نفس مشكلتنا طبينا بسباك وكهربائي من محل واحد كل ما ماشفنا تركيب المواسير وشكلها الغلط ندعي عليه وعند تركيب طبالين الكهرباء وقواعد اللمبات أكتشفنا أن بعض الأسلاك غير موصلة
بس حنا أول مرة نبني وما نعرف السباكين ولا الكهربائيين
لكن إذا أردت أن تعرفي شغل السباك إسإل عنه صاحب اي عمارة وليس السباك نفسه
لإنه قد يضحك عليك ويخليك تطلعي على عمارة تمت سباكتها بصورة ممتازة ويكون سباك آخر زميل له هو اللي سواها فالسباكين والكهربائيين هم يساعدوا بعضهم الجيد والرديء مايهم المهم الفلوس ولا المواطن مسكين على نياته بعد فترة من البناء يبان المستخبي وكمان السباكين والكهربائيين اللي في محل السباكة والكهرباء لا تعتمدو عليهم لإن هدفهم أن يكسب المحل ويركبوا أنواع تجارية رديئة أهم شي تصريف البضاعة
فالأفضل لتجنب الأخطاء السؤال عن السباكين ممن بنوا سابقاً وسؤال ويكون نفس العامل وليس مساعد له ووضع عقد بين صاحب العمارة والعامل وأي شيء يظهر على غير ما أراد صاحب العمارة يكون هناك خصم على العامل بكذا نضمن حقنا .:09:

فوق للفائدة

يالله يارب ترزقنا بـ بيت ملك آمين:) >>>>>>> متفآئله مااااااااااره خخخخخخخخ

الله يرزقنا وياكم من صالح فضله يااااااااااااااااااااااااااااااااااااااااااااااااااااااااااااااااارب

انا بقولكم تجربتي اللي اعتبرها بكل المقاييس ناجحة ولله الحمد والمنة
1- متى اشتريتوا البيت ؟ يعني من كم سنة ساكنين ...
اشتريناه من سنة ونص تقريبا
2- من بنى البيت شركة ولا صاحب البيت باع بيته ؟
اللي بناه تاجر يبني فلل ويعرضها للبيع
3- وش اللي اعجبكم فيه ؟4- وش اللي ما اعجبكم في البيت ؟
كل شي حلو في البيت (ماشاء الله) وخصوصا انه دور واحد وربع يعني الدور الثاني غرفتين ودورة مياة واحدة والباقي سطح مسلح وخطط جاهز للبناء في حال حبينا نكمل البناء وحنا فعلا على وشك نكمله... واللي ماعجبني فيه ان غرف النوم صغيرة شوي بس احنا راح نبني جناح كامل وصالة و بوفيه بأذن الله عشان نعوض صغر الغرف وبالنسبة للسباكة والكهرباء ممتازة جدا ومافيها اي مشكلة لان البنك يطلع لجنة خاصة تشوف البيت وتكشف على اساساته والسباكة والكهرباء ويتأكدوا انه سليم تماما وصالح للسكن وعمره طويل عشان هم كمان يضمنواحقهم
5- هل ندمتوا على شرائه ؟
ابدا بالعكس انا اشكر ربي اللي وفقنا بهالبيت وطبعا السبب الاساسي هو التوكل على الله والاستخارة
باقي الاسئلة للي شروا عن طريق البنك ..
6- هل دفع الاقساط مزعج جدا بالنسبة لكم ؟7- قيمة القسط ماثرة على حياتكم ؟
هو مزعج شوي لكن ماله أثر كبير على حياتناولله الحمد ...لان البيت دور واحد وسعره معقول والقسط 3200 ريال شهريا لمدة 15 سنة وانا كل فترة ادخل جمعيات واجمع مبلغ واعطيه للبنك بحيث تقل مدة الاقساط
8- ندمتوا لانكم شريتوا بيت خاصة ان الاقساط على مدى طويل ؟9-
زي ما قلت ماندمنا ابدا ولله الحمد والاقساط صحيح مدتها طويلة بس تهون لما اشوف نفسي واولادي في بيت كبير واسع ملكنا لوحدنا فيه حوش واسع يلعبوا فيه الاولاد بحريتهم بدل حبسة الشقق والا يجارات اللي تقسم الظهر غير لما يطلعلك المالك ويقول اطلعوا من بيتي .... بالعكس الاقساط امرها هين ولله الحمد والفلوس اصلا رايحة رايحة خليها تروح في بيت ملك احسن ماتروح في غيره
هل تظنين كان فيه حل ثاني قدامكم غير البنك ؟
في رايي ما كان فيه حل ثاني لان الاسعار ترتفع والاولاد يكبروا والمسئوليات تكثر فكل ماحوشنا مبلغ صار امر طارئوطار معه المبلغ....... طبعا زوجي كان رافض مسألة البيت الجاهز والاقساط ولكن في الاخير اقتنع والآن يشكرني على اصراري على هذا الموضوع



وبالنسبة للاخت اللي قالت ان الغش موجود حتى في البيوت اللي يبنيها اصحابها معاها حق لان اختي وزوجها اخذوا قروض من البنوك وجلسوا تقريبا 5 سنوات يبنوا ويخططوا وبالاخير لما سكنوا سنة واحدة والبيت سباكته تعبانة جدا وأنتم بكرامة الحمامات تفيض المويه منها لداخل البيت