تجارة الأعشاب وأرباحها الهائلة

السلام عليكم ورحمة الله وبركاته
مش عارفة ليه البنات مش متحمسة لموضوع الكريم أنا عايزة افتح عطارة عالم حواء تشترك فيها بنات من جميع الدول العربية وكل واحدة تشتري الأعشاب بالجملة وتغلفها مع كتابة فايدتها واستخدامها على الغلاف ولو حتى في شنطة بلاستيك ونكتب المعلومات في ورقة داخل الكيس لأن مش مهم التغليف المهم الفايدة وبكدة نضمن ان احنا عملنا حاجات بايدينا لا مجال للغش أو الخداع لأن صدقوني الأعشاب امنه جدا في الاستخدام وال أدوية ولا مضادات حيوية ليها أثار جانبية
عايزين نرجع للطبيعة بايدينا نحمي نفسنا وأولادنا من مخاطر الكيماويات نرجع للطب النبوي الي لا فيه أضرار ولا مخاطر
ربنا يكفينا جميعا شر المرض وأولادنا وأزواجنا والمسلمين جميعا عايزين بنات تخدم الأمة الاسلامية وترجعها للطبيعة وتبعدهاعن الخطر الي بيهدد الأجسام والشعر والبشرة
ونشرب الأعشاب الطبيعية النافعة للحماية من الأمراض بدل الشاي والقهوة ونخلي أعشابنا العربية هي مشروباتنا الرئيسية كل واحدة حتشترك معايا حبعتلها مقال عن كل عشب وفوايده واستخدامه عشان تتأكدوا من كلامي ولما تشتريه من العطار تسأله ومع الوقت حتحفظ الأشكال والاستخدامات وتفيد أسرتها وتفيد المجتمع
عايزة بنات متحمسين لافتتاح عطارتنا الجديدة لأنه غير الثواب الي حتاخده من ربنا تجارة الأعشاب تجارة مربحة جدا جدا جدا لأن الأعشاب بالجملة سعرها رخيص ولما تعملي توعية للناس عن فوايد الأعشاب وتصوري مقالات الأعشاب وتوزعيها في منطقتك حتلاقي اقبال رهيب لأن بعد الناس عن الأعشاب انهم مش عارفين فوايدها فلما تعرفيهم حتكسبي ثواب ودخل مادي وتبقي عطرة مشهورة في مدينتك