تجاعيد اسفل العين :(

جربي موية الورد خذي شريحتين قطن وحطي عليهم موية ورد بارده وحطيهم على عينك

وان شاء الله تنشد معاك المنطقه استمري عليها شهر

وان شاء الله البنات يفيدونك بتجاربهم

هاي سلام
انصحك تاخذي كريم خاص بهذه المنطقة
يكون مناسب لبشرتك عشان هذه المنطقة كتير حساسه
وانتي ولي يناسبك..

انا ودي استخدم كريم اولاي بس اخااف بليز بناات اي وحده تعرف تقوول لي

شوفي هذا الموضوع للاخت نووووووض وبس

(حصرياً ولن تجديه الا عند نوض وبس) •·.·°¯`·.·•



السلام عليكم ورحمة الله وبركاته <-- نسيت اسلم عليكم:$

مثل ماتعود الطيور لاعشاشها عدت لاخواتي بعالم حواء مع العلم انه بسبب ماحدث لي من تجريح وظلم في اخر موضوع لي قررت ان لا أعود ولكن يجمعني ببعض الاخوات هنا حب ف الله وماأنسى كل وحده سألت عني بغيابي ربي لاتحرمني منهم


وتنبيه : الي حترد علي برد لايمت للدين والاخلاق والتربيه بصلة ماراح اسامحها لادنيا ولااخره ويكفي ماسوته فيني وحده من العضوات مدري الاعضاء بالموضوع الاخير ولاتنسى ان حقي منها سوف اخذه يوم القيامه كاملاً


موضوعي الحصري اليوم اتوقع محد كتب عنه دايم اشوف استفسارات ومواضيع اسئله بس ماعمري لقيت حل لهالالشي فرجاء خاص تعبي ومجهودي مابيه ينقل لاي منتدى الا بوضع اسمي عليه



الموضوع عن


الخطوط الصغيره حول العينين والفم


علاجها بحول الله وقوته بيكون معاي والحل عندي

بنات الي تعرف شي وتخبيه عن الناس حسد وغيره بالله بأيش راح ينفعها هالحسد وهي فـ قبرها؟؟

بسم الله نبدا تحملو طول الموضوع بس بالاخير تفرحون

صراحه انا عندي خطوط دقيقه ركزوا ماقلت تجاعيد

وشكلها عقدني وتعب نفسيتي خاصه ان عمري موكبير مره يعني بالعشرينات
رحت لعيادات مشهوره وكانت كلها نصب بنصب ماسويت شي من الي يقولونه لاني ماسوي شي الا بقناعة تامة تخيلو احد العيادات قالت تحقن لي المنطقه بالبوتوكس بسعر 3000 ريال سعودي!! لا وكل 3 شهور ارجع اسويه
رحت لدكتورتي الخاصه وهي مصريه الله يسعدها هالانسانه وقالت لي البوتوكس سم ويشل العضلات وغير كذا ماينفع الا للتجاعيد القويه الي توجد في زاويه العين الخارجيه ومستحيل يوصل لتحت العين ((الخطوط الدقيقه))
يئست وتعبت
بس قبل ابي انبهكم لشي مهم

أسباب الخطوط الدقيقه :1: النوم على الوجه
2: استخدام وسائد (مخدات) خشنه ومنقوشه
3: آآآه بس كثره المسح والدعك وهالمشكله تغلبت عليها (راجعي موضوعي عن طريقة جديدة لازاله المكياج ))
4: البكاء الكثير (الله يبعد عني وعنكم كل هم وحزن)
5:تقدم السن
6:قلة شرب الماء
7:الاستخدام السيئ للكريمات وغيره

امـا العلاج وهو الهدف الاساسي من كتابه الموضوع والي من اليوم تنتظرونه
(ادري ادري اني طولتها بس الصبر جميل) <-- ألفت مثل على السريع لووووول


أولا: غسل المنطقة جيدا بالمنظف الخاص ببشرتك
ثانيا:قناع او مسحها بمغلف الشاي الاخضر لمده لاتقل عن 15 دقيقه مشهورالشاي الاخضر بأنه مضاد لعوامل الاكسده
ثالثاً: دهنها جيداً بالزيت الموجود بكبسولات فيتامين هـ E تاخذي كبسولة واحده وتفتحينها بدبوس وتاخذين الزيت الموجود بالداخل ((ركزوا))
رابعاً : بعد تشرب البشره للفيتامين ادهنها بجل خاص لهذه المنطقه اسمه
GLYCOLIX


ممكن تنامين فيه والجل يستخدم مرتين يومياً

خامساً : اذا ماحافظتي على المنطقه من اشعه الشمس المباشره فكأنك ماسويتي اي شي استخدمي نظاره شمسيه من نوعية جيده


الصور:

هذي صورة الثلاثي المرح الجل .. الكبسولات,, الشاي الاخضر


هذي صورة الكبسولات واعذروني العلبه قديمه عندي


هذي صورة الجل الخاص بمحيط العينين


هذي صورة اخرى للكبسولات


الحين دور الاحوال الجويه والطقس

بسم الله <-- مسكت العصا حقت الطقس

اسئلة متوقعة لهذا اليوم

س: كم مدة الاستعمال ومتى تبان النتيجه؟ج: استخدميه لمدة شهر والنتيجه تبان من ثاني اسبوع باذن الله
س:ينفع للتجاعيد القويه؟ج: مادري لان الي عندي خطوط دقيقه وليست تجاعيد
س: الكبسولات استخدم الزيت ولا ابلعها؟ج: لو بلعتيها ذبحتك خخخخ لا بس تدهنين بالزيت الموجود بالداخل
هاه تخيلت انكم تسألوني وجاوبت
الجل شريته من صيدلية الجميله التابعه لعيادة ايان بالرياض
والكبسولات شريتها من صيدلية طب السعوديه الموجوده بسوق خريص بلازا بالرياض

عفاك الله