بسم الله الرحمن الرحيم
هذي خلاصة بحثي و تجربتي الناجحة
و أذكّر اللي حابة تلتزم فيها براحتها و اللي عندها طريقة مريحتها تمشي عليها
و تاخذ المفيد من نصايحي ,, فـ اللي عندها قناعة بطريقتها تطرح رأيها و طريقتها بذوق
ملاحظة هامة : المذكور بهذا الموضوع فقط العناية بالشق الجراحي ( الخياطة ) و سيتم ذكر
برنامج النفاس و التغذية بموضوع منفصل بوقت لاحق ..
و تذكروا دائماً .. عمر الخياطة ما كانت مقياس لتوسع أو ضيق المنطقة , أعطيها نسبة 10%
لأنها ترتب المنطقة و تخليها تنطبق على بعضها
لكن ما يرجع المنطقة مضبوط بعد الولادة إلا : الغذاء ( بروتينات ) + تمارين + تنظيف الرحم من
الدم و الافرازات
الغذاء ( بالبروتينات ) : بما إن المهبل عضلة , و ما يبني العضلات إلا البروتينات اختاري ما يناسبك
من الأغذية البروتينية ( بيض , حليب , لحم إلخخ )
طبعاً كثير يدقق عشان موضوع السمنة من الدهون , لا تنسون في شي اسمه ( اعتدال و توازن )
خلي وجبة الغدا غنية بالبروتين و خففي بالوجبات الثانية
تمارين : السدحة الطويلة ترهل كامل الجسم فما بالك بالمنطقة الحساسة ؟ ضروري الحركة البسيطة
من أو ل ما تحسين نفسك قادرة ع الحركة , أنا أمشي من ثاني يوم على خفيف
بالإضافة إلى تمارين كيجل .. ممتازة جداً جداً
عضلة المهبل زيها زي عضل البطن مثلاً ما راح تنشد إلا بالرياضة جربي بنفسك و احكمي
تنظيف الرحم من الدم و الافرازات : اذا خياطتك سليمة و مضبوطة و تحسين بوسع المنطقة فالمشكلة
مو من الخياطة المشكلة من الرطوبة و الافرازات اللي لازم تطلعين من النفاس و إنتي جافة و
نظيفة منها تماماً و راح يتم ذكرها في أعشاب النفاس لاحقاً
هذي مجرد توضيحات و راح أبدأ في موضوع العناية بالخياطة :
- اطلبي الدكتورة تكتب لك مضاد حيوي مافيه ضرر ع الرضاعة
و للعلم ما استخدمت حلتيت و مر عشان الشمم ( مع إني ما عرفت الشمم إلا من المنتديات )
و كتبت عنه من أجل اللي يعرفونه و يؤمنون فيه
شخصياً أؤمن ببعض الأمراض اللي ما يعرفها الطب و أؤمن بالعلاج البديل ( الأعشاب )
لكن مقتنعة أكثر إنك بعد عملية جراحية في حاجة لكورس مضاد حيوي و مادة نظيفة تدخل
جسمك , مو عشبة تشربينها بلا انتظام و غالباً تكون ضارة على البيبي اللي بترضعينه
ابحثوا في المقالات الطبية الموثقة و لا تدورون في المنتديات و كلام الحريم
الشمم للي ما تعرفه : إن الخياطة تلتهب أو تنفتح في حالة شميتي عطر ..
من موقع مستشفى الملك فيصل التخصصي و مركز الأبحاث
هذي قناعتي الشخصية و بعد ولادتي تروشت مباشرة و تعطرت و ما شربت حلتيت و كنت
لسا ما بلعت و لا حبة مضاد ..
اللي مقتنعة و فاد معها مو مشكلة أنا ماني ضد .. و لكن حبيت أطرح وجهة نظري
و يمكن فعلاً وحدة يصيبها شمم و هي مو عارفة .. فـ كتبته للفائدة ..
- من محلات البضايع المخفضة اشتري طقم أكواب معيارية بلاستيك
مريحة و لها مسكة للاستخدام بالحمام أعزكم الله
أنا أخذت واحد لي للتشطيف بالبيتادين , واحد لما أحمم البيبي
اضغطي هنا لمشاهدة الصورة بحجمها الأصلي
- شطفي بغسول بيتادين من الصيدلية مكتوب عليه ( دش مهبلي ) لونه العلبة أخضر
فاتح لأن في أنواع أخرى غير مخصصة
للمنطقة الحساسة .. اخلطيه مع الماء الفاتر في الكوب المعياري ,,
- جففي المنطقة تمااااام و هذا أهم ما بالموضوع لا تقولين بعدين من وين جاني الالتهاب
و إنتي تقطرين مويه و هذا المفروض يكون أسلوب تعاملك مع المنطقة مدى الحياة ..
