مشكورين حبيباتي على تفاعلكم..

ما يعيبه ارفففففففففع صوتي ابدن
اصلا هو النقااااش ما يحبه
كيف لو ارفع صوتي ..
اتوقع بيكسر راسي

والله حبيبتي :
كنا كل ما نتعارك وارفع صوتي والحقيقة اني عصبيه كثير
وتوصل بيناتنا الى الصياح
علطول الاقي الكف على وجهي وياريت هيك بس
لا ويتحول الى وحش كاسر ويبدا في ضربي ذاك الضرب اللي يعجبك
الله يسامحه ينسى اني مرته وام اطفاله
وكم مرة خفت انو يسويلي عاهه من ورا هالضرب
وكنت ما اقول لاحد من اهلي اقول معلش اتحمل لخاطر جهالي وصرت اتحاشى اصلا اني اتكلم معاه
بس الحمدلله عللى كل حال
طولتها اعذروني

ياما وياما رفعت صوتي خصوصا اذا كان غلطان والله اني مره كان مسوي حركه يعني شو اقولكم تقهر وتكسر ويعني تخيلت اني مالي اي قيمه عنده وكان مخبي علي اللي مسونه وعرفت بالصدفه رحت البيت ومع اني دخلت كرمتو الحمام وتوضيت عشان ابرد الحره اللي فيني وامسك اعصابي بس والله ما قدرت حسيت اني ابغي اصارخ لين اسمع كل الناس ان مالي قيمه عند ريلي وامسكه واضربه لين تبرد حرتي وارتاح وقعدت اصارخ عليه وسمعته كلام بصراحه اول مره اسمعه مثل هالكلام القوي بس مادري شو صار فيني هو ماقدر طبعا يرد علي وقالي اللي قالك ( اخوي ) مب ريال لو رجال كان ما قالك طبعا اخوي مسكين مايدري اني ماعندي خبر وهو بغا يحطها براس اخوي عشان يقلب السالفه بس على منو رديت عليه ان اللي مب ريال مب اخوي واحد ثاني لو ريال ما سوى كذا بحرمته ام عياله <<< ياقويه
والله اني ما اذكر نص الكلام اللي قلته له بس هو سكت ولا رد علي يعرف نفسه غلطان قمت رحت سبحت ونمت والفجر قام حق الصلاة ولما رجع قومني صليت كالعاده وقعد ينتظرني لين خلصت وهجم علي يراضيني ويحلف لي انه مب قصده بس طبعا واضح جدا انه كان اناني في الموضوع ولا راعى شعوري وحاجاتي ومسوي السالفه عمد وانانيه الهبلاااااااا <<< أنا سامحته ووعدني ما يكررهاا
يمكن هاي اكثر مره عليت صوتي عليه بس اللحين ما اسمح له يعلي صوته ولا هو يسمح لي اعلي صوتي خلاص عقلنا وكبرنا ونتناقش بهدوء

بقميه كول و غرشوب رعبوب .. مشكورين والله يخليلكم أزواجكم..
**غاده قولي امين الله يهدي سرك مع زوجك و يسخره لك ان شاء الله ..