السلام عليكم ورحمة الله
بالبدايه بأقول لحبيباتي المشرفآت حاولت قدر الأمكان أظلل كويس بس بنفس الوقت أبغآ أظهر قبل وبعد ..
طبعآ زي ماواعدتكم انو حأنزل لكم تجربه أمريكيه نزلت تقريبا 86 كيلو بس بس بسنتين ..
الحلو فيهآ انها كانت سمينه جدا ... وبس قررت تنحف ، نحفت.. مو زي معظمنآ يزيد وينقص او عايش معظيم حياته برجيم ..
والسبب معروف .. او بالأصح سببين ... اما نفسي .. انو الواحد بس فرح او حزن او توتر ع طول يأكل (والحقيقي دا السبب الي مخليني للأن ماانحف او بالاصح انحف واتخن تاني ) ..
السبب التاني انو الوحده متعوده تأكل أكل مدهن ومقالي وتحبهآ ، وبس نحفت رجعت تأكلهم يعني نظامها الغذائي خلقه سيئ ..
فحبيت أنزل دا الموضوع اترجم تجربتهآ واش عملت وكده لانها ماشاء الله ألهمت كثير وعملت DVD ماشاء الله ...
دي صور لهآ قبل ماتنحف ..
مركز تحميل الصور
مركز تحميل الصور
مركز تحميل الصور
مركز تحميل الصور
مركز تحميل الصور
مركز تحميل الصور
مركز تحميل الصورطبعا لو لاحظتو عليهآ . ماشاء الله كانت تتشيك .. ومهتمه بمظهرهآ ، ماقالت انها سمينه جدا يعني أهمل شكلي .. ولها صور تانيه... ..
.. من اروع الكلام الي قالته لما قالت ليش قررت تنحف؟ تقول اول شئ انها حبت نفسهآ لما الواحد يحب نفسه حيهتم لصحته ، كانت الأسمن في الكليه وف مراهقتهآ .. وبس كانو يتريقو عليهآ الأخرين انها سمينه وقبيحه ورقبتهآ وأباطهآ اسود لانو الجلد انكتم ..
يتبع بليز لا أحد يرد ..
سألتهآ ..انو مشكلتي انو ماااستمر ف الدايت ...
قالت المعظم يتحول من نمط غذائي غير صحي ، لصحي بسرعه وهدول يفشلو ..
أي مثلا وحده بس تأكل مقالي وشوكولاتات وحلا ووجبات سريعه وبعدين بيوم وليله تتغير ..
بل بالتدريج ..
نجي للجزئيه الأهم .. اش نمظ غذائهآ ؟
تقول اول شئ تركت المشروبات الغازيه تماما .. واجبرت نفسهى ترب مويه كثيره .. ولو مره حست نفسها تبغا تشرب ببسي تشرب حق الدايت .. كان في صبر ومحاوله .. لما تروح للمطاعم مثلا بدل ماتأكل اثنين برجر تأكل واحد .. (بالتدريج بدأت ) بعدين اتبعت نظام السعرات وبدأت تحب سعراتهآ ...
وطبعا نزلت فديو كاااامل عن الأكل الي تأكله ... تقول مو عشان تنحفي تأكلي أكل مو طعم ! تعمل لنفسهآ بيتزا ولازانيا كمان! بس قطعه مناسبه ونفس مكوناتها قليله الدسم ....
تقول تعبت في سالفه السناك لانها متعوده تأكل اسنكرس وشكولاتات فصارت تأكل فشار .. مكسرات .. او شوكولاته الدايت ...
حتى الحلا .. كانت تأكل مثلا جيلي حق الدايت ...
ودا فديو كللللله صور ... للفطور والغدا والعشا (حتى عشاها ماهو مجاعه) .. والسناك والحلا ..
(اتمنى أحد المشرفات يعدلو وضع الفديو )
ملاحظة .. قالت انها من الناس الي يحبو يتعشو .. فما حرمت نفسهآ منه .. بل تعمل الي نفسها فيه بس حاجات صحيه وحقت دايت وتقول دا بجد جعلها تستمر ف الدايت ..
( لاااااااااااااااااااااااااا للحرمآآآآآآآآآآآن)
+
(تحسو أكلها منطقي ..يعني طعم )
....
بالنسبه للرياضه ....
فكانت تروح للجيم.. تتمرن ع الاجهزه ..
وكمان عندها بالبيت دراجه .. وتنط بالحبل ...
ملاحظة : ترا هي بعد مانحفت كمان استمرت بالرياضه لتشد جسهآ ..
وأخيرآ ..
دي صورة لهآ بعد ..
مركز تحميل الصور
إن شاء الله أكون افدتكم .. والله ينحف كل سمينه والحمدلله ...:icon18: