Aشاي اخضر بسكرA @ashay_akhdr_bskra

عضوة مميزة

تَجرأت وقَررت ، وكَان أَول من يسويها أَنا

صباح/مساء المزاج العــالي

كَيف هي صَباحاتكم البَاردة ، كَيف هي قُلوبكم ؟ بالكم رَآيق او مِش ولا بد ..؟

بهالدنيا كِلن ونصيبه ، كِلن وهمُومه واحزانه وافراحه وسعادته ..

بمجتمعنا العَربي ( يَصعب السهل ، لكن مايَسهُل الصعب )

دائماً امورنا تِتسهل بإذن من الله ، ثم بـ اجتهادنا البَشري المتواضع ..

الاحظ تِنحل الامور والمشَاكل وتأتي الفُرص للأذكياء، او المرتاحين مادياً، او المُتحررين من قُيود التقَاليد الوهمية ذَات الفائدة المُعدمة ..

حتى تِفهمون اكثر .. مثال ..احنا بمجتَمع المُطلقه ماتطلع وتُدخل مِثل المتزوجة ( حتى ماتكثر الاقاويل عليها ) << هالامر كَذب مارح تكثر اقاويل ابداً الا من شَريحة جَاهله ، فَاضية ، ضَعيفة نفس ..

دائماً حَال المُنفصلة يكون افضل اذا تَوفرت المادة معاها ، اذا كان لها سَواق خاص تقضي اشغالها مَعاه ..<< هذا بما يَخص المادة .. ( مُجرد مثال بسيط)

دائماً حَال المُنفصلة افضَل اذا كانوا اهلها وهي ايضاً open-minded ( مُتحررين فكرياً)

الان الناس ماصَارت تَعرف وش يعني هالمفهوم ، صار كِلن يخبص ويقول خَلك اوبن ماينديد!! او المُنغلق يقول ( اييييه تَبين نكون اوبين ماينديد وتخبِصين براحتك) !

مُجتمع جَاهل او بالاحرى سَلبي وعجزان يستوعب .. ما اعمم ..

التَحرر الفِكري مثل (التَصفيه بالتفكير لكل مايحصل بمُحيط الشخص ، الشَخص يكون تفكيره واسع ، يتقَبل الاطباع .. ينظُر نَظرة بَعيدة المدى حَسب حاجته سواء لمصلحته او لمصلحة غيره ..)

بإختصار ، حَركات التَحذلق بإسم العادات والتقاليد ماتِمشي عليه .. يَرى مايناسب دينه وحياته ومصلحته فَقط ..

مَحظوظة من تَملك اهل تفكيرهم بهالمنطِقية ، يسعون للتمسك بحقُوق بنتهم رغم انف اللي يناقزون حُولها وينقدونها ..

احنا بدِنيا غَريبه ، ربما نُوصل الأمور لبُعد سَيء جداً جداً حتى يرضى علينا المجتمع والناس الفاضية ، ماعندنا جرأه بطلب الحق بالحَياة والسَعادة ( اتكلم عن مُحيط كل وحده، قرايبها وصَحباتها ومَعارفها)

الوحده اذا انفَصلت تصير مِتخبيه ليش ؟ لان الي حُولها اشبعوها شَماته وحَركات نص كم .. !!!

الشَرهه مو على الناس ، الشَرهه على الرُوح الضَعيفه الي تِدفن نفسها بالحَيا بسبب فَضاوة الوقحيين ..

ليه الاِنغماس بحزن وَهمي وانت تحررتي من حَياة فَاشلة مع شخص لا يستحقك ! ( الله عَطاك الخيره ،بَققي عِيونك زين ودوري عنها واستغليها)

اياك و دَمج مشاعرك ، اياك و دَمج حُزنك انك ماوُفِقتي بتجربة بالماضي مع حياتك الحَالية!، الحَياه يبيلها ذكاء خَاصة بوضعك.. اقول وضعِك ( لان وضعك يُعتبر نَجاه مَهما كان ) ،انت بنعمه.. نَاقصك تَقدير لنفسك وتقدير للفُرصه الي جَاتك ..

جَاتك فُرصه للرَاحه وايجاد الذات ، لا تِضيعينها .. طَالعي الاجانب والمرتاحات مادياً، اغلبهم مَحد يقولهم عينك براسك .. تهقين ( تَتوقعين) ليه !!

هالشي مو مَعناته ان هم الوحيدات الي لهم حَق بالسعادة ! او حَق بالحرية ! او حَق بالاستمتاع وإكمال طريق الحياة !!

تَذكري مَحد حَريص على عُمرك مثلك ، حتى امك وابوك مهما حَبوك فهم كِبار بالسن ربما يغيب عنهم اهم حُقوقك بسبب ضعفهم او حِيرتهم او او ... ( لا تِعتمدين على احد)

عَقلك براسك ، لا تنتظرين تِقرأين بالتَاريخ او تسمعين فَلانه سوت كذا ، وقَدرت تنجز وتَسعد حتى تَقتنعين ان لك حق ايضاً !!

