تجاوزت نوبات الهلع الحمدلله

السلام عليكم
تجاوزت نوبات الهلع والخوف ووسواس الموت
باقي الثنائي القطب الوجداني باذن
الله اتعافى منه الله كريم
مافيه شي صعب على ربي
جت لي فترة تعبت فيها مرره تعبت
نفسيتي كانت بالحضيض وكانوا اهلي يخلون رقاة يقرون علي
بس تجاوزت هذا الشيء بنفسي
وجتني نويات هلع وسواس الموت
وكانت تجيني احاسيس غريبه وافكار غريبه بسم الله
احس لما انام
السرير بيطيح فيني اوينخسف اعوذبالله كذا بدون سبب منهم ومن وسوستهم نعوذبالله منهم ومن ابليس واعوانه من اذاهم
كنت احس بارهاق شديد وخفقان قوي واحس بموت
والارض تدور بي واحس اني شوي واموت ومرات احس بالدوخة اواحس بيغمى علي من التعب
تدرون وش كنت افكر فيه كنت افكر بلحظة سكرات الموت وقبض الروح انها اصعب شي بالوجود وهي فعلا صعبه
لكن المفروض اني اقرا عن قصص الصالحين واللي كتب لهم ربي حسن الخاتمه وكيف مرت ارواحهم بسلاسة من اجسادهم وذهبت عند خالقها
انا
ماكان عندي حسن توكل على الله قوي وتسليم بان روح المؤمن تخرج خفيفه من الجسد بالعكس روح الكافر
ويمكن عوارض روحيه اوشي 😭
المهم لكن الحمدلله
كنت اشغل قران وانام عليه اورقية وانام عليها
والتزمت بالبقره يمكن شهر كامل ومارجعت لي ابدا
مع العلاج النفسي
مع اني المفروض التزم بها
واذا حسيت بارهاق اريح نفسي واتنفس بعمق واهدا من كل الافكار خصوصا السلبيه لاتوترين تفسك
واهم نقطه يابنات التوكل على الله حق التوكل
وااقتنعي بذي الفكره
كل الناس زيك وتحت رحمة الله
باي لحظة بيموتون مثلك انتي بتموتين يوما ما
قوي ايمانك وتوكلك على الله
عطي نفسك امل وايجابية
وتفاءلي وقولي بعيش كل شبابي وبتتحقق كل امنياتي وباذن الله وربي يطول بعمري لاتستخسفين الكلمات البسيطه اللي نفكر بها ونحدث انفسنا بها
كلمي نفسك اقنعي نفسك موكلام بس تقولينه وتنسينه فكري بها زين واقتنعي توكلي على الله وحده
وقولي لو مت وكتب لي ربي اتوفى
بروح لرب رحيم بعباده لطيف غفور رحمن رحيم سبحانه
ارحم من الام بولدها
عطي نفسك معنويات حلوة
واذا ماقدرتي خلي احد ينام عندك من اهلك
اومن عائلتك
لين ماتغطين بالنوم
وبعد
وكنت افرش سجادتي
واصلي وادعي من كل قلب اني ربي يخففها عنها وان ربي يشيفيني منها نهائيا والحمدلله
حتى الضيقه كانت تجيني احس بالموت اقصد احسرالدنيا سوداء ومافيها سعادة اوحتى متعه
من الاكتئاب الله يعافينا منه يارب
وخف عني بشكل كبير الاكتئاب وباذن الله انتصر على الثنائي القطب الوجداني بشكل عام
زمان كنت اذا نعست وارهقت مره تجيني والحين الحمدلله ماتجيني ابدا الحمدلله ياربي لك الحمدلله 😌🥺❤️❤️❤️😭
لاتيأسين وتأكدي ان الفرج قريب
والمؤمن مبتلى
تذكري هذه الصحابيه
عن عَطَاء بْن أَبِي رَبَاحٍ، قَالَ: قَالَ لِي ابْنُ عَبَّاسٍ: " أَلاَ أُرِيكَ امْرَأَةً مِنْ أَهْلِ الجَنَّةِ؟
قُلْتُ: بَلَى.
قَالَ: هَذِهِ المَرْأَةُ السَّوْدَاءُ، أَتَتِ النَّبِيَّ صَلَّى اللهُ عَلَيْهِ وَسَلَّمَ فَقَالَتْ: إِنِّي أُصْرَعُ، وَإِنِّي أَتَكَشَّفُ، فَادْعُ اللَّهَ لِي.
قَالَ: إِنْ شِئْتِ صَبَرْتِ وَلَكِ الجَنَّةُ، وَإِنْ شِئْتِ دَعَوْتُ اللَّهَ أَنْ يُعَافِيَكِ .
فَقَالَتْ: أَصْبِرُ، فَقَالَتْ: إِنِّي أَتَكَشَّفُ، فَادْعُ اللَّهَ لِي أَنْ لاَ أَتَكَشَّفَ، فَدَعَا لَهَا "رواه البخاري (5652)، ومسلم (2576).
سبحان الله ماتدرين مرضك اوابتلاءك سبب بدخول الجنه اعرف اننا ندخل برحمة الله سبحانه لكن ممكن يطهرك من ذنوبك ويرفعك بدرجاتك الله يجعلنا من اهل الجنه
اعرف ان النصح بالصبر شي صعب مررره
وان الكلام مو مثل الواقع
لكن اصبري وتوكلي على الله والفرج قريب باذن الله
ولاتضيقين فان الفرج قريب
وضاقت فلما استحكمت حلقاتها
فرجت وكنت اظنها لاتفرج
يارررب عافيه وشفاء لكل مسلم ومسلمة امين يارب
🍃🌹