تجاهل زوجي اللي ماينتهي

بنات انا زوجي عععججزت افهمه اول سنتين من الزواج كنت فاهمته بس والله اللحين ثالث سنه اول مره احس اني رجعت لنقطة الصفر !! من بعد رمضان وهو انسان ثاني فجاءه صار ساكت ولا يتكلم ولا يمزح والله العظيم ما ابالغ له اللحين ٣ شهور يدخل البيت على الجوال اقسم بالله كلمه وحده ماتطلع منه واذا طلعت يكون طلب فقط اقسم بالله احس صرت عايشه بالبيت لوحدي تعودت على غيابه جيته روحته ماتهمني لان كلها واحد اول شهر كان يقول مضغوط من شغلي وتركته على راحته وراح غير من نفسيته وسافر لندن ورجع وهو هو انا مايهمني خليه كذا بس ليه بس معاي ؟ تركته شهر بعد مارجع من لندن على كيفه ورجعت سألته انت فيك شي علمني انا زوجتك عشان اقدر وضعك وافهمك وما اضغط عليك بشي انت تعبان من شي انا غلطت بشي قال لا حلفته وحلف ! بس ليته بس ساكت كان تحملت لا يرد علي بدون نفس اقسم بالله لما اكلمه الكلمه ماتطلع منه الى بعد ماسأل مرتين كل عام وانتي بخير ماسمعتها منه تجاهل تام بالعيد ومع اللي برا ضحك وسوالف ومزح ! هذا اللي خلاني انصدم حتى بالعيد مع اخته يهلي ويرحب فيها ! المشكله لو فيه شي راح يقول انا اعرف زوجي ! والله اطنش يداوم مايعلمني ينام بالدوام استلام مايقولي الى لما ادق عليه اي مشكله صغيره يكبرها ! ويزيد زعل وتجاهل شايلني من الستوري اللي بالسناب ! ومخلي اخواته ! مع اني والله مو انسانه دقيقه وتاركته وعايشه حياتي بس خلاص نفسي بتطق الواحد عنده قدرة تحمل بتقولو عيشي وطنشيه بنات انا عايشه مع انسان اخدمه اوكله اشربه ارتب بيته وانام معاه بشكل شبه يومي القى مقابل شخص متجاهلني تجاهل تام ! سويت معاه اسلوب التطنيش ولا نفع اسلوب الكلام الحلو ولا نفع الاهتمام ولا نفع وش الحل ! لاني وصلت اخري اخرها اليوم قدر الضغط حقي خرب وماصار يصفر حطيت الدجاجه وقلت بخليها تطول لان القدر خربان وخليتها ٢٠ دقيقه وقمت اكلم صديقتي بالجوال فجاءه اشم ريحه لما جيت محترق بس الدجاج موجود ماحترق قلت له بسيطه انا اضبطلك معليك قال لا مابغى ويدق على امه يقولها مسويه غدا ؟؟ لما قفل قلت وش امك تقول اللحين ماعنده زوجه تسوي له ! قال ايه ماعندي زوجه وقالها بجديه والله ي بنات كلمته جرحححتني قلت يعني هذا كله اللي اسويه لك عشان غلطه بسيطه تنسى ! قال ايه طنشت بس كلمته بقلبي لاني مو مقصره انظف ودايم يجي وغداه جاهز يتروش ويطلع ملابسه جاهزه ومكويه العصريه القهوه جاهزه يصحى من النوم البيت منظف وريحته تفتح النفس مو مقصره عليه بشي ودايم اهله يقولو له يعني عشان هالغلطه نسى ! المشكله انا عندي مرق جاهز مكشن رحت حطيته وحطيت الرز وجبت الغدا الى يدق صاحبه الباب قلت سويت الاكل قال وانا قلتلك مابغى ادخلي جوا الاكل كان بيدي طبعاً دخلت وكملت غداي الحل معاه بنات ! افكر اتجاهله تجاهل تامممممم حتى النوم مابغاه