لا

لا تِنتظرين احد ..

كُوني الاولى، املكي شَرف التجربة الاولى ، كُوني الاولى الي تِسعد وتنبسط ، وتبدا مَشروع صُغنن .. الي تدرس .. الي تِطلع وتلذذ بلحظات عُمرها الغالي .. الي ( تِدلل ذاتها بما تستحق )

بَلاش تِقولين لا اخاف الناس تقول عَني كذا وكذا ..

ماعليك ، وصَدقيني دون ماتِدرين بتلاقين نَفسك نَجحتي وقدرتي على الاقل تثبتين لنفسك انك ماضَيعيتي عُمرك الغالي على فَشوش ..

نَمي الذكَاء والثِقه بنفسك ، نَمي ودربي نفسك على المُرونة والتعامل مع سَخافة بعض البشَر ..

خَليك مَرنة قَادرة تقومين من كُل طيحة .. لا تشاورين نَفسك الكَسولة الخَوافة السَلبية .. (سَوي الي يساهم لمصلحتك وسَعادتك ..) اُدرسي بحِنكة كُل شَي يفيدك مهما كان بَسيط او ع القَد ..

كُوني المحظُوظه ، اجعلي حَظك بمزاجك الواعي الِايجابي ..

كيف تَكونين مُحظوظه ؟

الحَظ بالمزاج ، اما النَصيب فهو ( بإذن الله ) فيه فرق انتبهي ..

اسعي لرضا الله ، اشكُريه على النعم .. الِحي بالدعاء .. قَدري النعم اللي عطاك .. شَغلي مُخك وكُوني عَملية ، مَرنة، كثيرة الوقوع وعَظيمة الوُقوف ..

اِصنَعي حَظك بنفسك بالتَوكل على الله في بداية طَريقك و وسط طريقك ونهاية طريقك ( اجعلي سَعيك يتَخلل هذا الطَريق بقوة)

اياك تكوني Zombie ( جُثة مُتحركة بلا روح او قُوة) ، وترمين العُذر وراء عَدم سعيك للسَعادة والانجاز بأنة ( مَالك نَصيب ، مـ الله كَتب )

هالجُملتين استغلوها الكَسالى السلبيين اسوأ استغلال ..صح ؟

الي بوضعك ماتَثق بقدرتها وحَقها بهالدنيا مو انه الله ماكَتب ، لا ... بل ( اضعتي الفُرصة ) لأن رُوح الكَسل طَاغيه عندك وجعلتك تَختلقين هالعُذر حتى يكون مُسكن لك طول عُمرك عن عدم سَعادتك..

اِفهمي ، اِعقلي ، جِني .. سوي كل شي يسعدك ويفيد مَصلحتك حسب رضا ربك ومَصلحتك بين مُحيطك ، قيسي امورك وانصِفي نفسك ..

تَذكري انك بَطلة ، لك شَرف التَجربة والمغامرة .. كُوني الاولى مِش لازم تَاريخ عن نِساء مروا بتجربتك حتى تِتقوين وتقتنعين !

عندنا نماذج ومن اعظَم النماذج ، الرُسل عليهم الصَلاة والسلام .. عانوا .. مروا بتجارب ، مَلكوا شرف الاختيار من الله سبحانه، وشَرف اثبات القوة والعزم واختبار النفس ..

فما بالك بمشَاكلنا وحال الدنيا الان ؟!

كيف لنا وجه نكون ضُعفاء ،مَعدومين الثقة وقليلين صَبر ومُرونة ونحن نعرف صعوبة ما مروا فيه الرُسل !

مَوضوع المُنفصلات من احدى المَواضيع فقط ، فيه الي ماتزوجت ، الي ماخلفت ، الي عِندها مشاكل من عُنف وتقليل شَأن من قِبل الناس..

كَلامي يَشمل كل وَحدة ماتثق بنفسها وعندها خُوف من محيطها .. وحَرمت نفسها من السَعادة ولَجأت للإنطواء عن العَالم او ايقاف اهدافها ..

تذكري ( البسي ثَوب الثَعالب اذا لزم الامر ، خَاصة مع كُل نفس مَريضه هَدفها احباطك وعَرقلة حَياتك)

بِخصوص كَلامي ، وسعو مَدارك فكركم .. اجعلوه بِحياتكم .. ثبتوه بشَخصيتكم وكونو على طَبيعتكم وعلى راحتكم .. لا يهمونكم النَاس .. حتى تفهمون اكثر كِيف ابيكم تتطبقون هالكلام خُذو الملابس والشنط والشوزات وغيره وغيره مِثال .. ( نِخاف نكرر مَلابسنا او شُوزاتنا عِند الناس والُمناسبات )

اتركي هالخُوف والخُجل المُبهم والبسي اللي يعجبك ويريحك ويُناسب وضعك ومِيزانيتك ومَزاجك ، اياك تكوني اسيرة عادات غَريبه مالها اساس من الصِحه ، (مَزاجك وبس ..) ماعليك من احد .. اكبري بعين نَفسك ولا تصيرين تَبعية لهَبل الشريحه السطحية الفاضية من المجتمع ..

