الله يوفقك ياقلبي ويسهل امرك

وربي انا زيك وكذا مرخ حطيت موضوع في المنتدى علشان يساعدوني البنات بس الادراه تمسحه يحسبوني ابيع

افضل دراسه انك تبدأين شوي شوي

وشغل اليد بعد ماتشري الاغراض كلها احسبي تكلفتها

مثلا اغراض 50 كب كيك ب 100 ريال

ممكن تخلين سعر الحبه 4 ريال على التكلفه 2 وشغلك 2

يطلع 50 كب كيك ب 200

مكسبك 100 ريال

وشغل اليد حسب المهارة يقدر اذا حلو ومتعوب عليه يحق لك سعر ارفع لو عادي سعر اقل

وخير الامور الوسط لاترفعين اسعارك مره ولا تظلمين نفسك

والله يوفقك

بالتوفيق ياعسل بس لو سويتي دراسة مبسطة مو معقدة بيصير بح ولا احلى وكل شغلك منظم

حبيبتي التجارة يبي لها خبره

وكل الناس تبدء شوي شوي عشان ماتكون الخساره كبيره

انا اشتريت دهن عود ومسك وصرت ابيعه بسعر حلو ومربح بسيط لاجل التصريف

اهم شي ماتطمعين لان الربح القليل المستمر احسن من الكثير المنقطع بعدين تقعد الاغراض بكبدك

والحمدلله مربحها جدا حلو وصرت اعطي الي اعرفهم جمله بربح زهيد مثلا البضاعه تكلفني 100 ابيعها عليهم بـ120

بعد التجربة راح يتفتح تفكيرك لاساليب وطرق اكبر للربح واستثمار المكسب

اذا انتي توزعين بنفسك بتربحين 4 اضعاف راس مالك لكن التوزيع بطيئ

اذا تعطين احد يبيع لك بتربحين 3 اضعاف راسك مالك اذا بتعطين نسبه للي توزع والتوزيع راح يكون اسرع

اذا بتبيعين جمله راح يكون ربحك ضعف او اقل لكن تعتبر طريقة سلم واستلم واريح


ان شاء الله اكون افدتك ودعواتك لي بالتوفيق