تجديد الحياة الزوجيه

بنات حوا حبيباتي انا مره متضايقه من حياتي
انا احمد ربي على النعم الكثيره اللي انا بيها بس والله اني تعبت
تعبت وماعدت قادره اتحمل
انا من اكثر من شهرين والده وبعد ماجبت بنتي تغيرت حياتي مع زوجي سرت انام الساعه10 بالليل ومااقعد مع زوجي وسار زوجي يطلع ويسهر مع اصحابو لل 1 و2 و3 والفجر كمان انا اصحى اصلي الفجر والاقيه هوه دوبو يبغى ينام انا اقوم وهوه ينام انا انام هوه يخرج وكم مره مايجيني نوم وابغا اسهر الاقيه خرج وقعدت لحالي
وحتى طلعات وخرجات مااخرج ولا اروح ولا مكان وازا مره مره خرجني البحر لفه ورجعت ع البيت بنات احس اني مخنوقه حابه اغير جو واروح رحله بعد الحمل والولاده والتعب حابه احس بشي جديد يجددلي حياتي وارجع متحمسه ومبسوطه...تحاورت معاه كذا مره بس داءما يقولي اولادك صغار بس يكبرو وماعندي فلوس وحجج تانيه وللعلم عندي طفلين فقط سنتين ونص وطفله شهرين
انصحوني ايش اسوي ؟ كيف اجدد من حياتي وارجع مبسوطه ومتحمسه للبيت وللشغل مره تعبت قولولي انا اللي احسو طبيعي انتو مثلي؟