كيفكم بنوتات ومتزوجات
اليوم بحط النتايج الأخيرة لكريم تريتوسبوت لانه خلص من عندي
وهذا سودو
أول شي سؤال يوصلني كثير من وين شريتيه ؟
(آنا شريتيه من موقع ثاني مو الصيدليه ولا محل عطار تقدرون تدوون ورآح تلقون كثآر يبيعونه
)السؤال الثاني كم صآر لك تستخدمينه ومتى بينت معك النتيجة ؟
التقشير بدأمعي من 4 يوم تقريبا وبينت النتيجة من إسبوع ونص تقريبا صار اللون الغامق بني فاتح وفيه محلات من أول بني فاتح فصارت افتح هي على حسب السمار راح تظهر معك النتيجة وطبعا اليوم صار لي اسوعين وشوي يمكن لان مو حافظة كم صار لي بلضبط هو من يوم يتقشر خلاص إعرفي انه راح يفتح لونه وفيه مناطق صارت ورديه
السؤال الثالث كيف كان استخدامك بشنو ترطبينه وكم المدة اللي تخلين الكريم وتغسلينه ؟
اول يوم خربتها حطيته ونمت فيه وهو غلط المفروض بس نص ساعه حتى لا تحترق البشرة وكل يوم زود نص ساعه لين توصلين 6 ساعات لا تتعدينها
بعد مااغسله كنت احط كريم سودو بنات انا اخر فتره استخدمت زيت اللوز مع زت الزيتون ماكان حلو في الترطيب مايخلي المنطقه تتقشر مثل كريم سودو
السؤال الرابع كل المنطقة تغير لونها وتوحد ولالا؟
المنطقه مو كلها تقشرت وتوحد لونها لا صار في منطقه غامقه ومنطقه فاتحه لان مثلا بين الفخوذ مافكرت احط له غير قبل اسبوع وتوه يتقشر ويطلع جلد جديد طبعا مع الاستمرار اكيد راح يتوحد اللون انا كنت استخدمه من الامام والخلف والحمدلله ماشفت أي ضرر بلعكس فادني كثير
السؤال الخامس كم بألميه تغير من يوم أستخدمتيه
الى الحين تقريبا 80%
ال20% الباقيه اللي استخدمت الكريم وقت متآخر ومامداه يتقشر ويتغير لونه
اما الأشياء اللي لازم تطبقينها عشان لا يرجع السمار او تلقين نتايج آفضل
1-بعد كل حمام وإنتو بكرامه تنشفين المنطقه عدل لاتخلين فيها ماي لانه أساااس السمار والدمار اللي كان فيه
2-البسي كلوتات الشورت لاتلبسين المثلث لان هو بعد السبب في السمار
3-لاتطولين بلكريم اكثر من 6 ساعات عشان تلقين نتيجة بسرعه لان راح يحترق جلدك خلك على الارشادات المكتوبه
4-اهتمي بترطيبها حتى بعد ماتلقين النتيجة واستمري بهذي النصايح حتى لايرجع السمار
5-اذا قدرتي تسوين تهويه للمنطقه فخير وبركه
آمآ6-اتمنى للكل وردي ×وردي
(انا اشتريته بـ60 ريال ومن تاجره لتاجره يختلف السعر )
ويالله بنات نـبي دعوآت حلوة مثلكم
