بنات كيفكم حبيت اسدح تجربة ولادتي مع انها قديمة من سنة ونص تقريبا
انا دايما ولاداتي في جده الحمدلله ولدت مرتين طبيعي واموري كانت ميسرة
اخر مرة ولدت في الرياض تحديدا في الحمادي عند دكتورة اسمها دعد سورية
صراحة انا كنت طول فترة الحمل اتابع في مستوصف قريب من بيتي بس
رحتلها 3 مرات مرة في السابع ومرتين في التاسع اموري كلها تمام و الحمد لله
بس يوم الولادة نزلت عليا مويات ورحت لها قالت ولادة دخلتنا غرفة الولادة
وماعاد شفتها لمن زاد عليا الالم تقريبا على 6 سم سرت ادف مع انو بدري
على الدف وخروج البيبي المفروض على ال10سم
طلب زوجي من الممرضة تنادي الدكتورة عشان تشوفنيني تعطيني مخدر او اي حاجة
تخفف الالم جات لمن شافت الرحم 6 سم بس اتجننت وهاجت
على الممرضة ورمت الملف بالارض؟؟؟؟؟؟:icon33:
طبعا بالانجليزي تقلها ماتنادوني الا اذا كان فل الحمدلله زوجي يعرف انجليزي
وفهم عليها وقام رد عليها ايش التعامل حقك الزفت
زوجتي تعبانة وانتي ترمي الملف وتقولي لا تنادوني انا اللي طلبت منهم
ينادوك طيب اذا مانتي حابة نناديك ننادي مين؟؟؟:angry2:
وقامت تخاصمني تقلي لاتدفي بعدين بقلك وقت الدف دفي حتقولي مافيا وقفي
باقلك>>>>حسيت نفسي بمستشفى حكومي مو خااااااااص
المشكلة مو بيدي ادف غصب عني والله يابنات.:29:..... المهم اخيرا وصلنا لل 9سم
قالت لازم عملية ليش الجنين نبضانو ضعيفة وحيموت قلتلها خلاص انا ادف والرحم
مفتوح ليش عملية؟؟؟؟
تقول وقعوا انو لومات الولد احنا نخلي مسؤليتنا وانتوا تتحملوا المسؤلية
يمكن كلامها صحيح ماادري بس يريتو باسلوب مو وهي تنافخ وتبرطم وتقلب وجهها
اكيد كنت تقبلت كلامها بس معصبة كاني اشحت من عندها
المهم قلت لزوجي اخصرك منها كذابة تبغى فلوس وخصوصا انو ماعندنا تأمين
حصبر خلاص عديت الطلق كلوا واجي على النهاية اشق بطني لا:06:
ووقع زوجي انو بتحمل مسؤلية موت الطفل بس صراحة كان مضايق جدا جدا
ويقلي اخاف كلامها صدق ويموت الولد العمليات سارت سهلة وحرام نضحي بالولد:44:
وطبعا حضرتها داخلة خارجة وتقلي هااا مايأستي؟؟؟ يعني كم بدك نصبر عليك؟؟:30:
والدف شغال والله حتى الممرضة راحمتني تقلي ان شاء الله كلو طبيعي ماما
لكن الدكتورة مو عاجبها صمدت نص ساعة بعد توقيع زوجي على الورقة
وخلاص ماقدرت استسلمت خفت على الولد.. خوف زوجي وترني كان واضح جدا
واستخرت وانا على سرير الولادة واتكلت على الله وفوضت امري للرحمن الرحيم
وقلت لزوجي انا موافقة على العملية وقع خلاص ماشفتوا زوجي وقع بيدينوا الاتنين
والدكتورة بانت ضروسها اللي كانت مبينة انيابها وبس:30:
وفي ثواني اقلكم شكلهم كانو عند الباب بس مستنين توقيع زوجي
دكتور التخدير قدو فوق راسي هاتيك يااسئلة وهم يجروني بالسرير
زي الافلام وزجي يمشي معايا وماسك يدي وانا على السرير
واوصيه على اولادي وابكي<<<<عنجد فلم :p
