بسم الله الرحمن الرحيم
و الصلاة و السلام على خير الانبياء و المرسلين
كيف الحلوات و المشرفات عساكم على القوة
حبيباتي لا تنسونا من الدعوات الطيبة بالازواج الصالحين و الوظايف الصالحه
بنات انتم الصراحه شجعتوني انزل لكم ريجيم اختي بعد ما نزلت ريجيمي
لما شفت اقبالكم على الموضوع و تثبيت الاداره له تشجعت اكثر
بس بقول لكم قصة ريجيم اختي بس قولو ماشاء الله تبارك الرحمن
ولا حول ولا قوة الا بالله العلي العظيم
تعرفون الناس اجناس و اجسام ناس تاكل ولا يبين فيها و ناس تاكل شوي و تنتفخ
و اختي من النوع هذا و الله اكلها عادي و تنتفخ منه بسرعه
مثل اخوي الكبير
المهم اكلها عادي لا حلويات ولا بسكوتات ولا شيبس و ووجبات و تمتن
المهم لما قربت لل30 قررت تنحف تدرون عشان الزواج و غيره
المهم قررت وهي من النوع الي اذا صمم على شي خلاص يستمر عليه
بعطيكم ريجيمها بنقاط
1- طولت سنة كانت تاكل اكل للريجيم يعني طبخات بسيطه و احيانا
تاكل من اكل البيت بس نص الاكل مثل طريقتي الي شرحتها لكم بالتفصيل بريجيمي
و خبزها اسمر اللبناني الخفيف
2- اهلكت روحها بالرياضه ساعه كامله يوميا لدرجة اخذت مني
جزمة الرياضه واعدمتها و قطعت خيوطها خخخ
و الله العظيم ما اكذب عليكم جزمتي خلاص انعدمت عليها بالعافية
3- اغلب رياضتها المشي بالحوش و هذا احسن تمرين الي كل
اخصائئين العالم يوصون فيه
4- نط الحبل و هذا معروف للكرشه ممتاز كنت اسمع نطها و انا بالدور
التحتاني خخخ ماشاء الله عليها
5- كانت تسوي تمارين الخصر يعني تروح يمين تروح يسار لدرجة عظام خصرها انحتت
عارفين الساعه الرملية كذا عاد انحتت عظامها لدرجة فظيعه لدرجة ما حبيتها
الشي اذا زاد عن حده انقلب لضده
6- هي عظامها من النوع الثقيل يعني احنا نسمي النوع هذا يثله يعني مثل
عظام ليلى علوي و سهير رمزي
يعني عظامها مو ناعمه لا قوية يمكن عشان كذا طول ريجيمها
7- بس و الله كانت تمشي ساعه غير تمارين الخصر و نط الحبل
8- اذكرها طولت كثييييييييييير بريجيمها بس النتيجه فتاكه صارت اضعف
مني و انا معروف اني اضعف منها
المهم صارت غزال و رب الكعبة
9- و هذا احد اسرارها كانت تشتري بكراتين الجريب فروت و تاكله
عاد مدري تعصره ولا تاكله كله
الي عندها معده تخففه لانه حامض و على فكره هو انواع نوع مره حامض
و نوع حموضته معقوله
10- ما اذكرها كانت تشرب الشاي الاخضر يمكن عشان كذا طولت بريجيمها
11- كرشتها خفت بس ماراحت لانها ماكانت تسوي تمارين المعده
الموضوع هذا للي يقولون وزني بطيء وماراح ينزل و مليت من الحرمان
لا تملون شوفو برامج الواقع ناس عظامها مره متينه ولا اياسو
ناس تحولو من النقيض للنقيض
و الله ثم و الله ثم و الله اختي كانت دبه و صارت غزال
بس كثرو دعاء و استغفار و انه تعالى يرزقكم الاصرار
بس بتزعلون بعد زواجها و انجابها ارجعت متينه اكثر من اول مسكينه
رغم انها تقول ان اكلها عادي بس جسمها بسرعه ينتفخ يعني خلقه
بس ولو الي جسمها كذا تشرب الشاي الاخضر كوبين باليوم و لازم تراعي اكلها
يعني ما يكفي الريجيم والوصول للوزن الزين
لازم برنامج تثبيت الوزن و الشي البسيط الي يثبته هو الشاي الاخضر
و هي اتركت الرياضه و الريجيم فاكيد وزنها يرجع الله يعينها و يهديها و يضعفها من غير شر
شاهه2 @shahh2
محررة
تجربة اختي الدبه الي وزنها بطيء جدا بالنزول كيف صارت غزال ماشاء الله؟؟؟
78
14K
يلزم عليك تسجيل الدخول أولًا لكتابة تعليق.
حلوة منذو مبطي
•
نفس حالتنا نتعب ونتعب ثم يعود الحمار الى مربطه
نفس حالتنا نتعب ونتعب ثم يعود الحمار الى مربطهنفس حالتنا نتعب ونتعب ثم يعود الحمار الى مربطه
:44: حرام ليتها كملت رياضه ورجيم
من جد شي يحزن تحرمين نفسك الاكل ورياضه وتعب وبالاخر كانك يازيد ما غزيت
من جد شي يحزن تحرمين نفسك الاكل ورياضه وتعب وبالاخر كانك يازيد ما غزيت
الصفحة الأخيرة