- 20 يوم استخدمي مرهم فيسودين ( مرهم ابو اسد خط برتقالي ) لا تستخدمين الأحمر
مع إنه نفس البرتقالي بالضبط بس الاحمر كريمي يمتصه الجلد و الفوطة بسرعة و المرهم
ثقيل يبقى ع الجرح
- بداية النفاس ممنوع مويه و ملح أو مر تنشف الخيوط بدري و تطيحها و الجرح ما التأم و راح
تحسين طول الوقت ان الخياطة مشدووودة لان الملح يجفف و حتى المر يشد الخيوط في البداية
ممكن تستخدمينهم على خفيف بدون ما يكون متواصل بشرط ترطيب الجرح بعدهم ..
- ممنوع مغاطس و تنقع / ممنوع أولويز / ممنوع تحاميل سيتم ذكر الأسباب لاحقاً
- 20 يوم الأخيرة شطفي بمويا و ملح و مرات بيتادين
- استخدمي مرهم ميبو بعد التجفيف ( يعتبر مضاد و يعالج الجرح و يشيل الأثر تماما )
- في حالة الألم عندك 3 حلول مفيدة :
1- تحاميل فولتارين ما تأثر على المعدة و لا الرضاعة لأنها شرجية و وحدة بوحدة للألم
2- حبوب مسكنة خليهم يوصفون لك شي قوي و ماله مضاعفات اذا بترضعين
3- جل ريالوكين .. أنبوب جل زي المرهم مخدر موضعي للخياطة الافضل تستخدمينه بس
وقت النوم في حالة الألم .. ( لا تعتمدون عليه كثير لأنه مخدر و لا يعالج الجرح كثرته ممكن
تجيب رد فعل عكسي مع الخياطة )
4- أحيان الألم ناتج عن شد الخيوط إذا ما كنتي حاطة مرهم .. حطي
5- أحيان الألم يكون بسبب الالتهاب ,, و راح أتكلم عن العناية بالالتهاب بالأسفل
الخلاصة :
- مضاد حيوي اطلبيه من الدكتورة
- أول الأيام قسميها حسب رغبتك باستخدام ( غسول بيتادين - مرهم فيسودين )
- التجفيف بعد كل تشطيف مهم جداً
- ممنوعات الأيام الأولى : ( اولويز. مغاطس , ملح , مر )
- آخر 20 يوم متنوعة ما بين مويه و ملح و بيتادين
- استخدام مرهم ميبو
- ممنوع التحاميل بجميع أنواعها إلا في حالة وصفتها لك الدكتورة
- ذكرت بالأعلى مسكنات ممتازة في حالة الألم
أدوات و منتجات العلاج و العناية الأساسية :
فيسودين
الأحمر: كريم سريع الامتصاص
البرتقالي : مرهم يبقى مغطي الجلد حتى الغيار الثاني ( هذا المطلوب )
ليش نحتاج البرتقالي ؟
- نحتاج شي يبقى على ع الجرح لترطيبه ( لأن الخيوط بتشد معانا )
- الفوطة راح تمتص كمية من المرهم , فـ لو استخدمتي الكريم بلحظة
تتشربه البشرة و راح يظل الجرح شبه ناشف و بتحسين بألم الشد
سعره : أقل من 25 ريال
علماً بأن له بدائل ( نفس المادة الفعالة ) و لكن من شركات أخرى :
مثل فيسوديرم و غيره بإمكانك سؤال الصيدلي
****************
غسول بيتادين :
سعره : أقل من 25 ريال ( مو متأكدة )
****************
مرهم ميبو
سعره : 30 ريال
****************
منتجات العلاج و العناية التكميلية ( حسب الحاجة ) :
تحاميل فولتارين
قوية بالتسكين و لا تؤثر على الرضاعة و لا تتعب المعدة لأنها شرجي
سعرها : 18 ريال
****************
جل ريالوكين ( مخدر موضعي )
سعره أقل من 10 ريال
- ممنوع الصابون و الغسولات / ممنوع الديتول باستمرار
الغسول فقط اذا حسيتي المنطقة متراكم عليها دهن من المرهم غسلي حوالين الجرح
من غيره ما يوصله الغسول .. مع العلم ممكن استخدامهم على خفيف لازالة الروائح
- استخدام الملح أو المر من بداية النفاس : تنشف الخيوط و تقسيها و المر يشد و الملح يجفف
و يطيح الخيوط بدري و الجرح ما التأم
ممكن تستخدمونهم في بداية النفاس اذا احتجتوا بشكل مخفف الين يخف الالتهاب و ترطبون
بالمرهم بعدهم ضروري ضروري ضروري
- استخدام الملح دون مرهم ، راح يخلي لك الخياطة زي الشوك و تتألمين بشدة
- عدم ضبط كمية مطهر البيتادين لا تكثرين على بالك بيكون مفعوله أقوى عشان كذا
الأفضل تستخدمون الكوب المعياري
- استخدام اولويز بالنفاس غلط اكبررر غلط
اللي مرتاحة عليه تغيرها بس بالنفاس ، محتاجة فوط مريحة و قطنية تساعد المنطقة على
التنفس اختاري اي شركة فام برايفت نانا كوتكس ، و في لوتس اعتقد مخصصة للنفاس و في
من فام مخصص للولادة
- المغاطس و التنقع غلط غلط المنطقة محتاجة تنشف و انتي تجيبين لها الرطوبة ؟
غير أنه من حكمة ربي الدم ينزل و يطلع للخارج و انتي ترجعين تدخلين الدم او اي
بكتيريا من نفس الموية اللي تلوثت و انتي متنقعة فيها !
