السلام عليكم ورحمة الله
رمضان كريم ينعاد عليكم بالخير والبركات
أنا إنسانة متعودة اطووول بالي مررررره خصوصاً على الناس اللي تقربلي نفس أهل زوج او أقارب او اهل
لكن اخواتي بعض الاوقات تزيد ذا الاسأله عن الحد الطبيعي فالواحد شوي يبداء يتضايق ويحس انه في جلست تحقيق ومو زياره وأداء واجب ،،
اخواتي أنا صرت كل مره اروح فيها الأهل زوجي
اخت زوجي الله يصلحها تدخل في اساله خصوصيه
واتحاشى ارد وتطالع بعيوني وترجع تسألني ولايهمها انا طبعاً مابي اغلط عليها او ارمي كلمة.. مهما كان الواحد يكبر راسه خصوصاً مع الأقارب
بعطكم نبذه عن حركاتها وابي أساليب تخليها توقف لانه جد الموضوع صار شوي مزعج بالنسبه لي
مثال
هي: ماشاءالله شريتو ملابس العيد
انا: ايه
هي: بكم
انا : مادري ماشفت الأسعار
هي :من وين
أنا : مادري نسيت
هي: هذا اللي عليك ذهب
انا :ايه
هي : متى شريتيه
انا :قبل سنه
هي : وين بتروحون بالعيد
انا : بروح عيد خوالي
هي من بيوديكم ؟؟
انا: اخوي
هي: اي اخوانك ؟
انا: اخوي فلان
هي: وش بتحطون بالعيد بوفيه ولا زي ألسنه اللي راحت مفطح ؟
انا: مادري والله
هي : طيب انتي وش بتجيبين هدايا عيد
انا: ماقررت إلى الان
هي : طيب فستانك حق العيد شلونه
انا: لونه اسود
هي : اها طيب في رمضان تروحين اهلك تفطرين عندهم؟
انا: لا والله مو دايم ..
هي: يعني من بدأ رمضان كم مره رحتي؟؟
انا: يمكن رحت مرتين ..
هي : اخوك توظف ؟
انا: لا
هي : والثاني ماعنده نية عرس ؟
انا: لا
هي : انتي تطلعين برمضان ؟
انا : مو دايم
هي: اختك فلانه تجي اهلك يومياً
انا: مدري عنها
هي: انتي إذا رحتي اهلك تشوفين اختك عند اهلك
انا : ايه
هي : اجل شكلها كل يوم اختك مسنتره عند اهلك
انا: والله مدري
هي : الله يستر عليها لايكون بينها وبين زوجها مشاكل عشان كذا مسنتره عند اهلك
انا: لا ليش فكرتي كذا
هي: انتي تقولين هي عند اهلك دايم
انا: لا من قال
هي: الله يستر على أخيتك ويسخر لها زوجها ذا الرجال اللهم عافنا
وهكذا تحقيق تحقيق تحقيق من باب المزح مرات اقول بدأ التحقيق واضحك أبيها تفهم لكن لاحياة لمن تنادي اخواتي كثير قالو ردي السوال بسؤال تسكت سويتها ترد علي ثم تبلش هجوم واسأله تكفون أنا فاض بي خصوصا برمضان تكود في الاساله والتفاصيل وتسال عن جد جدي السابع الدرجة قلت رمضان مو لازم تجي لكن جد
انا مليت
انا بنفجر
تكفون يالحكيمات شلون أتصرف مع ذا العينات تكفون وربي مليت وصرت أشيل هم جيتي لهم ولا أحب أبدا اقول الزوجي شي ابد ابداً ابي أتصرف بطريقتي بهدوء
العضوية الراقية
يلزم عليك تسجيل الدخول أولًا لكتابة تعليق.
العضوية الراقية
•
العضوية الراقية :
والله ماعرف أنا اعطيها جوها واسوي روحي مندمجمة معاها ومع لقافتها 🤣 واحط مثل هالفيس عشان لاتحسب انها مضايقتني واقولها شكرا حبيبتي ماقصرتي😂 احيانا نتعامل مع ناس ودنا نجلدهم لولا الصبر🦁 احملي خاتم الاستغفار وطول مانتي جالسة معاها استغفري يمكن تحس وتسكت وحاولي ماتطولي عندها .والله ماعرف أنا اعطيها جوها واسوي روحي مندمجمة معاها ومع لقافتها 🤣 واحط مثل هالفيس عشان لاتحسب...
وهذا اللي أسويه تسليك لكن قلت لعلها في طرق أخرى ،،مشكله والله اللهم طولك ياروح الضغط عندي بيولع🤣
العضوية الراقية
•
زينب :
حطي سماعه وكأنك مو منتبهه وإذا سألت جاوبي بالقطارهحطي سماعه وكأنك مو منتبهه وإذا سألت جاوبي بالقطاره
هو أنا اجاوب بالقطاره وهذا اللي تطلعه مني.. أنا مدري هل هذي النوعيه من الأشخاص ممكن يستحون ويتركون ذا الطبع ...
الصفحة الأخيرة
احيانا نتعامل مع ناس ودنا نجلدهم لولا الصبر🦁
احملي خاتم الاستغفار وطول مانتي جالسة معاها استغفري يمكن تحس وتسكت وحاولي ماتطولي عندها .