تجارب من استخدموا القسط الهندي / قديم

تأخر الحمل

تجارب بعض الاخوات مع القسط الهندي ..
نقلتها لكم .. نفعكم الله بها


تقول الأخت :
عانيت من خمول الغدة الدرقيه اكثر من سنتين
وكنت اخذ ثيروكسين 100
والاعراض خفت بنسبة 20% بعد الثيروكسين
طريقتي في القسط الهندي
اكله ثلاث مرات باليوم
ملعقة صغيرة قسط هندي +ملعقة صغيره زيت زيتون + ملعقة كبيره عسل سدر
الغدة جتني بسبب عين
والقسط الهندي عالج الغدة والعين الي فيني .


..........................................

ويستخدم لعلاج السحر والمس وتكيس المبايض
ولونه بني وريحته تشبهه ريحة الغنم ومر طعمه بس مع العسل مايبين انه مر ..


وهذا شرح أخت أخرى وقتها مع القسط :


السلام عليكم ورحمة الله وبركاته
أبداً مافيها ازعاج والله .. أنا سهلت عليكي وجمعت ردودي في رد واحد علشان يسهل علينا ننشره للبنات المحتاجات ..
أستميحك عذراً يالغالية على التأخر في الرد
بداية أسألك بالله أن تنقلي كلامي هذا لأي وحدة تعاني من تأخر الحمل أو عدم انتظام الدورة الشهرية .. وإللي عندها خلل في هرمون الغدة الدرقية وزيادة في نسبة الأنسولين في الدم .. والتكيس وبلاويه من ارتفاع هرمون الذكورة وما يصاحبها من آثار

ما أبتغي في ذلك غير وجه الله .. ثم دعاء الأخوات لي بالتيسير وتذليل المصاعب أمامي .. فلا شيء يوازي دعاء الأخت لأختها في ظهر الغيب

أنا كم مرة تكلمت عن القسط في تجمع المتكيسات بس البنات ما أظهروا اهتمام .. وذكرته للحصول على الأجر ومساعدة البنات .. لأني عانيت من التكيس والغدة الدرقية والسمنة والدورة ولخبطة الهرمونات كثير جداً .. وربي كان عالم بحالي

.. بحط لج الردود إللي وضعيتها للبنات .. وعلى فكرة .. من أربع شهور بعد عملت فحص للتكيس .. قالت لي الدكتورة إنه ماله أي أثر .. والدورة منتظمة ولله الحمد والمنة

.........................

القسط يجي على شكل أعواد لونهم بني .. كأنه خشب .. تكسرينه وتطحنينة في الماكينة إللي تطحن .. وتحفظينه في قارورة ..
أنا تعالجت شهرين بالضبط .. وكنت آخذ ملعقتين صغار مرة الصبح ومرة بالليل .. وتقدرين تاخذينهم أي وقت خلال اليوم .. يكونون مرتين .. ولا تكثرين .. لأن الشيء إذا زاد عن حده ينقلب ضده .. بعد ما تاخذينه تشربين وراه ماء لأنه شوية طعمه مر .. مو وايد بس يحتاج تشربين وراه ماء علشان ينزل .. وطبعاً تكون النية هي الشفاء من الله سبحانه والسبب هو القسط ..
أنا بعد ما خذت العلاج يومياً بعدها بشهرين اختفت تماماً أعراض الغدة الدرقية وصارت نسبة الأنسولين في الدم معتدلة .. وخفت نسبة هرمون الذكورة بشكل ملحوظ وانتظمت عندي الدورة الشهرية ولله الحمد .. واستمريت بعدها في العلاج بس ما كنت آخذه يومياً .. وبعدها بفترة عملت تحليل للهرمونات .. وعملت تصوير للمبايض علشان أفحص التكيس .. وكانت النتيجة ولله الحمد والمنة إن الدكتورة قالت أي تكيس تقصدين .. إنتي ما عندك تكيس أبداً .. حمدت الله سبحانه .. وطلعت لي نتائج تحليل الدم وقالت كل شيء عندك منتظم .. حتى هرمون الذكورة نسبته في الدم مثله مثل أي بنت .. مع إن وزني ما نزل .. وأنا مو متزوجة ..
والعشبة بعد تنظم الدورة الشهرية إذا كانت متلخبطة عندي .. طبعاً بسبب التكيس وخربطة الهورمونات .. أنا الدورة كانت اتيني شهرين ما توقف .. ويوم توقف أتريا خمس شهور لين ما تنزل .. مع إني بنت موب متزوجة .. وهذا كله رااح بفضل الله تعالى .. والدورة عندي منتظمة مع إن بعدني مليانة .. بس شوفي كيف العلاج سبحان الله

