السلام عليكم خواتي كيفكم؟؟؟
قبل كم يوم كنت بقرأ في منتدى اجنبي لخسارة الوزن ، وكان من اقسامة تجارب لناس فقدوا وزنهم وهدول الناس بيحطوا تجاربهم بالصور يعني صور قبل الريجيم والرياضة وصور في المرحلة المتوسطة وصور في مرحلة بعد خسارة الوزن .
وقرأت كتير تجارب حلوة ، بس في تجربة كتيييير لفتت نظري وكانت جد روعة هي لبنت استرالية كان وزنها 96 كغم وصار 63 كغم ، والبنت حاطة صورها كتيييييير نعومة ما شاء الله عليها .
وانا حبيت اني انقل تجربتها الكم لاني جد بحبكم وحبيت هيك موضوع يشجعنا ويعيد الامل النا لانه في صور .
وانا اسفة لاني ما غطيت الصور لانه اولا انا ما بعرف وثانيا شو فايدة الموضوع كله لو غطيت الصور وبعدين كلنا بنات هون صح؟؟
اوك اول شي راح انزل صورها بعد هيك راح انزل تجربتها في خسارة الوزن
ملاحظة في بعض صورها حاطة تاريخ هالصور وكم كان وزنها وقتها
يلا نبدا يا حلوين ................
زي ما وعدكم هاي التجربة ::
الطول 167 سم
الوزن قبل : 96 كغم الوزن بعد : 63 كغم
البداية من شهر مارس 2008 لحتى يونيو 2009
يعني اكتر من سنة ( وهذا مشجع لانه ما استسلمت وما استعجلت على النتائج)
هلأ راح اتكلم بلسانها :
في البداية راح اقولكم شي ممكن يكون سخيف اشتريت الة المشي وصارت صديقتي الحميمة وصارت جزء كبير ومهم بحياتي .
حطيتها بغرفتي بحانب سريري حتى ما يكون عندي ولا عذر انه ما امارس الرياضة. كمان ما كان عندي ثقة بحالي انه امارس رياضة المشي برا البيت .
فعلا بديت امشي واستخدم الة المشي وبديت اكل اكل صحي ، بديت امشي 4 ساعات في الاسبوع 6 كم في الساعة .
بشهر سبتمبر 2008 خسرت 10 كغم ، خسرتهم زي ما بتحكي لانه شهيتها للاكل قلت بشكل كبير بسبب الضغط والسترس ، بس هي كانت تمارس الرياضة كالعادة وتاكل غداء في بروتينات قد ما بتقدر .
بعد هالشهر رجعتلها شهيتها وضلت تمارس الرياضة كالمعتاد، ما شافت نتائج كبيرة بردو بس هي ضلت مكملة نظامها.
بشهر يونيو 2009 بردو كمان مرة شهيتها للاكل قلت بس لفترة قليلة بس رجعت بسرعة ونزلت كمان 8 كغم .
بعد كل هدا الشي بدت تمارس الرياضة ساعتين يوميا قد ما بتقدر ، وصارت سرعتها اكيد اكتر وصارت تمشي 7 كم بالساعة ، بعد ما كانت 6 كم بالساعة.
بتحكي كمان انه بعد كم شهر صارت تلعب ايروبكس واشترت سي دي الرابح الاكبر وصارت تلعب هالرياضة ساعتين يوميا خمس ايام في الاسبوع.
من ناحية الاكل :
متل ما هو مبين بتقول انه اكلها صار كتييير صحي بتاكل في الفطور والغداء : بيض مخلوط مع خضروات مقطعة متل البندورة والبصل بس البياض من البيض.
بتاخد سناك حبة فاكهة مع دايت جيلي .
والعشا بيكون حبة فاكهة مع جيلي دايت وزبادي دايت
خلال اليوم بتاكل 4 تفاحات و موزة ، زبادي دايت ، قهوة .
تقريبا بتاخد من 1400 ل 1500 كالوري
بتشرب كتيييييير مي يعني حوالي 5 ليتر ، وبتشرب كمان شاي اخضر .
ما تعلقوا استنوا شوي
الصور مخالفه
baby_flower @baby_flower
عضوة نشيطة
يلزم عليك تسجيل الدخول أولًا لكتابة تعليق.
$$شيهانة الخير$$
•
موووووووووفقة
روووووووووووووووووعه مشاء الله تبارك الله
عقبالي يارب انحف مثلها بس مبين وزنها اقل من 63
انا وزني السابق زيها كان 95 والحين انا في نص المشوار
الله يسهل لي اموري
ويفرحنا بالرشاقه يارب
عقبالي يارب انحف مثلها بس مبين وزنها اقل من 63
انا وزني السابق زيها كان 95 والحين انا في نص المشوار
الله يسهل لي اموري
ويفرحنا بالرشاقه يارب
الصفحة الأخيرة