PINEAPPLE

هلا حبيبتي .. إللي يجي من الله حياه الله .. ولد أو بنت :) أنا نوعت في الأغراض اللي شريتها تحسباً .. كانت بنت :) حياها الله .. وكان والله حياه الله ..و الولادة للحين الحمد لله مو شايله همها .. عندي ثقه بالله سبحانه وتعالى انه راح يسهلها بإذنه .. مثل ما سهل أمور كثيرة .. البنت حلوه و لم تروحين السوق تنجنين على أغراض البنوتات ..

الله ييسر امورج يارب ... ويفرح قلبج ويخلي لج عيالج يااااااارب .. ويعوضج فيهم خير الدنيا وخير الآخره ياااااااكريم ..

قهوة بالبندق

تسلمين يالغالية .. ويفرج همج وهم الجميع يااااارب .. عزيزتي .. كل شي يصير هو صلاح .. و فعلا لو كنتِ جبتِ ولد منه ممكن تكوني انحرمتي منه أو أي شي يعذبج ما كنتِ حاسبه حسابة .. :) خليها على الله و ربي إن شاء الله يعوضج بالزوج الصالح و الذرية الصالحة اللي تفرح قلبج وتعوضج ... و دام الرجال نذل .. ماتسوى تجيبين عيال منه ..

~سمكة~

ربي يسهل عليج ياااارب .. فعلا الوحده تتمنى يكون لها بيت مستقل لوحدها مع عيالها .. تاخذ راحتها فيه وياخذون راحتهم .. في بيتهم من غير اي شي .. الله ييسر لج يااارب .. ويعوضج خير الدنيا وخير الآخرة ويخلي لج عيالج ياااارب ويفرحج فيهم .. و الله يهون عليكم ياااارب
.. قرار الانجاب كان نابع من رغبه في الامومة .. هو صح قرار صعب وخطير .. لكني توكلت على الله وقلت لو فيها صلاح راح يجي ولو مافيها ماراح يجي .. وطلبت من ربي لو ان وجوده موب صلاح إنه ياخذه .. والحمد لله أنا واثقه بالله سبحانه وتعالى .. ومثل ماتقول لي صديقتي .. يمكن لو ماكان البيبي موجود كنت انهرت أو صار فيني شي لاسمح الله .. :) و على فكرة الحمد لله أبوه موبذيك الدرجة من النذاله .. وممكن اقول انه موب نذل .. لكن :) بنات ابليس ومايسونه وشلون يخربون لبيوت ... الخلافات اللي بينا ماكانت توصلنا لهذي الدرجة لو لا وجود طرف ثالث يشتغل شغل إبليس :) لكن مااقول غير الله ياخذ الحق ..

ليلااااس ..

هلا و غلا بالحلوه ... شلونج حبيبتي عساج بخير ؟؟ :)
أنا بخير ولله الحمد و الحال أفضل الحمد لله ... كله ببركات الله ودعائكم .. تسلمين يالغالية إنتِ شخبارج ؟؟ و شنو آخر تطوراتج ؟؟ عسى كل شي عال العال ؟؟ و ولدج شخباره .. راح يجي يوم ويفهم الموضوع ويتقبله .. و الله يعوضج ويعوضه بالأب اللي هو ازين و احسن من ابوه .. وينسيكم كل الهم ..

بنت الجزيرة1

تسلمين حبيبتي ... :) أنا عن نفسي المنتدى و الموضوع هذا بالذات متنفس ... :) اطلع فيه اللي بخاطري عشان اريح نفسي .. لاني للأسف مااقدر اعبر عن اللي بداخلي بغير هل الطريقة .. تشوفيني كأني ياجبل مايهزك ريح .. الحمد لله .. لكن داخلي تلاقينه هش .. اقل شي ممكن يأثر فيه .. فهذا الحل الوحيد اللي عندي عشان اتجنب أشياء كثيره ..

و الفضل لله .. ثم لمبرقعه هانم على هل الموضوع اللي خلتنا نفتح قلوبنا فيه ..

سمكـــــــــــــــــــــــــــــــــــــــــــــة
يا بنت لا تكونين أنا وأنا ما أدري>>>>> لاعبة بحسبتها التخاطر و الجلاء البصري
هههههههههههههههههههههههههههههههههه
وانا أقول ليش حبيتك من غير معاد..عاد إن كانك بالرياض فأنتي أنا بلا شك....!

ام محمد
الحمد لله اللي شفناك بخير...عقبال ما نفرح فيك يا رب و نسوي للبيبي سبوووووووووووووع....


حلو ما شاء الله إن المعنويات مرتفعة...KEEP IT UP!
قهوة بالبندق _ ليلاس
أخباركم
بنت الجزيرة1
والله هو ما شالت النفس همه راح وراحت أيامه الله يستر علينا وعليه...

التركيز الحين علي شباب وشابات المستقبل...
دايم أنادي ولدي يا إمام الحرم>>>>>تسمع بالبرمجة الإيجابية...

الله يعينا علي الأمانة اللي شايلينها...

أنا معنوياتي بين مد وجزر..
وأتمنى أقدر أتخلص من آثار التجربة السلبية على نفسي ..
شكراً لكم.. وجودكم وحواركم يحسسني بالأمان نوعاً ما ..
بس أنا أعترف رغم صمودي خارجياً داخلي محطم وااااااجد..
اليوم كان يوم زواجي..مر عليه سنتين بس بعمر أحاسيسي كأنها اقل بكثير..


قلبي معاكم..وأحاول اشارك قدر استطاعتي...بس ظروف الدراسة تشغلني ..

الله يسعدنا جميعاً :)

سمكة!
شلون ماخذة الريكي و تشربين قهوة....ليه ما سويتي الحمية حقتها...

قهوة بالبندق...إذا بالرياض أرسل لك إسم المركز اللي يسوي دورة الريكي أو رقم واحدة تعالج بالبيت ...>>>>>مشكلة هالبنت لا ضبط معاها شي ودها كل الناس يسوون مثلها...

بس الإحساس شيييييييييييييييييييييييي

شفت وجه أمي ...بعدين وجيه عيالي...
بعدين جا (....) وحاولت أطرد صورته بس تصدقين حسيت إني ما عادني زعلانة منه...أو أي أحد ثاني...تحسين إنك تحبين كل الناس والعالم....روووووووووعة
حسيت إني بعالم ثاني...رجعت بريئة و نيتي زينة زي أول>>>>>الله من قله
لأ من جد كل مخاوفي تبخرت..!

أنصحك يا قوقو >>>>أموون صح...خوذيها..تبين أرسل لك علي الخاص...

تكفين سويها>>>>>طقني الحماس من جد وخروا عني!

تصبحون علي خير

:)

سمكة!
أجل عبد الله البري و عبد الله البحري.... :39: .

مو بعدين تغارين و تقولين لولدك يا إمام الحرم ترا خلاص إحتكرناها...
وترا صار عندي طاقات هائلة بعد الدورة يعني لا تقولين ما تدري عني ترا علي طول ما تدرين إلا وأنا فوق راسك...

انتبهي!

:)