اتمنى من كل وحده من الأخوات مرت في ولاده قيصريه انها ماتبخل علينا بتجربتها لانها بتفيد كثير من الحوامل ويجعلها ربي في موازيين حسناتها واتمنىالأخوات الحوامل قبل ولادتهم يجعل ربي يسهلها عليهم ويهون عليهم الآم الطلق ويرزقهم ذريه صالحه سليمه من غير زياده او نقصان

كل وحده منكم اخواتي تكتب تجربتها توضح فيها**
فترة الحمل كيف كانت
سبب الولاده القيصريه
كيف تصرفت مع جرح (ندبة)العمليه القيصريه
ماهي الاوضاع التي تخفف عليها تلك الاوجاع المصاحبه للعمليه
هل مارسة الرياضه ومتى بدأت فيها
هل استخدمت اعشاب للبطن للتخفيف من حجمها بعد العمليه
الافضل البنج النصفي ام الكامل؟؟
المستشفى الي ولدتي فيه؟؟الدكتور زين ولا خرطي؟؟
مدينة فهد الطبيه يسمحون للمرافق مع الي مسويه عمليه ولا؟؟ الغرف الخاصه عندهم بكم؟؟ ويسمحون لك بالغرفه الخاصه بمرافق؟؟
الغل
وكل مافعلته واستفادت
ولاتبخل علينا بكل ماهو نافع ومفيد من تجربتها اوماسمعت عنه
جعل الله لها عن كل معلومه مفيده صدقه جاااااااريه ليوم القيامه:26:
انا كنت حامل بتوئم عن طريق اطفال انابيب فكنت تعبانه نفسيا وجسديا
سبب الولاده القيصريه
ان كل الاثنين راسهم على فوق
كيف تصرفت مع جرح (ندبة)العمليه القيصريه
في البداية استخدم مسحة طبية بس واحيانا امسح عليه بمر
ماهي الاوضاع التي تخفف عليها تلك الاوجاع المصاحبه للعمليه
الله يعين مافيه شي غير المسكنات شفت الموت خصوصا اول ماصحيت من العملية
هل مارسة الرياضه ومتى بدأت فيها
لا لم امارس لا قبل الحمل ولا بعد
هل استخدمت اعشاب للبطن للتخفيف من حجمها بعد العمليه
استخدم قشر قهوه مع قرفه ويانسون وكمون ونعناع
الافضل البنج النصفي ام الكامل؟؟
انا كنت طالبة نصفي كله علشان اشوف التوينز اول مايطلعونهم بس مااالله كتب بدوا في النصفي بس مالقوا ابره معينه فقالوا لازم كامل والحمدلله
بس النصفي اثناء التبنيج تكونين بوضع مزري يجلسونك على حافة السرير وكل شي طالع من ورى والدكتور يمسكك من اسفل ظهرك علشان يبنجك والي رايح والي جاي يتفرج
فاتوقع الكامل اريح نفسيا
وبعد ولادتي باربع شهور جاني شد عضلي في اسفل ظهري قال الدكتور يمكن من الابرة والله اعلم
المستشفى الي ولدتي فيه؟؟الدكتور زين ولا خرطي؟؟
انا ولدت بمدينة الملك فهد مره ممتازين
مدينة فهد الطبيه يسمحون للمرافق مع الي مسويه عمليه ولا؟؟
ايه يسمحون بالمرافق
الغرف الخاصه عندهم بكم؟؟ ويسمحون لك بالغرفه الخاصه بمرافق؟؟
الغرفة الصغيرة اليوم ب600والكبيرة مادري ويسمحون بمرافق بس الصراحة اذا كنت بتاخذين غرفه خاصه ماله داعي مرافق لان الممرضات حولك 24 ساعة وحتى في الحضانة ماعندهم زحمة مو زي اذا كنتي في الدور الي تحت مره سيئ