- ضروري تعطين الجرح فترة راحة من المرهم ما ينفع يكون لين و طري طول الوقت
لا تنسين ان المنطقة من الاساس رطبة و مكتومة فعطيها فرصة تكون ناشفة شوي
- تحاميل الاعشاب و البوثيل من الصيدلية غلط و اكبر غلط .. اللي متعودة ع الاعشاب
براحتها بس البوثيل مخصصة للالتهابات و القرح تشفط المويه لان هذا علاج القرح ..
و لما تطلع مويات تفرح الوحدة تحسب انه بلاوي النفاس
اذا انتهى نفاسك و انتي رطبة و مويات نفاسك تعبان ما بتعدله تحاميل ..
ركزوا الله يسعدكم المويه اللي تطلعها التحاميل هي موية الرحم الطبيعية و شي طبيعي لما
تسيل ينزل معها دم و افرازات و تحسون بجفاف و شد بالمنطقة و هذا غلط للرحم السليم
اللي مافيه التهابات و قرح .. ( اللي سبق لها الولادة بتفهم هالجزئية لأن منتشر بالمنتديات
إن هالتحاميل تضبط الأمور ) و أنا بس أوضح و كل وحدة حرة ..
- في ناس يستخدمون خواجوا و أعشاب مختلفة و مر و أشياء كثيرة
مو مشكلة الواحد يختار علاجه .. أهم شي اضمنوا انها شي نظيييييف
أنا ما استخدمت هالاشياء ..
بالنسبة للبكريات : أكيد يجيكم فضول تشوفون
المنطقة بالخياطة لا تخافون و تنصدمون كل شي بإذن الله راح يرجع .. أنا جلست أبكي
و ألحين أضحك على نفسي .. و للعلم راح تظل المنطقة متوسعة فترة طويلة بالنفاس
فلا تحكمون من بدري إنه في توسع ,, لما تطلعين من النفاس جربي و احكمي
أعراض التهاب الخياطة :
ممكن تظهر علامة أو علامتين مو شرط كلها ..
- أهم علامة للالتهاب حرارة بالمنطقة
- ورم غرريب حول الخياطة و مؤلم جداً
- ألم لا يحتمل في الخياطة
- صديد
- تنفتح الخياطة
- حكة شديدة ( مع العلم إنه ممكن تحسين بحكة باستمرار بسبب : شد الخيوط , التئام
الجرح , حرارة من الفوطة , ظهور الشعر لا مؤاخذة ) و هنا قصدت الحكة الشدييييييدة
غير محتملة هي اللي تكون التهاب يصاحبها حرارة
علاج الالتهاب :
أشوف آخر الحلول عند الحريم هو ( المستشفى ) عشان كذا راح أعطيكم الحلول المنزلية
- استخدمي مضاد حيوي فوراً بلا تهاون الكريمات و الغسولات ما بتغنيك عنه
- استخدمي مرهم الفيسودين و غسول البيتادين
- يمكن استخدام البيتادين مركز تبللين شاش معقم بالمطهر و تطبطبين مكان الالتهاب
- إذا تفضلين الأعشاب استخدمي المر و الملح
- استخدمي المسكنات اللي سبق ذكرها
- خلي المنطقة تتهوى بين فترة و فترة خصوصا بالوقت اللي يخف فيه النزيف
- تم بحمد الله -