والحمدلله دخلت غرفة العمليات وماحسيت بشي الشي الوحيد اللي يغفرلهم عندي
انو كل مارحت لدكتورة غيرها وشافت العملية تقلي العملية نظيفة وتجميلية وناجحة
المهم بعد الولاده جتني د.دعد في الصباح تتطمن كانت وحدة تانية سمحة وبشوشة وطيبة
مدري فين اللي كانت امس ولا خلاص اخدت الفلوس وارتاح قلبها
بس دايما ادعي ان كنت محتاجة او ولدي كان عنجد في خطر الله يجزاها خيررر
وان كان الموضوع عشان الفلوس الله لايهنيها بعمرها وعافيتها يارب
ولدي دحين عمرو سنة و8شهور بالضبط الحمدلله
و دحين انا حامل لسه حتى ماادري كم ليا يدوبك سويت تحليل دم وماراجعت اي دكتورة
والحمدلله سار عندنا تأمين طبي فاأبغى مشورتكم يابنات في دكتورة تخاف الله
لاتي اخر ولادة هاذي كانت قيصري وابغى اولد طبيعي بأذن الله زي زماااااااان :44:
مدحولي الحبيب والبريطاني واذا الحمادي مع اني كارهتها مين فيها كويسة طبعا لاحد
يذكرلي دعد لاني كرهتهاااااا
رجاء ساعدوني واللي عندها تجارب تقلنا الله يسعدكم
:26:
النجوم السبعة @alngom_alsbaa
عضوة فعالة
يلزم عليك تسجيل الدخول أولًا لكتابة تعليق.
BASTA
•
اهلا
دعد كثير يمدحونها بس شكل ولادتك كان مع ازمه نفسيه لها
شوفي بقول اللي سمعته عنها انها دكتوره ممتازه وماتولد عمليه الا في الاوقات الحرجه مره مره
هي ضد العمليات اعرف كذا بنت ساعدتهم يولودون طبيعي مع ان حالاتهم حرجه
يعني هي تعرف متى الحاله تستدعي عمليه
بس مالومك اذا كانت تجربتك سيئه اكيد ماراح تفكرين تعيدين التجربه عندهم
البريطاني انصحك لوجه الله انك تبتعدين عنه
كل اللي اعرفهم عمليات تخيلي بس 2 طبيعي والباقي عمليات ولا عندهم تجهيز طبي مثل عنايه مركزه لاسمح الله
الحبيب كويس وفيد دكتورات كثير بس ماعرف احد شخصيا ان شاء الله البنات يفيدونك
الله يسهل عليك
دعد كثير يمدحونها بس شكل ولادتك كان مع ازمه نفسيه لها
شوفي بقول اللي سمعته عنها انها دكتوره ممتازه وماتولد عمليه الا في الاوقات الحرجه مره مره
هي ضد العمليات اعرف كذا بنت ساعدتهم يولودون طبيعي مع ان حالاتهم حرجه
يعني هي تعرف متى الحاله تستدعي عمليه
بس مالومك اذا كانت تجربتك سيئه اكيد ماراح تفكرين تعيدين التجربه عندهم
البريطاني انصحك لوجه الله انك تبتعدين عنه
كل اللي اعرفهم عمليات تخيلي بس 2 طبيعي والباقي عمليات ولا عندهم تجهيز طبي مثل عنايه مركزه لاسمح الله
الحبيب كويس وفيد دكتورات كثير بس ماعرف احد شخصيا ان شاء الله البنات يفيدونك
الله يسهل عليك
الله يرزقك دكتورة تتطمنك وترحمك لان حنا الحريم وقت الولاده ننرحم نبي من يضحك بوجهناوهم زي اللي يبيعون قلبهم نادر تلقين بنت حلال تضحك بوجهك وتتطمنك ووتساعد معك الله يخفف حمله ووضعه وتفرحين فيه يارب
الصفحة الأخيرة
بس انتي اذا تقدرين تروحين جده روحي يمكن تكونين اعرف بدكاتره وناس ثقه
ولاتنسين تدعين لنا بالذريه يالغاليه
تولدين بالسلامه يارب :)