جَاتني رسايل هنا وبإنستقرام .. بنَات فنانات بالطَبخ والاشغال اليدوية وغيره وغيره ، عِندهم هِبه اتقان العَمل والنَفَس الطَويل خلال الانجاز لكن للاسف الي مَانعهم عن بدء مَشروع صُغنن هو مُجتمعهم او خُوفهم من نَظرة الناس لهم ..
مايدرون ان عِند الاجانب الشُغل شغل ، الفَن فن ، الحُرية حريه خاصة بما يخص الهوايات ( عشان كذا نجدهم مُتعددين المواهب ) لانهم مشوا على طَريق معين ( مااهتموا بنظَرة النَاس لهم )

اتمنى نبطل ضُعف .. حتى مانلحقها بحَسرة بالمُستقبل ..

مُوفقين

13K

يلزم عليك تسجيل الدخول أولًا لكتابة تعليق.

تسجيل دخول

meshhh • 10 سنوات

👍

غرور ابوها • 10 سنوات

روعه صباح الخير

صدقيني كلنا نتمنى نعيش حياه فيهـا
حريه نقدر نحط بصمتنا في الحياهـ
بس مرات الضروف تصعب عليگ اشياء
بس كيذا مو معنهـا استسلم لا

ام سعودي وغاية • 10 سنوات

بطلللللة كعادتك ،،،،،، وأحب روحك ،،،،
اختلف معك بشئ بسيط ،،، المجتمع ماعدا زي اول في نظرته للمطلقة ،،، بالعكس اصبح أكثر أنصافآ ،،، يمكن لان المنطلقات اثبتو نفسهم اكثر من اول ،،،، ويمكن لان معاد في رجال تستأهل من يزعل او ينكسر عليها ،،، او حتي المجتمع يحملها وزر الطلاق ،،،،
صرت احس ان المطلقة اكثر انطلاق للحياة لرغبتها في التخلص من وضع فرض عليها ،،،
كمان اغلب النجاحات هم مطلقات او أبناء مطلقات ،،، فالمجتمع صار يؤمن ان الطلاق معاد ذنب المرأة لوحدها بل اصبح يحمل الرجل جزء كبير منها
انا علي وجه طلاق ،،، وأمي مطلقه ،،، وعايشين حياة جميله والحمدلله ،،،، وبالعكس مجتمعي والحمدلله اكثر شي شجعني للانطلاق ،،،وان الطلاق مجرد بدايه لحياة جديدة ،،،،،

قدري رفيع • 10 سنوات

هلا بالغاليه

ياصباح السعاده ..والروح الحلوه😊

فعلا كلام عين العقل..ويرفع همة كثير
من اللي انغلقت حول نفسها
..من اجل. مجتمع لايرحم

ماذبحنا ..الا كلمة..كلام الناس
الا متى

هل بينفعونك هالناس..
كلن لاهي بحاله ..وااغلب الناس صارت تفهم.وتوعت اكثر من اول
ف يولي زمن الضعف. الخوف ..الانغلاق
ولتأتي . القوه الشجاعه ..الانفتاحيه بما يوافق الدين والشرع..

بوركتي ي عيني💜

الطرفه • 10 سنوات

قدري رفيع :

هلا بالغاليه ياصباح السعاده ..والروح الحلوه😊 فعلا كلام عين العقل..ويرفع همة كثير من اللي انغلقت حول نفسها ..من اجل. مجتمع لايرحم ماذبحنا ..الا كلمة..كلام الناس الا متى هل بينفعونك هالناس.. كلن لاهي بحاله ..وااغلب الناس صارت تفهم.وتوعت اكثر من اول ف يولي زمن الضعف. الخوف ..الانغلاق ولتأتي . القوه الشجاعه ..الانفتاحيه بما يوافق الدين والشرع.. بوركتي ي عيني💜

هلا بالغاليه ياصباح السعاده ..والروح الحلوه😊 فعلا كلام عين العقل..ويرفع همة كثير من اللي...

جميل كالعادة!!!!

بس عندي لك ملاحظه ليه اشوف لك مواضيع روعه وما شالله لك اسلوب راقي !!
بس ليه ما انشوف لك ردود هنا للاسريه على البنات المنكوبات هنا هههههه
خصوصا ماشالله عليك توب بالمواضيع !!