هلا وردة...
حبيبتي أنتي منتي ذبلانة توك بأول عمرك...
أعطي تعابير إيجابية عن نفسك...
حبيبتي أكيد كان فيه خلل بحياتكم أنتي يمكن ما كنتي منتبهة له...
الفترة هذي أنظري إليها علي أنها مرحلة..ما راح تستمر كثير بأمر الله...
تذكري دائماً
ما أصابك لم يكن ليخطئك وما أخطئك لم يكن ليصيبك...والمؤمن أمره كله خير...
حطي هالآية بين عيونك (إن الله مع الصابرين)
مو معني إن هو اللي تركك إن العيب فيك...
المفروض ما طلقك كذا بدون مقدمات وأنتي حامل ..بس ياللا..قدر الله وما شاء فعل..
عددي مكاسبك في الحياة..وحطي من بينها هالطفلة...وحطي من بينها تجربة بتنفعك بمستقبل أيامك...
بقول لك كلمة إنقالت لي وأثرت فيني..
الحياة قدامك فاتحة لك يديها...لا تعطينها ظهرك..
يمكن بنتك قد ولدي..ولدي توه مكمل أربع شهور...
يكبرون إن شاء الله و يعوضنا فيهم رب العالمين خير...
تصدقين قبل شهر..كان ضايق صدري...وولدي جنبي..شلته بألعبه وسبحان الله..حسيت إن الله عوضني خير وأعطاني شئ انحرم منه غيري...
وقتها سجدت لله شكر..حسيت إن هذي هي ثمرة الصبر...
كل شئ يأخذ وقته ويروح...الألم والجروح..وبالأخير ما يظل شئ لأن الحياة تمشي ما تستنا أحد ولا توقف عند أحد...
حنا اليوم موجودين بكرا يمكن لأ...
حنا اليوم بصحتنا يمكن بكرا لأ..
كل يوم يمر لازم نعيشه ونفرح...لو مو علشاننا علشان عيالنا...لأنهم يستحقون يربون بفرح وحب...

أستغلي أيامها حدها معك, خليها تشبع منك...ولا تخلين الخوف يبعدك عنها...

الله لا يكتب علينا فراق!

:(

الله يفرج همي وهمك والمسلمات...

تراني مكتئبة بس ما حبيت ما أرد...ما أدري عاد وسعت صدرك ولا ضايقتك

سامحيني

أول شي حبيت أسلم عليكم ..

وثاني شي .. شكرا على سؤالكم :).. أنا بخير و لله الحمد .. وللحين ماولدت ..

:( أنتظر القصاب ... حددوا لي موعد للعملية كان بتاريخ اليوم لكن بسبب وفاة المغفور له الشيخ جابر .. تأجل الموعد إلى 28 يعني حتى بعد موعد ولادتي الطبيعي .. قالوا في حالت ما جاني الطلق خلال هل الفترة راح يكون 28 هو موعد العملية .. و الله يستر و أدعوا لي حمود العنيد يفتر وينزل راسه و أولد طبيعي ..

أكدوا لي إنه ولد .. مثل ما أكدوا لي إني لازم أسوي العملية أسلم للولد من الولادة الطبيعية .. لان الولادة الطبيعية من المقعدة خطره عليه ... وطبعاً .. ما أتمنى تعبي طول هل المدة يروح بلاش .. وأخسرة لا سمح الله أو يصير فيه شي بسببي .. وقالوا لي الماي قليل .. وخوفوني وموتوني من الخوف ... لكن الحمد لله أمس رحت عيادة خاصة وطمنتني الدكتورة على كمية الماي ... لكن ما طمنتني على إن راسة نزل .. و الله يعين ... ناس واجد قالوا لي يفتر مع الطلق .. ولم سألت الدكتورة قالت لي مايفتر .. خصوصاً إنه ماد رجليه .. و الله يعينا ...


حبيبتي رجين..

الله يهون عليكِ .. عسى أن تكرهوا شيئاً وهو خير لكم وعسى أن تحبوا شيئا وهو خير لكم .. كونه تزوج مرة ثانية .. مااتصور هذا يخليكِ تعرضي حياتكم الزوجية للخطر وللنهاية .. الله عز وجل أعلم بمصالح العباد ... و الله كان حرم التعدد .. من وجهة نظري الخاصة لاتخربي بيتك بإيدك .. خصوصاً إن مافي شي من كلامك يدل على المشاكل أو إن زوجك مقصر معك أو فيه اي شي .. طبعا محد كامل الكمال لله عز وجل .. وهو تحمل معاكِ وصبر لكن مثل ما إنتِ تتمنين الذرية هو يتمناها .. ومع هذا أبقى عليكِ حبا فيك ... خلي بنتك تتربى بين أمها و أبوها .. و مع أخوانها من أبوها .. ولا تحسسينها بالفرق دام إن الرجال مو مقصر معاكم ولا مسيء معاملتكم .. وجهة نظري ويبقى القرار بإيك ..

