تجربة كلوميد

كنت اسألكم عن كلوميد المهم لقيت لي نتايج تجربة ماضية لكلوميد وانا ارتب اوراقي .
متعودة اخلي الخطط العلاجية واجمعهم بملف عشان يوم اروح لطبيب يشوفها .
قلت افيدكم بها ..
.
انا عندي مشاكل بالانجاب ، وتجربتي كانت باني رحت للطبيبة بداية الدورة وصرفت لي كلوميد من ثالث يوم دورة (مع العلم قبلها بكم سنه صرفوه لي من ثاني يوم دورة ) يعني البعض ياخذونه من ثاني يوم والبعض من ثالث يوم .
المهم ياطويلات العمر ..
كانت نتايج الكشف الأولي قبل المنشط ان بالمبيض الايمن والايسر عدد من البويضات ..طبعا ماندري وش بيكبر منها ووش يصلح و وش مايصلح.
.
وقالت لي ابدي منشط من ثالث يوم ، وخوذي حبتين باليوم (اعتقد ان الجرعه ترتبط بطولك ووزنك وكذلك استجابتك وقوة التبويض عندك ) يعني كلش مرتبط ببعض .
.
بديت اخذت الكلوميد وكانت البطانه للرحم وقتها رقيقة وطبيعي جدا تكون رقيقة بداية الدورة ، ثم باليوم الثامن للدوره يعني اليوم الخامس بعد الكلوميد رحت للطبيبة ولقت عندي ثلاث بويضات ، المبيض اليسار فيه بويضة وحدة مقاسها ٩ والمبيض اليمين لقت فيه بويضتين مقاسهم ٩ او ١٠ تقريبا مو واضح عندي .
وقالت ارجعي للبيت وتعالي عقب كم يوم يعني يمكن اربع ايام كذا تقريبا يوم١٢ للدورة بالتقريب ورحت ولقت المبيض اليمين به بويضه وحدة مقاس١٩ والثانية ماكبرت زين وصارت ١٢ ، بينما المبيض اليسار لقت البويضة ماكبرت برضو ، وقالت ترى ماعندك الا بويضة وحدة ممتازة وخذي ابرة تفجير اليوم ، قلت تمام ، ويومها اخذت ابرة تفجير .
اعطيكم المقاسات للبويضات
اليوم الثامن ٣لاث بويضات و مقاس البويضات ٩ و١٠

اليوم ١٢ تم كبر بويضة وحدة فقط والبويضتين الثانيات ماكبروا ..

.
الاعراض اللي جت شوي صداع وشوي دوخه ونغزات شوي بالمبيض ، وشوي غازات مدري من الحبوب او داخلني هوا ..
.
.
المهم تم تحديد وقت للجماع وكذا ولكن تبقى النتيجة بارادة الله بإنه ماتم حمل ..
.
.
.
عاد كنت ناوية اجرب كلوميد قريب بس يوم شفت النتايج وذكرتها قلت خل ارجع للابر ههههههه ..
خواتي اللي متحطمات تفاءلوا خير ترى الله عند ظن عباده فاللي يحسن الظن بيلقى جزاء ظنه ..
.
.
طبعا بالنسبة لتجربتي مع كلوميد هي تجربة خاصة يعني ماراح تكون تجربتك نفس تجربتي ، وحدة اذكر شفتها بالانتظار تقول حامل بتوأم من كلوميد ماشاءالله والله يصلح لها ماعطاها ..
وثانية برضو نفس الشي جابت ولد من بعد كلوميد ..
.
.
انقل التجربة لأجل البعض يحب يسمع التجارب .
بويضتي وصلت مقاس ممتاز لكن يمكن كانت جودتها مو زينه