلم بالصالح لي..
والله يعوضني وياكم خير ..آمين ..

على فكرة PINEAPPLE ..أنا أدعي أن أبو عيالك يتزوج ويلتهي بعمره ..عشان يترك العيال لك.. واللي بالغيب مايعلمه غير الله ..

لكم بالغ ودي ..

قهوة بالبندق
أحبك الله الذي أحببتني فيه
يمكن خيرة لك إنك ما جبتي منه...الله يرزقك ليلة هالجمعة المباركة الزوج التقي النقي مخموم القلب اللي تعمرين معاه و يعزك ويرزك و يرزقك ربي منه الذرية اللي تبرك و تقر عينك فيها...
الله سبحانه له تدابير خفية....
أسأل الله لك و للمسلمات من خير ما سأله عبده ورسوله محمد صلي الله عليه وسلم
أسأل الله لي ولك الجنة والصلاح في الدنيا والآخرة
والله هالبزران عذاااااااااااب...إن قعدتي مع أبوهم عذاب و أن تطلقتي مجرد إحساسك بحرمانهم من أبوهم عذاب...ما يندري هم من ضمن الإبتلاء و لا تخفيف له...
ما أقول إلا الله يختار لي و لهم الصالح...
أنا دايماً أدعي...يارب لا تطلع بناتي من حضني إلا لأحضان رجالهم و تسخر لهم وتوفقهم يارب...


الله يسامحك صيحتيني تالي هالليل (ما عليك منها هي أصلاً دمعتها والمة) :)