حبيت أطرح تجربتي مع جوال n8
قصتي ابتدت لما اخترب جوالي القديم نوكيا,,,
وماعرفت شنو اسوي جاني ابوي قالي ريوفه اليوم جاتنا شركة الاتصالات ومسووين لموظفين أرامكو عرض خاص على الآيفون ها وش رايج قلت طيب عادي خذ لي وفعلا راح وقدم على 3 لي ولأختي ولأمي :27:
وجلست 3 شهور من دون جوال:angry:
والوضع عادي بالنسبه لي بس حسيت انهم طولوا وابوي قال شكلهم يلعبون علينا وقرر هو يشتري لي
وفعلا رحنا محل نوكيا في رمضان
ونصحوني بn8 لانه ينافس الايفون ومن هالكلام وهو كان في عرض عليه واشتريته وكان لونه فوشيا اختيار ابووووووي يقول احلا انثوي للبنات:27:
وفعلا اخذته برمضان واستخدمته بشوال بالعيد :icon28:
وهذا هوو
استخدمته شهر واثناء هالشهر لاحظت
اني لما اكلم يطفي يقطع المكالمه واستمر على هالحال,,
وصار يعلق مع اني لا صورت فيه ولاحطيت فيه برامج ابدا خام مثل ماهو لا زدت ولا نقصت
وطنشت الموضوع:09:
بعد الشهر
صارت الشريحه ماتتعرف على الجوال ويطلع لي مافي ابراج والوضع غير متصل
واطفيه واشغله ونفس الشيء
والحل
وديته نوكيا كير
والفاجعه انه نوكيا زحمه زحمه :(
رجال كل جوالاتهم n8 اللي جايب جواله واللي جايب جوال بنته واللي جايب جوال اخته وكلهم على شهور وسنه
اقسم بالله اللي يدخل واللي يطلع حامل نفس جوالي
ودخل ابوي لهم قالوا يمكن قطعه مكسوره وانها مدخله الشريحه بالغلط وغيروا القطعه ب200 ريال لمدة اسبوع
واستخدمته شهر :angry:
وبعدين رجعت العله يطفي ويولع والشريحه ماتتعرف
ورجعته وقالوا لي السوفت وير ورحت لهم بكبري لانه ابوي مش موجود:icon33:
وهالمرررررررره الاقي n8 ,n9 مصفوفين جنب بعض واسمعهم يتكلمون n9خراباااااااااااااااته كثيره كثيره
حتى المصري يقول كل الأجهزه n8 وn9 اللي موجودين عندنا
والحين يسمعكم مطفي بالدولاب,,,
ونصيحه مني لحد ياخذهالاثنين
صج قلبي يعورني عليه:icon33:
بس موجود عندي وبروح للمره المليون يصلحونه لي
وهذي تجربتي التعيسه مع n8
n9 شكل فقط
ومع انه الاثنين تعيسين
بس المصري يقول n8 أفضل من n9 لانه n9شكل
وانتهى عصر شركة نوكيا
*
*
*
بعد الفاجعه دقوا شركة الاتصالات قالو لابوي الايفونات ووصلت وعندي ايفون الحين *_*