تجارتي وانا صغيره ادخلو وفلوها

يوم كان عمري تقريبا 10سنوات طنت في راسي فكره البيع
واشغلت امي الا ابيع وترى من حيني احب التجاره كبرت وكبرت معاي
بس خلوني اقولك عن تجارتي وانا صغيره
قالت امي وش تبغين تبيعين قلت اي شي وانا مره متحمسه
قالت خلاص خذي عشرين وروحي البقاله واشري بساكيت وحطيها في كرتون طمام ولا سحاره برتقال وطسي عند الباب وبيعي
ياحبي لامي ماتبي تكسر خاطري
كانت العشرين اول تجيب شي يروع مو الحين يالله ببسي العائله وليز كبير ومارس ياحبي للمارس
المهم واروح افحط في الظهر عاد اول مافيه خوف تطلع الوحده اي وقت والله ماتخاف من احد ابد
الا الولد اول يخاف من البنت ولله لو يقول كذا بعينه جاه ذاك الكف والا ذيك الحصاه في مفرق راسه والا طرف اذنه
نكمل واروح اركض ماسكه العشرين ومعرقه في يدي
واقش من البساكيت اول يمممممممممممم
المثلث وابو نجوم من تحب ابو نجوم انا اموت فيه وبساكيت ثانيه
والله تقريبا شريت حوالي اربع كراتين وشي بالحبه
وركض على البيت وادخل المطبخ والقى ذيك السحاره كلها نمل
وانفضها نفض وانكسر طرفها بس مايهم شي يضف بضاعتي :)
امحق بضاعه
واطلع قبل العصر من الفرحه :42:حتى الغدا ماتغديت واجل عند الباب احتري احد يجي
وادور على قطعه كرتون احطها تحتي ذبحتني الشمس اللهم ياكافي طالعه في القوايل
احتري احتري وامي كل شوي ورى الباب ادخلي تغدي تونا الناس في بيوتهم وش عجله عليه
ولا ارد عليها
ابي اي احد يمر يشوفني المهم واقوم متضايقه واروح بيت جيراننا واطق عليهم الباب بذيك الحصاه
تخبرون اول مفيه جرس الا القليل
ويطلع ابوهم لابس وزار يصارخ علي خير وش تبين
قلت ابي منيره الي هم بناته قال يتغدون اذا ج العصر تعالي
وتجيني ذيك العبره وصك الباب في وجهي
يعني الا غصب احد يشري مني
ياربيه ماادري وشفي ذايك اليوم طول العصر مااذن والله بغيت اروح ااذن عن المؤذن من الشفقه
المهم اذن بعد جهد جهيد وراحو الناس يصلون
وانا من الجوع كلت نص البسطه ما شافها احد
المهم جو البنات وشافو بسطتي وضحكو علي الي تقول وشذي شويه والي تتريق تقول الي عند محمد احسن
محمد راعي البقاله
والي تقول بساكيتك مايعه من الشمس اكيد بتميع وتذوب من الظهر وانا في الشارع انا معت
المهم بعد هذا كله شرو شي بسيط
والباقي كلته وشي وزعته على اخواني والله فشله
بس مااستسلمت ابد
وافكر في مشروع ثاني افكر وافكر ولا لقيت احسن من البليله يممممممممممممممممممم
واروح اشغل امي
يمه تكفين واترجاها
المهم ياعمري عليها شرت كيس وطبخته
وحطته في قدر كبير ونسيناه من الصحايه وادود عليه النمل :eek:
ياربيه وشذا الحظ
المهم بغت امي تكبه واحلف وهي تحلف شكلنا يموت من الضحك قالت تبيعين الناس شي كله نمل
قلت ابد مع الشطه والخل مايبين
المهم جت اختي الكبيره وشخلت البليله عشان النمل يروح وانا واقفه فوق راسها خايفه تكبه:(
المهم وادور على سحاره ثانيه ووووووه ياكثر السحاحير عندنا اول هههههههههههه
واحط فيها البليه في قدر وجهه اكياس سفري وجهه صحون استيل الله على زمان الاستيل في كل بيت
وجهه مويه اغسل بها الصحون بعد الاستعمال وجهه ملاعق
ماصارت سحاره صارت صاله
والشطه والخل واوووووووووووووو
والله عليها طعم يخبل يخبل
من عقب ذا النمل ا لكل اكل حتى الي في الحاره الثانيه جو وطلبو مني ولاهلهم بعد
ولا احد مرض ولا جاهم الا العافيه تذكرو لا تكون وحده اكلت من بليله النمل بس اقولكم شي خواتي واخواني ما فكرو يطلبون مني حتى انا ماكلت الاملعقه ماادري ليه ضنكم عشاني اعرف السبب
يمكن نيتي زينه والله ان نيتي زينه وجمعت مبلغ رهيب :icon28:
المغرفه بريال مابي اقولكم المبلغ اخاف تحسدوني خخخخخخخخخخخخخخ
والحمد لله هذي نهايه قصتي ويا بسطتي
الحين كل وحده تقولنا تاجرتي يومك صغيره قصدي بعتي مثلي في الحاره تفاعلو معي ولكم :26::26::26:
ـ