السلام عليكم
موضوع جدا رائع وقريت كل الردود يارب يكون لنا مرجع في كل امورنا
بضيف تجربتي البسيطه ممكن تفييد احد

اول شي بالنسبه للمستشفيات مريتهم كلهم تقريبا في المريح نفسيا وفي لا
في مستوصف بالخبر قريب سويكت دكتور عليه زحمه ويقولون انه شاطر والكل يمدحه
عايله القط مدري القطو بس ابدا ما رتحت له نفسيا

نجي لاشعه الصبغه

اخواتي ولله في بنات يهولون الموضوع الم عادي جداا جداا جداا
وكل ما هديتي نفسك ورخيتي اعصابك يخف الالم
وكلها على بعضها نص دقيقه ما يمديك تقرين سورة الفاتحه الى قالو لك قومي خلاص
والي تقول ينزل دم صح بعدها بساعتين او ثلاث تنزل عليك كم نقطه دم

انا سويتها بمانع الدمام ومثل ما قلت الم خفيف وربي ماكتب لي الحمل بعدها


التلقيح الصناعي
سويته عند الكتور هشام في وحده العقم وتاخر الانجاب وربي ماكتب لي الحمل الحمدلله و الشكر على كل حال
طبعا الم مافيها نهائي وبالنسبه لي ما احس انا لها داعي الي تبي تسوي اطفال انابيب او تلقيح مجهري احسن بعد

اطفال الانابيب

سويتها عند الدكتور هشام بمانع الدمام مافيها شي مؤلم الى تكاليفها :09:
وسبحان الله ربي ماكتب لي الذريه بعد


بالنسبه لي ارتاح نفسيا بالمانع في وحده العقم اول شي خصوصيه لك مكان مستقل
الطاقم جدا مريح نفسيا و متعاون وتقدرين تكلمينهم اي وقت لو احتجتي شي
السونار او الكشف تسويه الممرضه و الشاشه بغرفه ثانيه عند الدكتور وفي شاشه عندك وهذا شي جدا مهم بالنسبه
لي لانه يسوي لي سونار مهبلي كل يوم في وقت التبويض وافضل تكشف على حرمه
اسعارهم تدفعين 500 ريال في ثاني يوم الدوره وخلاص ماتدفعين شي لين الدوره الثانيه
طبعا من غير الادويه و العمليات والتحاليل

جربت مستشفى سعد عند الدكتور الاتربي بصراحه مكلفه لدرجه فضيعه
كل اسبوعين الكشفيه 800 ريال يعني بالشهر 1600 بس كشفيه الدكتور
غير الادويه و التحاليل الي لها داعي والي مالها داعي

وصار لي موقف مع الدكتور وكرهته كانت عندي بوضاات وسوا لي سونار باليوم الي بيعطيني فيه ابر تفجير
وحصل البويضات مختفيه
وقام يهاوشني يقول انتي تكذبين ما تخذين الابر
قلت له تستهبل انت انا جايه ابي العيال ودافعه حدود 5000 عشان الادويه وارميها
من يومها كرهته

بالنسبه لوضعنا الصحي سليمين انا وزوجي 100%
ولكن لم تحن الساعه الي ربي كتبها

اللهم عجل في رزقي ورزق كل محرومه وارزقنا من عندك يارب العالمين

ممكن اعرف كم بين الفترتين اللي سويتي فيها اشعة صبغه وش سبب الالتصاقات؟؟

ليه الموضوع نايم فيدونا بنات

جوان حالتي مثل حالتك أنا وزوجي سليمين بس مايصير حمل ولي 3 سنوات متزوجه بعد سنه من زواجي بدت معاناتي مع المستشفيات رحنا 2 مستشفى خاص و مستشفى النساء والولاده وكلهم نفس الكلام بعد سنه و8 شهور سويت تلقيح صناعي بالبحرين ومانجح وتوني الشهر اللي طاف سويت أطفال أنابيب في مستشفى سعد التخصصي وبرضوا مانجح والحمد الله على كل حـــــــــــال

رفع