عصبيه .... بكيفي

راح أجاوبك من تجربتي ... :) ممكن .. لان هذا اللي صادني بالضبط .. تطلقنا و إحنا الإثنين نحب بعض .. ومتفاهمين .. بس كانت أنانيته ومكابرته أكبر من حبه لي .. ولانه يبي يوصل للي يبيها بأي طريقة حتى لو كانت بإنه يضحي فيني و في ولدة اللي في الطريق .. :)

اللهم لا شماته .. عن جد مااتشمت فيه .. لكن لو رجعتي للردودي السابقة راح تشوفين إني قلت انه ماراح يتم معاها .. ومجرد انه راح يوصل لها ويمل .. وهم حاليا ماصار لهم يمكن 3 أشهر مخطوبين .. وهي تشتكي منه لأهله .. بس لاني أعرف طليقي و أعرف طريقة تفكيرة و مزاجيته .. ومن هذا صرت اقدر اخمن شنو راح يسوي .. وشلون يتصرف ..

وردة ذبلانه ...

ياعيوني .. لاتشيلين هم .. قل لن يصيبنا إلا ما كتب الله لنا ... الحال من بعضة .. تطلقت و أنا حامل .. :) وأنتظر البيبي خلال هل الأيام بإذن الله .. أدعي لي ..بس الفرق بيني وبينك اني كنت اعرف سبب الطلاق .. شوفي ياعيوني ... أهم شي لاتفكرين كثير فيه ولا حتى في سبب الطلاق .. خليها للأيام .. كل شي راح يبان وتجيكِ الأخبار .. لاتعبين نفسيتك عشان البيبي .. وحافظي عليه لانه هديه من الله سبحانه وتعالى ... و هبه لك منه عز وجل .. لرجال كثير منهم مافيهم خير .. ولا يستاهلون دمعه من عيونا عليهم .. قوي نفسك .. وتعودي .. إنك كل ما ضاقت فيكِ الدنيا تلجئ إلى الله عز وجل .. امسكي القرآن .. أو الدعاء .. راح يريحك .. ولو كنتِ تقدري تصلي صلاة الليل راح ترتاحين ... كل ما جا في بالك اطرديه وفكري في نفسك وفي طفلك .. وفي بكرة .. و إن شاء الله يكون بكرة أحلى ... شلون راح تبنين نفسك من جديد .. وشلون تربين الطفل اللي جاي بالطريق .. ولا تستبعدين يكون حالك مثل حالي .. يعني زوجك طلقك عشان يتزوج غيرك .. مافي شي مستبعد..

يا عيوني مو لازم في شي ينقصك عشان يطلقك ... كفاية يكون هو يبغي هذا الشيء .. حاولي تتقربين من الله أكثر .. القرب من الله يريحك .. ويرجع ثقتك بنفسك .. ويساعدك على إنك تصمدين وتبنين نفسك من جديد .. :) إعتبريها تجربة ومرت الحياة تجارب .. ناخذ منها الموعظة .. لكنها ما تبعدنا عن الله سبحانه وتعالى .. ولا تدمرنا .. ولا إنها تعقدنا ..

:) حبيبتي ما في شي يسوى ... إنسي كل شي وابدئي حياة جديدة مع البيبي .. وفكري في نفسك وفي البيبي .. وشلون تعيشون حياة مسقرة .. لو ماكملتي دراسة كمليها .. ولو ماكملتي جامعه كمليها .. واشتغلي .. وربي إبنك احسن تربية .. من غير ما تكونين محتاجة لأحد ..

وماتدرين وين الخير و الصلاح سبحان الله ... يمكن الله سبحانه وتعالى بكرة يرزقك بالزوج الصالح اللي يعوضج عن كل الألم و الحزن .. :) خصوصاً إنك للحين صغيره و الحياة قدامك .. لاتخلين الحزن و الهم يسيطرون عليك ترى كل هذا يأثر على البيبي ..


ربي يعوضكم خير الدنيا و خير الآخره يااااااااارب ويسر أموركم ويرزقكم بالأزواج و بالذرية الصالحة يااااااارب

^
^
^
كنت متوقعة تقولين إنك ولدتي...أثاريك لسه...خيرة..
الله يختار لك الصالح...
بسرعة يا حمودي ترانا متحمسين..
الله لا يعجلك لشر ولا يأخرك لمثله..

:)

مكرر

:27:

PINEAPPLE

هلا حبيبتي .. شخبارج ؟؟
عسى كل الأخبار حلوه ؟؟

ياااااااااااااااااااااااااااليت .. كل يوم اتمنى إني أولد ... نفسي اشوف هل الصغنون والمه بين يديني .. لكن ماراح يطلع إلا في ساعته وفي الموعد اللي الله سبحانه حدده له .. و الله وحده العالم متى يكون هل الموعد ..

:) ربي يوفقك ياااارب ويسهل أمورك ..