الفتره الاخيره من ضهور الانستقرام والسناب صاار الوضع يخووف
بنات جيل التكنولوجيا اول مايتقدم لهافارس الاحلام ماتفكر بالحياه الزوجيه وكيف تدير بيتها وتحافض ع زوجها تفكيرها بس وين شهر العسل وتصوره سناب واستقرام والزواج وهدايا الزوج عشان تصورها
الزوج غالبا مايفكر ويحط ف باله مثاليه الزوجه وينخدع ف ايام الملكه والمكالمات
نجي لتطبيق الحياه الزوجيه بعد شهر العسل مايكون فيه وعي ف اداره الحياه الزوجيه البنت ع اول مشكله واصغر مشكله تعلم امها وصاحباتها وتبدأ تضارب الارآء وتداخل الافكار والحلول الى تقول لها لاتسكتين والى تقول لها اتركي له البيت والى تقول طنشيه قليل الى تقول لها تحاوري مع زوجك واصبري لين تفهمون ع بعض
والزوج نفس الكلام الى يقول له ادعس ع الحرمه والى يقول له هددها بالطلاق والى يقول له ودها لبيت اهلها
بقوول لكم شي انا مجربته اول سنه كأي زوجين كان فيه اختلاف ف وجهات النظر كان الحل الى عندي ادق ع امي وع اخوي الكبير اقول ابي اتطلق ماعندي حل غيره و يجوون يحلون المشكله والحمدلله انهم حكيمين والا عمرهم قالوو اتركي البيت واذا قلت بتطلق رفضوو وزعلوو علي
بعد فتره الحمد لله وفقني الله بصاحبه الله يسعدها كانت تنصحني ان هذا شي طبيعي وتنصحني افهم زوجي وتراهنيف نصايحها واول نصيحه قالتها لي لاتحطين الطلاق حل لو زوجك يدخل وحده غريبه ع سريرك لاتفكري ف الطلاق فكره ف السبب الي خلاه يسويها وعالجيه
والحمدلله زوجي كان حق سفريات ف بدايه الزواج والحمدلله قطع جواز سفره قدامي
زوجي ماكان يحافض ع الصلاه والان ملتزم ولله الحمد
كان يسهر برا البيت الان دوام مدام ايدام
يشاورني وياخذ رأيي ع كل كبيره وصغيره
والسبب بعد الله نصايح زميلتي الى اولى شي وصتني فيه دعائي لزوجي بالهدايه ف كل سجده وقيام الليل
ف زبده الكلام ومن تجرب شخصيه ان البنت لاتحط الطلاق حل ل اي مشكله تواجها مع زوجها تبحث عن السبب وبتلقى ان شاء الله الحل

موضوع مهم جزاك الله خير يا زهد وأتمنى يكون النقاش في هذا الامر مفيد للجميع
البنات دايم ينتقدون كلامي علاشان انا ضد الطلاق لان فيه خراب بيوت وتشتيت أسر .
طبعا الطلاق تكون المرأة لها فيه دور أكيد
ولكن تلاحظون أني دايم اقول اللي يجيها مطلق لا تتزوجه والمعدد أفضل ( طبعا هذي وجهة نظري )
وراح اقول لكم ليش ؟
معروف عنا يالنساء اننا عجلات والواحدة منا تتكابر الغلط من زوجها واحيانا تزعل او تتغلا المهم اي اخطاء على طول بعض الحريم ( وهن كثيرات ) على طول تقول له طلقني ،،،
وهنا تأتي الرجولة والعقل وتدبير الأمور والفهم من الرجل ،،،
الرجل اللي عاقل وفاهم يتصرف ، يمشي الموضوع ، يهدي الأمور ، يصبر ، يتحمل وما يطيعها على كلمة قالتها وقت زعل ،
وحتى لو تركته وراحت لاهلها يتركها فترة وبعدها يروح يصالحها ويرجعها
يعمل المستحيل لابقاء زوجته ولا يفرط فيها بسهولة ،
الان في الزمن ذا اصبح موجود بعض رجال ( او أشباه رجال ) لمجرد اي خلاف يطلق زوجته ،
اولا لانه عديم المسؤلية ،
ثانيا لانه يعلم ومتأكد انه اي واحده يروح يخطبها بتسأل هي واهلها هل انت متزوج ؟
وعندما يقول لها مطلق يجد الترحيب والقبول ،
الكل او الغالب يوافقون على تزويج المطلق
ثم تأتي هذه المرأة على أنقاض بيت مهدوم عند رجل عديم المسؤلية ويكون مصيرها مثل اللي قبلها ياخذها فترة ويطلقها ،
ويروح ويخطب غيرها وايضا تلحق خواتها ،
عكس الرجل اللي يبي يتزوج على زوجته ( على ما يقولون المعدد ) هذا يجي يخطب ويقول ابي اتزوج وابي احافظ على زوجتي الاولى لها مكانتها واحترامها والجديدة لها ايضا التقدير والاحترام
هذا على طول مطرود ولا يقبله الا القليل ليش لانه انسان وفي مع زوجته ولا يبي يدمر أسرته ويبي يحافظ على بيته من الدمار
ومع ان المؤمل ان من حافظ على زوجته الاولى احتمال كبير ان يحافظ على الثانية او الثالثة لانه وفي ( فيه وفاء ) مع الاولى ولذلك احتمال كبير ان يكون وفي مع الثانية ( انا ما أطالب بالزواج على الزوجة ولا انا منادية بالقبول بهذا الامر )
انا فقط ابين الاصلح
وايضا أوضح الأسباب للطلاق فالمسؤول الاول عنها الرجل الذي لا يحافظ على أسرته ويتخذ قرار الطلاق لأسباب تافهه ثم يتزوج اخرى وايضا يطلق ،
ولو ان اي رجل مطلق يعرف ان الأبواب ستغلق بوجهه ولو انه عرف انه اذا خطب عند احد ما حد قبل يزوجه كان ما تسرع في الطلاق .
لان الطلاق وضع حل لمشكلة مستعصية لا حل لها سوى الطلاق
ولم يكن الطلاق حل للمشاكل التافهة ،
ولذلك من المؤكد ان الرجل هو السبب الاول والمرأة هي ايضا لها يد وهي سبب ثانوي ،
وبما اننا كلنا في المنتدى حريم فان المرأة يجب ان تفكر مليون مرة قبلما تطلب الطلاق لتحافظ على زوجها وبيتها وأسرتها من التشتت والضياع ،
هناك احصائيات تثبت ان هناك جرايم وانحرافات لاطفال ولشباب وشابات من أبوين منفصلين
يعني الطلاق يتسبب في مشاكل نفسية واخلاقية للابناء هذا غير تاثيره النفسي على المطلقة .
وايضا هناك امر غريب وهو :
ان الرجل المطلق مرحب به ويزوجونه مباشرة ،
ولكن المرأة المطلقة تقل نسبة زواجها مرة اخرى وبعض النساء تتزوج من رجل لا يناسبها لمجرد انها مطلقة .


(اعرف ان الصراحة مؤلمة احيانا ولكن انا صريحة ولا أماري في قول الصدق )
واعرف ايضا أني اطلت عليكم العذر والسموحه .

صدقتي اختي انا معك بالرأي

هح

حسبي اللله ونعم الواكيل الله يعوضك بخيرا منه