السلام عليكم ورحمة الله وبركاته..كيف حالكم صبايا
أضع بين يديكم تجربتي مع فرد الكيراتين طبعا هذا الكلام في شهر صفر الي فات..زواجي كان في 29 صفر 1432
قررت قبل زواجي اني أفرد شعري ونوع شعري جاف سميك قوي كثيف ومموج مع نفشة بعد الشامبو وطولة الي نص الظهر ويتعبني في الإستشوار.كانت نفشة الشامبو أكبر مشكلة خصوصا وإني عروسة..
بعد الأستخارة قررت أروح صالون المقينة إلي في التحلية وفي الاستقبال اتفقت مع موظفة الاستقبال اسمها مريم قمة في الذوق.طبعا في البداية استغربت اني أبغى كيراتين وقالت لي سوي كريمات زي باقي العرايس أنا قلت ابغى كيراتين ودفعت نص المبلغ 2000 ريال و2000 بعد الانتهاء .
إلي سوت لي الكيراتين كوفيره اسمها هدى جنسيتها مصرية وماشاء الله عليها عندها شهادة في استخدام الكيراتين.بس كشخصية! مره ماحبيتها الله يستر عليها ثرثاره وبطيئه وتلطعك بالنص ساعه وترجع تضحك وتبتسم ماكأنها سوت شي...وفوق هذا تتضارب مع مساعداتها الحبشيات فوق رأسي.
اول شي غسلت شعري بشامبو وبخته ببخاخ خاص ووزعته علي كامل شعري واستشورته وحطت الكيراتين وبعدين غسلته وبدأت بالسيراميك كل الشعر وحطت ماده ثانية وبرضة غسلت شعري وجففته واستشورته مزبوط وكمان بالسيراميك عادت علية الين صار سايح سايح من جد واطرافة ملفوفه مهي واقفه دبابيس..وقالت لي لا تغسلينه اربع أيام ولا تربطينه وكانت عندي الدورة أصلا,
الفتره الي استغرقتها من 6 المغرب الين 11 مساء.وبعدها دفعت خمس مية ريال حق الشامبو والبلسم والسيروم والماسك كلها من ماركة Shine moist بس احسني انخميت في السعر لانه فيه ناس حصلوها في الصيدليات ومايتعدي سعر الشامبو 50 ريال...
بصراحة النتيجه كانت حلوه جدا واستمتعت بشعر ناعم وصحي طوال فترة زواجي مر عليه الان ست شهور والنتيجه مرضية جدا مع تساقط خفيف(للامانه) مع المحافظه علي الشعر من اي مواد كيماويه بس مرة واحده سويت تسريحه لف وبرم وسبراي في زواج اختي..واستغنيت عن الاستشوار تماما ((طلعت شنطي حقت الدبش من بيت أهلي بدون استشوار عشان مااستخدمه أبدا))
لكن حافظت علي النتيجه بالشامبو..التجربة زبطت علي شعري بس يمكن ماتناسب أنواع الشعر الثانية..
وسلامتكم ياحلوين
فردوس الناصري @frdos_alnasry
عضوة جديدة
يلزم عليك تسجيل الدخول أولًا لكتابة تعليق.
مشكورين يابنات
بس الي سويته انا فرد مهو كيور علاج
كيور= cure
يعني علاج بالانجليزي
انا حتي الشعر الجديد الي طالع مختلف عن المفرود
المفرود لامع وناعم وممدود سترايت
والجديد نفس شعري الطبيعي
بس الي سويته انا فرد مهو كيور علاج
كيور= cure
يعني علاج بالانجليزي
انا حتي الشعر الجديد الي طالع مختلف عن المفرود
المفرود لامع وناعم وممدود سترايت
والجديد نفس شعري الطبيعي
طيب حلو ان النتيجه حلوه
وهاذا اهم شي
وبالنسبه للسعر هاذي قناعات من اصحاب الصوالين
احنا عندنا الكرياتين سعره من ٨٠٠ الي ٢٠٠٠ اطول شعر
وهاذا اهم شي
وبالنسبه للسعر هاذي قناعات من اصحاب الصوالين
احنا عندنا الكرياتين سعره من ٨٠٠ الي ٢٠٠٠ اطول شعر
الصفحة الأخيرة
احنا نعمل كيراتين كيور وفنفس اليوم تغسليه مايحتاج 4 ايام والاسعار روووووووووووعه
الكيور بالعسل والدهب نوعين نوع فرد ونوع علاج