وعن لخبطة هرمونات الغدة الدرقية .. أنا كنت آكل حبوب الغدة .. لا وكان عندي تكيس بعد وزيادة في هرمونات الذكورة .. تخيلي وزني زاد في شهر ونص 15 كيلوا .. حالتي النفسية استوت أرف .. وعالجت عمري بالقسط الهندي .. وهي عشبة مذكورة في الطب النبوي وتقدرين اتسوين بحث عنها وبتتأكدين من كلامي ..

ما بتصدقين إذا قلت لج إن كل الأعراض إللي كتبيتها راحت .. وأزيدج من الشعر بيت .. من أربع شهور عملت سكان للمبايض وتحليل هرمونان .. التكيس راااااااااااااح بفضل الله تعالى .. والغدة تشتغل تمام التمام والإفراز طبيعي الحمد لله .. ويالسة أنزل من وزني وقدرت لين ألحين أنزل 10 كيلوا بفضل الله تعالى .. وهرمونات الذكورة خفت واااااااااايد .. يعني ألحين زايدة عندي أقل من درجة الحمد لله .. وقالت لي الدكتورة هذا طبيعي .. حتى الشعر الغليظ وايد خف .. صح أسوي ليزر .. بس قبل يوم كنت أسوي ليزر والهرمونات متلخبطة النتايج كانت وايد بطيئة .. ألحين كل أربع شهور أسوي مرة .. مع إن ويهي كان مثل الرياييل والله .. وكنت أستحي أراوي ويهي حد ...........

اتعالجي بالقسط الهندي .. في منها نوعين .. بني وأبيض .. إنتي استخدمي البني لأن هي المذكورة في الطب النبوي والحديث الشريف.. وهي عبارة عن أعواد يوم بتاخذينها من العطار .. تطحنينها وتاخذين ملعقة صغيرة الصبح ووحدة في الليل ..واستمري عليها يومياً لمدة شهرين .. وعقب سيري سوي تحليل الغدة .. بتتذكرين كلامي .. وإذا شفتي نتيجة إن شاء الله .. أتمنى منج الدعااااء بالتيسير بس والتوفيق في حياتي ..

وبحكيلك قصة صديقة خالتي .. عالجت بالقسط لأنها ما كانت تحمل بسبب التكيس ولخبطة الدورة .. ولما عالجت بكم شهر اكتشفت إنها حامل سبحان الله

ووحده من صديقاتي كانت نفسي .. واستخدمته والحمد لله هي بخير ونعمة ما شاء الله .. ووايد شكرتني لأنها اتخلصت من هالأعراض .. قلت لها هذا من الطب النبوي أنا ما اكتششفته بروحي

وصدق رسول الله إللي ما ينطق عن الهوى .. وإذا تبين بحطلج معلومات عن القسط الهندي

بس القسط لا تستخدمينه أيام الدورة الشهرية .. لأنه ينشط افراز الدم .. فيستحسن ما تاخذينه .. والمرأة الحامل تتوقف عن أكله طبعاً

إذا عندك صداع .. تقدرين تحطين نسبة قليلة جداً على راحة إيدج وتستنشقينه .. سبحان الله تدخل الريحة في الراس ويخف الصداع بفضل الله

