المعذرة لكنماراح تلاقين كثير مطلقات يتكلمون لا بموضوعك ولا بالمجتمع ..
بسبب الناس الي تستغل قصة كل وحدة عشان تفصفص اغلاطها وتتفلسف عليها
كانها تتشفى عليها ، الحريم هذولي في منهم بموضوعك ..

بحكيلك تجربتي بس ما بحدد السنين وكذا بالضبط والاسباب معروفة
اول شي انا مطلقة من اقل من خمس سنين من غير اطفال زواجي دام قرابة السنتين
كنت ماخذة انسان معقد ومريض طلع عقده فيني والمشكلة رافض العلاج وخلاني انا المريضة
شك وغيرة مرضية وحبس بين اربع جدران حتى الحوش لو طلعتله قام بتلفت ويناظر فوق يخاف احد يشوفني مع ضرب وسب واهانات لا تعد ولا تحصى قسما بالله تعذيب وجحيم كنت ابكي وادعي ان الله يفكني رغم اني عارفة نظرة الاهل والمجتمع

الين اجا اليوم اللي لو ما طلعت كنت بموووووت خلص ما قدرت اتحمل

الاهل يوم شافو حالتي وقفو معي بلحظتها وطلقوني خصوصي ابوي الله يطول بعمره كان رجلي على رجله بكل شي
وبمرة الدموع بعيونه هو والوالدة صارو يطلبون مني اسامحهم لانهم زوجوني صغيرة ومدري ايش طبعا هذا كله غلط لاني كنت موافقة عليه ولو شافوني مو متقبلته لو واحد بالمية والله ما يزوجوني وما ارتاحو لين حلفتلهم ان الذنب مو ذنبهم بالعكس هما سوو اللي عليهم واسالو عنهم وبالاخير هذا نصيبي

بس بعد ما رديت للبيت وبدا كلام الناس اللي حتى اهلي ما سلمو منه
وكل يوم يجيهم احد بكلام وطليقها يقول انها سوت كذا واليوم بمجلس فلان طليقها قال كذا
وكل ما جا احد او شفت ابوي داخل وجهه اسود ادري انه سمع كلام من العله

بفترتها صارو يستحو فيني وصار كل شي ممنوع عني تدرون لو طلعت قالو الناس هاه ماصدقت تطلق علشان تراكض هنا وهناك

ولو قلت اشتغل نفس الشي
لو قلت ابي اطلع اشم هوا مختنقة ياناس ممنوع تبينهم يقولون تطلقتي علشان تمشين على حل شعرك
باختصار صرت حبيسة غرفتي للمرة الثانية بس مع بعض الرحمة بالتعامل وصرت اهرب من الضغطططططط بالنوم اوصل انام 16 ساعة لا واقوم نعسانة ولو رجعت انام بنام على طول عادي وكرهت الدنيا بلي فيها رغم محاولاتهم اني اطلع من غرفتي كنت رافضة لان كل شي يذكرني باللي صار حتى لو ماتكلمو نظراتهم تكفي

صارتلي ظروف بعدها ما ابغى ادخل بتفاصيلها غيرت نظرة اهلي

وبدو يفكون عني شوي شوي الين ما الحمد لله ردت حياتي زي قبل واحسن ما شاء الله

صرت اشتغل واطلع واقابل الناس واكلمهم بثقة كنت فاقدتها وما ردت الا لما وقفو معاي اهلي ما شاء الله
هل ندمت على طلاقي لااااااا بالعكس اكثر شي نادمة عليه الفترة اللي جلستها عند انسان ما يخاف الله وضيعت فترة من حياتي على واحد ما يستاهل ظفر رجلي
لكن كل شي خيرة والحمد لله اسال الله تعالى ان يعوضني وكل الاخوات اللي عانو عن كل دقيقة تعب وحرمان

الشي الاخير اللي بقوله كل وحدة ولها ظروفها فلا تحكمي من خلال وحدة من البنات وتقومي تسوي زيها

انتي اهلك غير عن اهلها وحياتك غير عن حياتها فكري كوييييييس وحطي الايجابيات والسلبيات وكلمي اهلك وشوفي ردهم بعدها قرري الشي اللي يناسبك

مع العلم ان الكلام لساته مستمر تخيلي حتى لو مدحوني لازم يدخلون طلاقي مثلا وش زينها هالبنية مدري وش يحس فيه ولد فلان

او وش ناقصها بنت فلان يوم طلقها ويبدا المدح فيني والذم فيه
او يقولون انه بيجن على ما يردك وما خلا احد علشان بتوسطله علشان تردينله
هم مفكرين ان هالكلام بيفرحني لكن والله لو علي ان سيرته تمحى نهاااااائي خلاص فترة وعدت بخيرها وشرها وش له تطرونها كل ما شفتوني لكن الحمد لله اناظرهم بثقة واقول النصيب انكتب قبل لا انولد

لا عالعكس طلاقي كان نعمة ولو بقيت وياه كان صار نقمه واني هسه اسافر ومرتاحه وحدي صار ٦ سنوات مطلقه بلا اطفال وعمرت بيت الله ارفض الزواج لان حابه اعيش وحيده واعيش حياتي واتمتع رغم الاخطاء الي ارتكبتهه بعد طلاقي ولندم الا اني افضل اعيش كذا ولاازوج

موضوعك جميل الطلاق له أسباب كثيره بعضها معاهم حق لايكلف الله نفسا الا وسعها وانا بصراحه وحده ائيدة اذا فيه تعب نفسي وجسدي بس بعد محاولات للإصلاح بالذات اذا فيه اطفال الوحده لنفسها عليها حق كمان وكثير يتطلقون اول سنه وهدا غلط انا منهم اول سنه كنت ابغى اتطلق تعبت نفسيا كانت صعببببه كنت اقول لاخواتي ويهزأوني اصبري اول سنه كذا مع الكل لان الاطباع تختلف الشخصيات كل واحد مايبغى يتنازل كل واحد يبغى الثاني زيه تابع وهكدا بس بعد السنه تخف لأننا عرفنا بعض اتعودنا ع بعض ويسير فيه تنازلات من الطرفين الشغله يبغالها صبر بس اللي ملاحظته دحين وكثيرررر انو كل واحد مايبغى يتحمل مسؤليه يبغون الحريه

موضوعك روووعه يعطيك العاااافيه
انا اذكر صاحبتي اتطلقت وجلست عند اهلها
واول شهر عادي
بس بعدين امها بدأت تتذمر منها ومن اولادها وتشعرها انها عاله عليهم
كانت تكلمني كثير وتقول احس اني تسرعت بطلاقي وليتني ماتطلقت لو انه كان ظالم بس ع الاقل كنت بمكان خاص في انا واولادي
كانت تشتكي من خوفها ع اولادها من اخوانها الغير ملتزمين ومراهقين
وكل مااحكي معها مااسمعها غير تبكي وحزينه ع وضعها
وفوق كل ذلك ماعندها لاشهادات ولا وظيفه ولادخل
الا من ابوها شي بسيييييييط جدا
لان ابوها اصلا فقير
كنت ولازلت اواسيها ع قد ماقدر
ااااسفه للاطاله
بس الطلاق مسكله كبييييييييييييييره
والأوجع منه الزواج برجل غير صالح لزواج اصلاً
والله يعين وييسر للجميع...🌺🌺