تجربة ولدي مع العلاج بالغوص

ذوي الاحتياجات الخاصة

كيف حالكم خواتي ان شاء**** تكونون في اتم الصحة والعافية يارب
من زمان كنت ابغى انزل الموضوع لكني انشغلت في مشاغل الحياة ابغى غيري يستفيد مثل ماولدي استفاد
في البداية بعد ماعرفت مرض ولدي لما كان عمرة سبع شهور تشنج ومع التحاليل واشاعة الرنين قالو لي ضمور بالمخ بس بسيط وقالو تاخر في النمو
طبعا ولدي في هالفترة كان في محلة مايتحرك ابد ولا يلعب ويناغي مثل الاطفال اللي في سنة
طبعا انصدمت مافية دكتور مارحتلة وكلهم يقولون نفس الكلام ودلنا واحد من الاهل على هاذا العلاج لانة يعرف اخو الدكتور يوسف العوفي هو المدير قسم علاج الغوص بمستشفى القوات المسلحة بالجبيل وطبعا رحنا وارسلنا التقارير والاشاعة على فاكس المستشفىوبعدها بفترة ردو علينا بالقبول وسوينا برقية للامير سلطان **** يرحمة وجات بالقبول والحمدللة واخذنا موعد وطلع الموعد بعد سنة ومرت الايام كانها شهر وطبعا قدمنا برقية لامير الهيئة الملكية للجبيل وينبع بطلب سكن لان الاجارات غالية اقل اجار لقيناة بالشهر 4000ريال
طبعا جتنا الموافقة على السكن وهي عبارة عن غرفتين نوم وحمامين ومطبخ وغرفة الاكل وغرفة التلفزيون انا فصلت لانة جتني اسئلة على الخاص كيف الشقق هناك طبعا التكييف مركزي لازم تجيبن للمريض شي يدفية لانة اذا تعب وارتفعت الحرارة مايدخل الغواصة بعد ماوصلنا للمستشفى اخذو تحاليل الدم والبول وفحصواالاذن والعين اذا كانت قادرة على تحمل الضغط في الغواصة واذا كانت ماتتحمل الضغط مايدخل الغوص وترجعين لبيتك واذا يتحمل تبداين معاهم شهرين كاملين ماعدا الخميس والجمعة مافية جلسات والحمدللة بدانا معهم اخذو ولدي وحطوة بعربية خاصة للغواصة ودخلتة اللمرضة وطبعا لازم يلبس ملابس قطنية وكان في البداية بس يبكي وبعدها باسبوع عادي يعطونهم جوا الغواصة عصيرات وحليب ويشغلون طيور الجنة علشان مايطفشون والغواصة ماتنزل للبحر بس الجواللي في داخل الغواصة بالمستشفى نفس جو الغواصة اللي تنزل البحر يعني الاكسجين داخل الغواصة مية بالمية مو نفس الاكسجين اللي في محيطنا ويعالج هذا العلاج ضمور المخ والتوحد وبعض الرجال شفتهم صارت لهم حوادث وامراض الغرغرينا ويساعد هذا العلاج على ألتآم جروح مرضى السكر من عمليات وجروح عميقة وطبعا قبل مايدخلونة الغواصة يكونون من قبل ملبسينة طوق كبي حول العنق ويكون شكلة مثل رواد الفضاء ولما يدخل الغواصة يدخلون انبوب
مع فتحة الطوق ويدخل الاكسجين من هاذي الفتحة وكنت اجلس بالجلسات وقدامي الكميرات اشوف فيها ولدي وهو داخل الغواصة وسمعت كثير من الامهات اللي جالسين واللي لهم اكثر من ثلاث مرات وهم يجيبون عيالهم لهذا العلاج انهم تحسنوا كثير بس مو من اول مرة هو علاج بطي المفعول
انا ولدي صار يركز معي وتحسنت مشيتة وصار يتكلم اكثر من اول احسة فاهمني مو مثل اول انا شفت تغير ملحوظ بس فية ناس ماتحسنت ابدا
وكل هاذا بيد المولى القدير ومدة الجلسة ساعة وربع مع انة دكتور المخ والاعصاب قالنا مااثبت طبيا فائدة علاج الغوص بس الخالق قادر على كل شي امرة بين الكاف والنون وماادري اذا جاوبت على كل اسئلتكم واذا فية سؤال انا حاضرة للجميع ابي الفايدة تعم ودعواتي لكل مريض ان يعجل **** بشفاءة وسامحوني على اسلوبي لانة على بعض الكلام
ودمتــــــــــــــــــــــــــــم
52
20K

يلزم عليك تسجيل الدخول أولًا لكتابة تعليق.

تسجيل دخول

م لميس
م لميس
جرامي الله كل خير استلمي الاساله
يعني بعد مارسلتي موافقه الملك ارسلولك العلاج بعد سنه؟ولا علا طول
كم عمر الطفل؟
لاحظتي تحسن بعد كم جلسه؟
وكيف هو الان؟
وهل فيه أطفال كثير؟
وكم تكلفه الجلسات ؟ من جد الله يجزاك الجنه ويشفي ولدك يارب ويخليه لكي وتشوفيه معرس قدام عيونك يارب العالمين اللهم امين
القمر الضائع
القمر الضائع
**** يجزاك خير على الدعوة عمر ولدي سنتين ونص وشفتة تحسن بعد ثلاث اسابيع من بداية الجلسة لما قدمنا البرقية ماطولت هي و الفاكس اللي ارسلناة للمستشفى بس الموعد بعد سنة لكثرة الاطفال لانة فية غواصة وحدة فسمعت انة الان فتحو اكثر من غواصة لكثرة المرضى يارب تشفيهم وتشفي كل مريض مسلم والحمد للة ولدي احسن من اول بكثير بس زي ماقلت الاطفال بعضهم ينجح فية العلاج وبعضهم ماينجح وتكلفة الجلسة الوحدة على حسب ماسمعت خمسين الف ريال وانا حاضرة لجميع اسئلتكم بس اشوف المشاهدات اكثر من الردود ليييية
م لميس
م لميس
كيف ولدك يتكلم ويمشي مثل اي طفل طبيعي
القمر الضائع
القمر الضائع
الحمد للة سويتلة خلطة قالتلي عليها مدربة النمو والسلوك في المستشفى وهي واحد جرام من العنبر و2جرام من المستكة تطحن، وتذوب في25جرام زيت السمسم وتوضع على النار بس فورة وحدة وبعدين تحطين ثلاث نقاط تحت اللسان مرتين في اليوم والحين يقول كل كلمة نقولها والحمد للة ويمشي بس مشيته لك عليها شوي ولا مشى الالمن كان عمرة سنتين ويارب تمم علينا نعمتة
سبسيال@@
سبسيال@@
القمر الضايع ..... جزاك الله خير والله يشفي ولدك ويفرحك فيه ياااااارب والخلطه كم المده الي استخدمتيها والله يعطيك العافبه يالغلا