وإذا في عندكم أحد يعاني من الزكام .. تحطين أقل من ربع ملعقة في أقل من ربع فنجان ماي وتخلطينه .. وبعدين تشربين قطنة بالماء إللي خلطتي فيه القسط وتقطرين قطرتين ثلاث في كل أنف ثلاث مرات في اليوم أو مرتين .. حسب شدة الزكام .. وإن شاء الله يومين ثلاث ولا كأن كنتي تعانين من الزكام .. وهذي الأشياء كلها مجربة إللي أقول لك عنها

وقرأت بعد إن إذا كان عندك سعال .. تاخذين القسط مع العسل وبإذن الله يتم الشفاء

أختي أنا حاولت قد ما أقدر أفيد البنات في موضوع المتكيسات .. بس الظاهر البنات مهتمين في الدواء الصيدلي أكثر .. وترى الأعشاب إذا ما نفعتك ماراح تضرك مثل الدواء ..

فإنتي انشري هالكلام .. وابحثي في الإنترنت إذا مو مصدقة كلامي .. وبتحصلين كل شيء عن القسط الهندي .. وتقدرين تتأكدين من خلال كتب الطب النبوي بعد

وأخيراً وليس آخراً .. أسألك الدعاء بأن يذلل الله المصاعب ويفتح علي .. ويفرج همي .. ويرزقني ما أتمنى وييسر أموري

الدعاء ولا أسألك غيره

........................

تجربة أخرى :

بقولكم تجربتي الشخصيه يابناات والله ان دوورتي مستحيل تنزل الابعلاج ماتنزل عنطريق الاعشاااب ولما قريت عن القسط الهندي اشتريته واستخدمته 3 اساابيع والله ياابناات ان اسفل بطني الم في المباايض
الحمد الله والشكر لك يارب البويضاات حلوووو حجمها بسبب القسط الهندي وانا كنت اخذه مع ملعقة
عسل حتى يغير طعم المرااااار لانو هو مررر واخذه 5 مراات بعد كل فرض صلاه ... وبعد شهر من استخداامه جاتني الدووره الله يكرمكم والله يابنات اول مره تنزل علي بالشكل هذا دايم مجرد كدره واحياان تنزل واحياان لااا ... اللهم لك الحمد وقررت اني استخدمه للمره الثاانيه وربي يكتب لي ولكم الشفااء ع هذا الدووواء .. اللهم امين ...

...........................


أسأل الله للجميع الشفاء والعافية
دمتم في رعاية الله .


منقوووووووووووووول
65
900K

هذا الموضوع مغلق.

أيّاااااااان
أيّاااااااان
جزيت خيرا
أنا تو بادية فيه آخذ ملعقة صباحا, وربي يتمم لنا ع خير
في ظل الوعد1111
في ظل الوعد1111
نقل هادف بارك الله فيك اختي
احلى من العسل
احلى من العسل
شرفني مروركم أخواتي الغاليات
الله يجزاكم خير
أناهيد السحر
أناهيد السحر
تسلمين يالغلا عالنقل
روح قاسي
روح قاسي
انا اخذه عشان دورتي تبقى منتظمه
اخذه باليوم االلي المفروض تنزل الدوره عشان تكون منظمه,,,اخذته 3 مرات بنفس اليوم والمفاجأه انه نزلت الدوره علي فعلا وبنفس اليوم..
وكذلك اخذته بعد الابره التفجيريه لمن مانفعت معاي الابره وسويت فحص سونار لقيت ان البويضه كبرت زياده لحد 24 وخففففت تتحول الى كيس وظليت اخذها الى موعدي مع الدكتوره اللي بعده وكان بعد يومين تقريبا وسويت سونار وقالت الدكتوره انها انفجرت..
وهذا بفضل ربي ثم بفضل هالعشبه..جدددا مفيده رغم مرارتها الحااااده..